NÚMEROS 28:3 - Enhlit Bible

³ Iltimnasiclha sat actemaclha ofrendas, colhic alvatna talha, yoyam colhic ayaco sicvisay coo: moclhama acnim mataa mepqui apquilyeycajascaoc, eticyoc apcanit nipquesic apquitcoc apvaycmo un año, mepqui appinsem najan mepqui acmasom apyimpejic.

NÚMEROS 28:3 Iomraidhean Croise

1 CRÓNICAS 16:40

Yoyam elnapoc mataa (holocaustos) apnatoscama macmescama Dios acyanmongam melyascalhma netin altar acvatnamalhquilha, najan alhtoo najan actalhnam, acno ilhnic nat singanamaclha actalhesomalhca ayinyema Dios elyiplovcasojo enlhitaoc Israel.

2 CRÓNICAS 8:13

Apyiplovcasquic nic nat apcanamaclha Moisés, etingya macmescama Dios acnim ninnayclha, najan macmescama Dios fiesta piltin apjalhnancoc, najan maa tres fiestas moclhama año; aptoycaoc pan mepqui apquimpascaoc, najan fiesta pentecostés, najan fiesta Enramadas jamilh apancaoc.

ESDRAS 3:5

Actemaclha mataa apquilvatnama acyanmongam melyascalhma. Najan asoc macmescama mataa piltin apjalhnancoc najan moclhama fiestas actemaclha apyisponcama Dios. Najan aclhamoclhojo mataa asoc apquilmescama nasa enlhitaoc.

DANIEL 11:31

Enatovacsic sat singilpilhtetemo tingma apponquinomap, najan apquilyilhanmomaclha, elvatesquisic apquilvatnamaclha asoc macmescama Dios, ellanac sat quilaycmasquiscama acyitsomalhca dios.

DANIEL 12:11

Comascoc sat apquiltemaclha macmescama Dios, acyiplomo apquilayo quilaycmasquiscama acyitsomalhca dios congne Dios tingma pac apponquinomap. Ayenmo maa, cotnejic sat mil doscientos noventa acnim.

DANIEL 8:11

Inmiyaclhec alhta netin as apquipetic alhnancoc apnaclha apvisqui enlhit netin. Inquilvatescasquic alhta maa apquilvatnamaclha asoc macmescama Dios. Intovasquic alhta maa apquilmalhnancamaclha.

DANIEL 8:13

Aclingac alhta lhama ángel appayvam apcanya poc ángel: ¿Co sat acvam comascoc mactovascama apquilvatnamaclha asoc macmescama Dios? ¿Co sat acvam comascoc mactovascama apquilmalhnancamaclha najan macnatovascama Dios apquilyacyescama? — alhta aptomjac.

LEVÍTICO 3:5

Elvitic sat talha sacerdotes as asoc netin altar, alvatnamó lhama talha vayqui acmatnam acyanmongam melyascalhma.

LEVÍTICO 6:9

Iltimnas sat lhip Aarón najan apquitquic yavamlha eltimjic holocaustos: Asoc acmatnam acyanmongam melyascalhma malvatnama talha (acmeta) netin altar apquilvatnamaclha, coytic sat maa acyovoclhojo alhtaa, cosovjalhcac sat acmeta.

AMÓS 4:4

Aptomjac alhta mocjam Dios Apyimtalhnamo: ¡Quellhip enlhitaoc, elvoclha sat tingma Betel najan Gilgal! ¡Elsilhnanacpojo apanco! ¡Jelinmelham sat coo! Elsaclhes mataa alhtoo asoc macmescama quilaycmasquiscama. Elsaclhes acvocmo inlhojo tercer día apquilmescama nasa lhama soc, acyitna inlhojo diez asoc.

NÚMEROS 28:10

Eycaso ofrenda acnim ninnayclha acvisay holocausto asoc acmatnam malvatnama talha macmesca Dios acyanmongam melyascalhma najan ofrenda uva ayingmenic. Noelvatsaoc nasa ofrendas moclhama acnim, mocjam ofrendas acnim ninnayclha — nic nat aptomjac Dios.

NÚMEROS 28:15

Noelvatsaoc nasa ofrendas moclhama acnim. Eltingya sat mocjam yataay apquitcoc, cotnejic sat apmatnam macmescama Dios malvatnama talha acyanmongam melyascalhma, acyiplomo ofrenda uva ayingmenic — nic nat aptomjac Dios.

NÚMEROS 28:23

Eycaso holocausto macmescama Dios apquilanyacpo quellhip eltingya mataa. Moc holocausto macmescama Dios moclhama acnim, apquilanyacpo quellhip eltingya cada día sec'aseclha.

NÚMEROS 28:24

Elyiplovcasojo mataa acvaycmo siete acnim naysicsa fiesta. Cotnejic sat acticjanquiscama actamila malvatnama talha napato Dios. Noelayim nasa ofrenda uva ayingmenic najan holocausto moclhama acnim.

NÚMEROS 28:31

Eycaso apquilanyacpo quellhip eltingya holocausto najan ofrendas trigo apactic najan ofrendas uva ayingmenic. Noelayim nasa moclhama acnim eltingya holocaustos macmescama Dios. Incaymalhquic mataa apnatoscama apquiltamila, mepqui acmasom apyimpeoc, mepqui apquilpinsem — nic nat aptomjac.

NÚMEROS 28:4

Lhama nipquesic apquitcoc ematong mataa secaseclha, poc ematong sat mataa actalhnam.

NÚMEROS 29:11

Mocjam lhama ofrenda macmescama Dios etnejic yataay apquitcoc apmatnam malvatnama talha acyanmongam melyascalhma. Noelayim nasa holocausto macmescama Dios actemaclha singasicjayquiclha mocjam (día del Perdón) Dios. Noelayim nasa holocausto moclhama acnim najan acyipitcayo trigo apactic najan uva ayingmenic macmescama Dios — nic nat aptomjac Dios.

NÚMEROS 29:16

Mocjam lhama ofrenda macmescama Dios etnejic yataay apquitcoc apmatnam malvatnama talha acyanmongam melyascalhma. Noelayim nasa holocausto moclhama acnim macmescama Dios najan acyipitcayo trigo apactic najan uva ayingmenic macmescama Dios.

NÚMEROS 29:6

Noelayim nasa holocausto moclhama piltin, najan holocausto moclhama acnim, acyipitcayo trigo apactic macmescama Dios najan uva ayingmenic macmescama Dios, acno apcanamaclha Dios. Cotnejic sat ofrenda macmescama Dios acticjanquiscama actamila malvatnama talha napato Dios — nic nat aptomjac Dios.

SAN JUAN 1:29

Moc acnim alhta intomjac. Apvitac alhta Juan aplhingacmo Jesús. Aptomjac alhta Juan apquilanya enlhitaoc: —Quip elanojo. Aptomja sat apmascoscama melyascalhma enlhit lhalhma anco, malha nipquesic apquitcoc apquilmesomap enlhitaoc. Eyca as aptomja nipquesic apquitcoc Dios apmescama.

HEBREOS 9:6

Eycaso actemaclha alhta congne tingma apponquinomap: Apquilantalhnec mataa aclhamoclhojo acnim Dios apquilancam congne tingma apponquinomap, apvisay lhama apvalhoc yoyam ellanac asoc apyilanyomap ellana.

EL APOCALIPSIS 13:8

Elpayicsojoc sat asoc navjac aclom aplhamoclhojo enlhitaoc apquileyvam as nalhpop. Melpayicsoyc sat enlhitaoc acyitna acnatalhesomalhca apquilvisay vaycajac acvisay acyimnatem ingnenyic. Innatalhesalhquic nic nat apquilvisay amamyi apquilantipquiscama Dios as nalhpop. Nipquesic Apquitcoc apmatnam vaycajac apanco, acyitna apquilvisay enlhit acyimnatem apnenyaoc.