Biblia Todo Logo
Bìoball air-loidhne

- Sanasan -




NÚMEROS 30:2 - Enhlit Bible

2 Yitnec sat ancoc enlhit aplhanma mepqui apyeycajascaoc napato Dios, incaymalhquic etnejic nasoc anco appayvam, etnejic sat acno aplhanma mepqui apyeycajascaoc.

Faic an caibideil Dèan lethbhreac




NÚMEROS 30:2
36 Iomraidhean Croise  

Ingyajalhnoc sat Dios apquilmalhnancama lhip. Mepqui apyeycajascama cotnejic sat lhip apyiplovquiscama.


Moyeycajacsejec sat mataa siclhanma napato Visqui ingac. Moyeycajacsejec sat mataa napatavo aplhamoclhojo enlhitaoc.


Moyeycajacsejec sat mataa siclhanma napato Visqui ingac. Moyeycajacsejec sat mataa siclhanma napatavo aplhamoclhojo enlhitaoc.


Siclhanma alhta mepqui sicyeycajascaoc. Osavojoc sat siclhanma. Oyiplovcasojoc sat mataa singanamaclha acpeyvomo.


Mepqui acmovan amyaa appayvam. Mepqui aplovquiscama poc. Mepqui apquilpamesvoyam poc.


Otnejic sat siyayo lhip naysicsa apcaneyquiclhilha aplhamoclhojo enlhit. Nasoc anco sat otnejic actomjaclha siclhanma napatavo enaymacoc.


Eltime sat selayo sicvisay Dios, malha asoc selmescama sat cotnejic. Noelyeycajascaoc nasa apquillhalhnma najan sicvisay Sicyimtalhnamo.


Apquilinmelham mataa apquiltomja apnaymacoc actamilaycam apquilvalhoc. Apquiltovasquic alhta actemaclha apquilpamejitsomap.


Dios Visqui ajac. Yitnec alhta siclhanma mepqui sicyeycajascaoc. Osavojoc sat siclhanma alhta siclho. Otnejic sat siyayo lhip.


Elsavojo quellhip apquillhanma mepqui apquilyeycajascaoc napato Dios. Elsantimquis macmescama Dios quellhip apyovoclhojo enlhitaoc lhalhma anco.


Mongvanquic ongvennam apvisay Dios Visqui ingac. Ongilsilhnanalhcac sat ningiltomja ningvenéycam apvisay Dios.


Yitnec sat ancoc ninlhanma napato Dios mepqui ningyeycajascaoc, mepqui aclhanma ingilvalhoc yavamlha ontimjic, cotnejic malha singilmam trampa.


Ayinyema enlhit apyeycajascama aplhanma nasoc anco, aptomja apyeycajascama aplhanma actamila, najan aplhanma acmasom amyaa, ayinyema aplhanma nasa, aptomja apsilhnanomap apanco napato Dios.


Aptomjac nic nat mocjam profeta: ¡Quip elanojo quellhip! ¡Apquilhyacme apsoycam amyaa netin inquilhe alvinatem, elngacsic amyaa actamilaycam ingvalhoc! Ellana sat fiesta apancaoc quellhip co Judá. Noelyeycajas nasa apquillhanma napato Dios. Melvotayc sat mocjam cotnaja ingmoc, yoyam jingilimpocja. Apnatovasacpec alhta apyovoclhojo — nic nat aptomjac profeta.


Apquilpamejitcasquic nic nat Dios enlhitaoc Israel. Apquillhenquic nic nat elyanmongsiclha apquiltemaclha apancaoc cotnaja ingmoc. Elsavojoc sat apnatovascama tingma apquilvanyam. Appasmom inlhojo Dios — nic nat apquiltomjac.


Yitnec sat ancoc acpayvam quilvana apma atava, acna atava tingma pac, aclhanma mepqui acyeycajascaoc napato Dios.


Ellana sat quellhip tingma apquilvanyam elhnam familias apancaoc. Ellana sat nipquesic aplhanaoc. Elsavojo sat apquilyiplovquiscama Dios appayvam — nic nat aptomjac Moisés.


‘Quellhip layi, mepqui apataoc apnalayclha apnaymacoc. Apquiltomjac mataa quellhip apquilanya apnaymacoc: “Aptimec sat ancoc nasoc anco appayvam enlhit elhenic tingma apponquinomap, yoyam colhejec acyascacmo. Ayajemo sat cotnejic aplhanma. Aptimec sat ancoc nasoc anco appayvam enlhit elhenic asoc alyinmom tingma apponquinomap, yoyam colhejec acyascacmo. Nasoc sat cotnejic aplhanma” —alhta apquiltomjac mataa quellhip.


Apquiltomjac mataa quellhip apquilanya apnaymacoc: Aptimec sat ancoc nasoc anco appayvam enlhit elhenic acvatnamalhquilha, yoyam colhejec acyascacmo. Ayajemo sat cotnejic aplhanma. Aptimec sat ancoc elhenic asoc netin acvatnamalhquilha, yoyam colhejec acyascacmo. Nasoc sat cotnejic aplhanma —alhta apquiltomjac mataa quellhip.


Moc acnim alhta intomjac. Inquillhenquic alhta apquilvalhoc napocja judíos, yoyam elajic Pablo. Nasoc anco alhta apquiltimescasac apquilpayvam. Am alhta elmayajamco eltovamcoc najan elyinamcoc amamyi yoyam elajic Pablo.


Apquilyoclhec alhta apnamcaclha apquilimja apmamyi sacerdotes najan judíos apquilyimtalhnamo. Apquiltomjac alhta apquilanya: —Ningiltimescasquic nincoo nasoc anco ninpayvam. Montovejec sat nintom acvocmo ningajem Pablo —alhta apquiltomjac.


Nolyejiclhojo nasa lhip. Ayinyemaclha cuarenta tap enlhitaoc apquiljalhanma, yoyam elajic Pablo. Nasoc anco apquiltimescasac apquilpayvam. Am elmayajamco aptoycaoc najan elyinamcoc acvocmo apquilajem Pablo. Apquilpenaso inyicje, lhip lhac apquiljalhnac appayvam —alhta aptomjac.


Actomjac coo silanya quellhip: Am alhta ovoclhac mocjam nipyesicsa quellhip. Ayinyemaclha altamjoc alhta olmeyvoc quellhip. Eycaso ayinyema siclhanma apvisay Dios yoyam colhejec acyascacmo siclhanma.


Aplhalhma aptomjac nic nat Jefté. Enlhit mayayo ilhnic nat nipyesicsa maa, aptomjayclho apvisqui. Apquilpamejitsacpec nic nat napato Dios Visqui ingac tingma Mizpa amyaa aclhenamalhca siclho.


Natamin nic nat actajavo mocjam apnaclha inyap. Am nic nat eyeycajasac aplhanma Jefté napato Dios. Inmatnec nic nat Jefté apquitca, mepqui ilhnic nat atava, mepqui ilhnic nat acpatjeteycaoc enlhit.


Lean sinn:

Sanasan


Sanasan