NÚMEROS 32:14 - Enhlit Bible

¹⁴ Enlhit melyascalhma alhta apquilyeyjamcaa quellhip. Apquililtamjoc quellhip elvajanamcoc apquiltemaclha apancaoc apquilyeyjamcaa, yoyam elvoc sat mocjam Dios Dios napatavo israelitas.

NÚMEROS 32:14 Iomraidhean Croise

GÉNESIS 5:3

Invocmec nic nat 130 años aptiyascam Adán. Aptiyacmec nic nat apquitca apvisay Set. Innoc nic nat aptemaclha apyap.

GÉNESIS 8:21

Inticjancasquic nic nat Dios Apyimtalhnamo actemaclha acmasis. Intomjac nic nat apvalhoc Dios Apyimtalhnamo: —Motvacsejec sat mataa as nalhpop ayinyema apquilsilhnanomap apanco enlhitaoc. Asomcoc mataa alquitamsama apquilvalhoc enlhitaoc ayenmo aptemaclha apquitcoc. Motvacsejec sat mataa aclhamoclhojo asoc aleyvam lhalhma anco. Motniclhejec sat mocjam sictomjaclha alhta.

2 CRÓNICAS 28:13

Apquiltomjac alhta apquilanya: Elapajas sat apquilmomap, yoyam eltajiclha mocjam. Coyangvomoc sat ningilsilhnanomalhca inganco napato Dios, apvita inlhojo nintemaclha ningilmam enlhit najan quilvanaa yoyam jingiltimesam. Coyangvomoc sat mongilyascalhma nincoo, yoyam elvoc sat Dios eyanmongsiclha nintemaclha inganco — nic nat apquiltomjac.

ESDRAS 10:10

Apquinmaclhec nic nat netin Esdras, aptomja apquilanya: —Yitnec apquilsilhnanomap apanco quellhip apquiltingyey quilvanaa cotnaja israelitas eltimjic apnatamcaa. Inyangvocmec mocjam apquiltemaclha apancaoc acmasom.

NEHEMÍAS 13:18

Acno ilhnic nat apquiltemaclha apquilyeyjamcaa quellhip. Ninlingamcoc alhta mataa acyimtalhnama, najan maa tingma apvanyam, ayinyema apquiltemaclha nano. ¿Apquililtamjo ya quellhip coyangvomoc aplom pac Dios, apvita inlhojo apnatovascama quellhip acnim ninnayclha? — alhta actomjac coo.

JOB 14:4

Mepqui ayalhnayo mataa apvalhoc enlhit, mepqui mataa aptemaclha appeyvomo.

SALMOS 78:57

Apquilvatsamquic nic nat apquiljalhenmo appayvam ayinyema Dios. Apquilno ilhnic nat apquilyeyjamcaa apquiltemaclha apquilmapsomcaa.

ISAÍAS 1:4

Quellhip layi enlhitaoc apquilmapsomcaa najan apquilsilhnanomap apanco. Ticyovam yapmayc aptovana nac quellhip. Apquilpinsem nac quellhip. Apquilyinyovquic quellhip Dios Apyimtalhnamo. Apquilvennam quellhip aptomja Apvisqui apponquinomap nipyesicsa enlhitaoc Israel. Apquilyinyovquic quellhip.

ISAÍAS 57:4

¿Naso ya selasmescama quellhip? ¿Naso ya sevenéycam quellhip? ¿Apquiltipcasqui ya apalhcaoc quellhip? Apquilmopvancaa amyaa nac quellhip najan melyascalhma.

EZEQUIEL 20:21

Am alhta eljalhnoc apquitquic siyanamaclha najan siyascamaclha coo, yoyam elmiyovacpoc, am eltamilcasac acnim ninnayclha. Aclovquic alhta coo, inquitlhincasquic oyanmongsiclhac apquiltemaclha apancaoc payjoc yoclhilhma actamopeycaoc.

NÚMEROS 32:15

Apquilvatsamquic sat ancoc quellhip quilhvo nac jay apquilyajayquiclho Dios. Meyinyovsejec sat yoclhilhma actamopeycaoc Dios, elingamcojoc sat mocjam acyimtalhnama apnaymacoc, ayinyema quellhip apquilsilhnanomap apanco napato Dios — nic nat aptomjac Moisés.

SAN LUCAS 11:48

Apquilacoc mataa quellhip. Apquillhenquic mataa apquiltemaclha apquilyapmayc apquilajem nic nat profetas, Dios apquillingascama. Apquilanescasquic actemaclha asoc monquinatquiscama tacjalhpopayc.

DEUTERONOMIO 9:24

Acyasamcoc coo mataa apquiltemaclha apancaoc apquilinmelhaycam quellhip Dios.