NÚMEROS 32:1 - Enhlit Bible

¹ Cascama ilhnic nat apnatoscama apquilmolhama Rubén najan Gad. Apquilvitac nic nat yoclhilhma Jazer najan Galaad, actamila anco ayimjaclha paat.

NÚMEROS 32:1 Iomraidhean Croise

GÉNESIS 13:2

Cascama apquilnatam nic nat Abram. Yitnec nic nat oro asoc acmamnave najan plata asoc alyinmom najan aclhamoclhojo apnatoscama.

GÉNESIS 13:5

Abram apipjenim nic nat Lot. Cascama nic nat apquilnatam Lot. Apquilyancac nic nat aplhamoclhojo apnatoscama nipquesic najan vayqui. Aplhamoc nic nat apmolhama.

GÉNESIS 29:32

Inlovsoc nic nat intomjac Lea. Aptiyacmec nic nat ayitca. Inquiltimec nic nat apvisay Rubén, Sictamongvoyam. Intomjac nic nat avalhoc Lea: —Apvitac Dios actemaclha acyitnocjayo evalhoc. Jeyasicjiclhojoc sat mocjam etava— nic nat intomjac avalhoc.

GÉNESIS 47:4

Ningilvaac nincoo yoyam ongnam as yoclhilhma. Ayinyemaclha mepqui nintom ningaoclha Canaán. Mepqui najan aptoycaoc ninatoscama. ¿Ingvanqui ya nincoo ongnam yoclhilhma Gosén?— nic nat apquiltomjac.

2 SAMUEL 24:5

Apquiljalhtipilhquitquic nic nat vatsam Jordán. Apquilyipsatquic nic nat tingma Aroer najan tingma payjoc alvata acyascama tingma Gad najan Jazer.

2 SAMUEL 24:6

Apquilmiyaclhec nic nat Galaad najan Cades apquileyvomaclha hititas. Apquilvocmec nic nat Dan najan moc nicja Sidón.

1 CRÓNICAS 4:41

Aptimec nic nat apvisqui Ezequías co Judá. Apquilvaac nic nat maa ellanac quimpocjacme nipyesicsa actomja apquilaoclha. Apnatovasquic nic nat acyovoclhojo, apticyovquic nic nat apyovoclhojo tingma. Apquilnaclhec nic nat maa, apquilvita inlhojo ayimjaclha paat aleyvomaclha apnatoscama.

ÉXODO 12:38

Appintalhnama ilhnic nat enlhitaoc apquillhalhma cotnaja aptemolhama. Cascama ilhnic nat apnatoscama vayqui najan nipquesic najan yataay.

JEREMÍAS 22:6

Yitnec aplhanmaclha Visqui ingac, aplhenacpoc apvisqui rey co Judá: Apyitsomacpo lhip nalhma Galaad najan inquilhe Líbano sicyisponcama nat coo. Otvacsic sat apyovoclhojo, cotniclhac sat actamopeycaoc mepqui enlhit.

JEREMÍAS 48:32

Avanjec sicvinama sicvita co Sibma, am colhno sicvinama sicvita co Jazer. Apquilyitsomacpo quellhip uva actingaoc alvoyacmo yingmin Mar Muerto, najan acvaycmo Jazer. Cotvasalhcac sat acyovoclhojo acyilhna ayinyema cotnaja ingmoc apnatovascama.

JEREMÍAS 50:19

Otajicsojoc sat mocjam israelitas elhnam apquilaoclha, payjoc Carmel, najan payjoc Basán, najan payjoc inquilhe Efraín, najan payjoc Galaad. Colhojoc sat apquilvitay acyivey aptoycaoc apnatoscama nipquesic.

JEREMÍAS 8:22

¿Naso ya mepqui panatem payjoc Galaad, mepqui ya panatem inyap? ¿Naso ya meltamalvomejec sat mataa enaymacoc? — nic nat aptomjac profeta.

MIQUEAS 7:14

Dios Apyimtalhnamo. Jingiltamilquis nincoo, acno aptamilquiscama lhip apnatoscama nipquesic, apquilyanca nalhma, niyava yoclhilhma actamila anco. Inaliclha sat mocjam, acno apnalayclha nanoc nat ayimjaclha paat, payjoc Basán najan yoclhilhma Galaad.

NÚMEROS 21:32

Apcapajasquic nic nat Moisés napocja enlhit, eltiyangvomjoc tingma apvanyam Jazer. Apquilimpocjac nic nat israelitas as tingma najan yoclhilhma niyava maa. Apquilantipsacpec nic nat amorreos actomja apquilaoclha.

NÚMEROS 32:2

Apquiltomjac nic nat apquilanya Moisés najan sacerdote Eleazar najan apquilviscaa mayayo:

NÚMEROS 32:26

Elhnam sat tingma yoclhilhma Galaad ningilmolhama familias nincoo najan sicaa, najan ninatoscama.

NÚMEROS 32:3

—Quip elanojo quellhip yoclhilhma najan tingma Atarot, najan Dibón, najan Jazer, najan Nimra, najan Hesbón, najan Eleale, najan Sebam, najan Nebo, najan Beón.

NÚMEROS 32:35

najan Ataro-safán, najan Jazer, najan Jogbeha,

DEUTERONOMIO 33:21

Aplhocac nat Gad yoclhilhma actamila anco, apnamcaclha capitanes apquilviscaa. Apquiltomja apquilimja apmamyi nipyesicsa apnaymacoc, apquilyiplovquisa singanamaclha Dios, apquillingascama actemaclha acpeyvomo nipyesicsa israelitas — nic nat aptomjac.

JOSUÉ 13:25

Apquillhocac nic nat Jazer najan aplhamoclhojo tingma apvanyam Aroer, payjoc jilip tingma Rabá.

JOSUÉ 22:13

Apcapajasquic nic nat Finees, sacerdote Eleazar apquitca, emyaclhac yoclhilhma Galaad, apquileyvomaclha apquilmolhama Rubén, najan Gad, najan media tribu Manasés.

JOSUÉ 22:9

Apquilpayvasquic nic nat apquilmolhama Rubén, najan Gad, najan media tribu Manasés apnaymacoc israelitas, apnaycam tingma Silo yoclhilhma Canaán. Apquiltajaclhec nic nat yoclhilhma apquilinyemayaclha, acvisay yoclhilhma Galaad, apquillhoy nic nat maa, apmilasictem nic nat Moisés, acno apcanama ilhnic nat Dios Visqui ingac.

1 SAN JUAN 2:16

Am conyemac mataa Dios apquiltemaclha enlhit lhalhma anco, eyca ayinyema as nalhpop. Acvisay: ayitsepma ingnenyic najan acmayjayo ingataoc najan nintemaclha ningajamalhco inganco. Eycaso apquiltemaclha enlhit lhalhma anco.

JUECES 5:16

¿So actomja yi apquiljalhenmo apquilpayvascama yammamoc naysicsa apquiltamilquiscama nipquesic? Apnam alhta inyicje apquilmolhama Rubén enlhit mayayo, acyitna eyca ayay apquilvalhoc.