NÚMEROS 31:2 - Enhlit Bible

² ¡Iyanmongsiclha sat lhip apquiltemaclha apancaoc madianitas! Natamin apquilimpocjay ingyitsapoc sat lhip, comascoc sat aptiyascam — nic nat aptomjac Dios.

NÚMEROS 31:2 Iomraidhean Croise

GÉNESIS 15:15

Colhic sat actamilaycam apvalhoc lhip acvocmo apquilitsepma. Epalhavomoc sat lhip apquilmasquingvaycmo nano. Apvanyam sat ingyitsapoc lhip.

GÉNESIS 25:17

Invocmec nic nat 137 años aptiyascam Ismael. Apquitsepquic nic nat. Appalhavocmec nic nat apquilyeyjamcaa apquilmasquingvaycmo nano.

GÉNESIS 25:8

Apquitsepquic nic nat aptomja apvanyam apanco. Appalhavocmec nic nat apquilyeyjamcaa apquilmasquingvaycmo nano.

ÉXODO 2:16

Apnacmec nic nat nicja yamilquit. Pilapcasquic nic nat apvita siete quilvana ayitcoc. Sacerdote co Madián apquitquic nic nat as quilvanaa. Inquilvoctac nic nat yamilquit yoyam colyatimsic yingmin inyap apnatoscama.

ISAÍAS 1:24

Eycaso appayvam Dios aptomja visqui apyimnatem nipyesicsa enlhitaoc Israel: —Ja'jay, oyanmonquisquisic sat apquiltemaclha cotnaja ingmoc. Cotamilam sat evalhoc natamin sicsovjom apquiltomja selinmelhaycam.

NAHÚM 1:2

Dios Visqui ingac aptomja acmasma apvalhoc najan apyanmongsayclha apquiltemaclha apquilinmelhaycam najan aptanoncama cotnaja ingmoc.

NÚMEROS 20:24

Cotnejic sat nelha aptiyascam Aarón. Copvanquejec etac yoclhilhma alhnancoc, sicmescama enlhitaoc Israel. Am alhta elilyajaclhoc sicpayvam quellhip, payjoc actiyapmaclha yingmin acvisay Meriba.

NÚMEROS 20:26

Iljalhyovasquis sat aptalhnama Aarón. Ilic sat apava aptemaclha sacerdote. Italhnesiclha apava sacerdote Eleazar. Vocmec nelha acnim Aarón, ingyitsapoc sat — nic nat aptomjac Dios.

NÚMEROS 25:1

Apquilnaclhec nic nat israelitas payjoc Sitim. Apquilpalhavocmec nic nat napocja enlhit acnamcaclha quilvanaa moabitas.

NÚMEROS 25:6

Apvitacpec nic nat lhama israelita apyantamaclho quilvana madianita, colhic tingma pac. Apvitac nic nat Moisés najan apyovoclhojo israelitas apcanayclha payjoc carpa apponquinomap naysicsa acmayovsa apquilvalhoc najan apyapcalhem.

NÚMEROS 27:13

Etac sat siclho, natamin epalhavomoc sat lhip apquilmasquingvaycmo alhta apnaymacoc. Acno alhta apquitsepma apipma Aarón.

NÚMEROS 31:1

Aptomjac nic nat Dios apcanya Moisés:

NÚMEROS 31:3

Aptomjac nic nat Moisés apquilanya israelitas: —¡Elpenacsojo apquilmaycam quellhip, ongilimpocjac sat nipyesicsa madianitas! ¡Ongilyanmongsiclhac sat apquiltemaclha apancaoc! Eycaso ayinyema Dios.

SAN LUCAS 21:22

Sat cotnejic maa acyanmongayclha apquiltemaclha apancaoc. Comoc sat nelha aclhanmaclha vaycajac acnatalhesomalhca.

LOS HECHOS 13:36

Apquictingaycamco lhama ilhnic nat apnaymacoc David. Apquillanac nic nat mataa actomja apmayjayoclha Dios Ingyapam. Apquitsepmec nic nat. Apcatongnacpec nic nat acpayjo apcatongnamacpilha apyeyjamcaa. Aptajapquic nic nat apyovoclhojo.

ROMANOS 12:19

Quellhip elyalhinga. Noelyanmongsiclha nasa apquiltemaclha poc. Dios sat eyca eyanmongsiclha apquiltemaclha poc. Intomjac nic nat Dios appayvam actalhesomalhca: “Coo sat oyanmongsiclha apquiltemaclha apancaoc enlhitaoc. Eycaso appayvam Dios Visqui ingac” —nic nat intomjac Dios appayvam.

ROMANOS 13:4

Ayinyemaclha apquilviscaa apquiltomja Dios apquilasinaycam. Apquiltamjoc yoyam elyejiclhojoc sat lhip. Apyiplovcasquic sat ancoc lhip actemaclha acmasom, apcay sat etnejic lhip. Ayinyemaclha apmopvan innac apquilviscaa apquiltomja Dios apquilasinaycam yoyam elyanmonsiclha apquiltemaclha enlhit apquilyiplovquiscama acmasom.

DEUTERONOMIO 32:35

Incovac sat acnim, yoyam oyanmongsiclhac sat apquiltemaclha apancaoc. Quilhvoc sat comascoc apquileyvam, ningatoc maa apnatovasomacpilha.

DEUTERONOMIO 4:22

Nasoc lhaja, ongvitsapoc sat coo as yoclhilhma mepqui sicpalhaviyam tap vatsam Jordán. Quellhip eyca elmilanic sat vatsam Jordán, eltimjic sat apancaoc as yoclhilhma actamila anco.

1 TESALONICENSES 4:6

Noeltovas nasa actomja poc ingyalhing apanco, actemaclha siclhanma lhac. Ayinyemaclha eyanmongsiclhac sat Dios nintemaclha. Ningiltimnasquic alhta quellhip as amyaa.

HEBREOS 10:30

Ningyasamcoc nincoo aptomja ilhnic nat appayvam: “Coo sat oyanmongsiclha apquiltemaclha enlhitaoc” —nic nat aptomjac. Aptomjac nic nat mocjam: “Visqui sat eyanmongsiclha enlhit apquiltemaclha apancaoc” —nic nat aptomjac.

EL APOCALIPSIS 18:20

Elitsovacsojo sat quellhip apnaycam netin apquilvita aptovasomap tingma. Elitsovacsojo sat quellhip Dios apquilyacyescama najan quellhip apóstoles apquilapajasomap najan quellhip profetas Dios apquillingascama. Ayinyemaclha apyanmongsaclhec Dios apquiltemaclha enlhitaoc as tingma, acno actemaclha aclhanma apquilvalhoc quellhip —alhta aptomjac ángel apyimtalhnamo.

EL APOCALIPSIS 19:2

Ayinyemaclha Dios aptomja apyicpilquemo appeyvomo najan aptomja nasoc anco. Aptomja apyanmongsayclha actemaclha quilvana alanatama. Actomja actovascama as nalhpop ayinyema actemaclha alanatama. Apyanmongsaclhec Dios actemaclha alnapma apquilancam Dios —alhta intomjac apquilminaycmascama.

EL APOCALIPSIS 6:10

Intomjac alhta alyimnatesa alpayvam apquiljangaoc: —Lhip Visqui aptamila apanco najan aptomja nasoc anco. ¿Jalhco sat acvam eyanmongsiclha lhip apquiltemaclha enlhitaoc apquileyvam nalhpop singilnapma alhta nincoo? —alhta inquiltomjac.

JUECES 16:24

Apquilvitac nic nat enlhitaoc, apquiltomjac apquilayo: Apmacpec cotnaja ingmoc, singmescama Dagón acyitsomalhca dios. Apmacpec cotnaja ingmoc, Sansón. Aptovascama alhta ayimjaclha ninganma. Apquilnapquic alhta ingnaymacoc appintalhnama — nic nat intomjac apquilpayvam.

JUECES 2:10

Nalhit acnim nic nat apquilitsepa apnaymacoc apquilictingaycamco lhama Josué. Am nic nat elyasamcoc aptovana niptamin aptemaclha aptamjaycam Dios nipyesicsa enlhitaoc Israel.