NÚMEROS 28:2 - Enhlit Bible

² Ingyane sat lhip nipyesicsa israelitas, yoyam colvoncamejec sat mataa naysicsa fiesta ofrenda pan macmescama Dios, najan ofrendas apnatoscama apticyovam macmescama Dios, colhic alvatna talha seticjanquiscama actamila coo.

NÚMEROS 28:2 Iomraidhean Croise

GÉNESIS 8:21

Inticjancasquic nic nat Dios Apyimtalhnamo actemaclha acmasis. Intomjac nic nat apvalhoc Dios Apyimtalhnamo: —Motvacsejec sat mataa as nalhpop ayinyema apquilsilhnanomap apanco enlhitaoc. Asomcoc mataa alquitamsama apquilvalhoc enlhitaoc ayenmo aptemaclha apquitcoc. Motvacsejec sat mataa aclhamoclhojo asoc aleyvam lhalhma anco. Motniclhejec sat mocjam sictomjaclha alhta.

1 CRÓNICAS 23:31

Elpenacsojoc moclhama acnim ninnayclha apnatoscama apticyovam macmescama Dios acyanmongam melyascalhma. Najan maa fiesta piltin apjalhnancoc. Najan maa fiesta alyivey, eltimesam sat mataa mepqui apcaymomap lhama.

2 CRÓNICAS 23:18

Apcanama ilhnic nat Joiada apquilanyacpo guardia apquiltamilquiscama tingma apponquinomap, elyiplovcasojoc sat apcanamaclha sacerdotes najan levitas. Apquilanyacpec nic nat sacerdotes najan levitas eltimesam, acno apcanama siclhoc nat David. Eltingyac mataa apnatoscama, yoyam elajic, cotnejic macmescama Dios acyanmongam melyascalhma, acno aclhanma singanamaclha Dios ayinyema Moisés. Yiplovcoc mataa apquilminaycmascama naysicsa apquilitsovascama, acno ilhnic nat apcanama David.

2 CRÓNICAS 31:3

Aptomjac nic nat apvisqui apmescama nasa asoc apancaoc, cotnejic macmescama Dios acyanmongam melyascalhma, najan alhtoo najan actalhnam, najan acnim ninnayclha, najan acnim fiesta piltin apjalhnancoc, najan moc fiestas, ayinyema singanamaclha actalhesomalhca, yoyam ongyiplovcasojo.

ESDRAS 3:2

Apquiltamjoc nic nat ellana apquilvatnamaclha asoc macmescama Dios, apvisay Jesúa, Josadac apquitca najan apnaymacoc apquiltomja sacerdotes. Najan Zorobabel, Salatiel apquitca najan apnaymacoc. Apquililtamjoc nic nat elyiplovcasojo actemaclha apcanamaclha Moisés aptomja Dios aplingascama, yoyam elvitic asoc acticyovam acyanmongam melyascalhma.

ESDRAS 3:3

Apquillanac nic nat apquilvatnamaclha payjo acyitnamaclha nano. Apquilvatnec nic nat asoc acticyovam acyanmongam melyascalhma. Aclhamoclhojo acnim mataa, alhtoo najan actalhnam. Inyitnec nic nat amyaa apquilinmelhaycam actomja apquilaoclha.

NEHEMÍAS 10:34

Ningilpamejitsalhquic mataa nipyesicsa sacerdotes, ningilmaycam sicas, najan maa levitas najan poc enlhitaoc. Ongilyasamcojo nipyesicsa apquilmolhama, yavamlha elyintilhvomoc acyovoclhojo año. Incaymalhquic mataa alhpongja acvatnamalhquiclha asoc macmescama Dios, acno singanamaclha ayinyema Dios.

SALMOS 81:3

Elpayvas sat trompeta apquilvita inlhojo piltin apjalhnancoc. Elpayvas sat trompeta apquilvita inlhojo piltin apyovoclhojo (pascua). Fiesta acvanyam as ningvamlha nac jay.

ÉXODO 23:15

Lhama acvisay pan (quilpasmongam) mepqui apquimpascaoc. Eltovaoc sat pan mepqui apquimpascaoc acvaycmo 7 acnim, acno sicpayvam siyanamaclha. Piltin apvisay Abib (ayimjaclha ninganma). Acno ilhnic nat apvisay piltin apquilyamasma yoclhilhma Egipto. Copvanquejec lhama enlhit jeyotac coo mepqui semquescama acyilhna.

ÉXODO 29:18

Itne sat ofrenda as nipquesic netin altar, acvisay holocausto malvatnama talha acyanmongam melyascalhma, yoyam colhic ayaco Dios, acvisay ofrenda apyisponcama Dios, acticjanquiscama actamila.

EZEQUIEL 16:19

Mocjam macmescama quilaycmasquiscama asoc nintom, apvisay pan aptamila apanco, najan aceite, najan yamyovjene, actemaclha ofrenda. Quellhip israelitas apquilyitsomacpo as quilvana alanatama. Eycaso sicpayvam sicvisay Visqui apancaoc.

EZEQUIEL 20:41

Cotnejic sat mocjam sicyisponcama coo, sicvita inlhojo asoc selmescama coo payjoc apquilvatnamaclha altar. Apquilhpaneycam mocjam quellhip, onalovsingvoclhac sat quellhip sicvisay Dios Visqui sicyimtalhnamo, elvitac sat aplhamoclhojo metnaja israelitas sictemaclha sicmasma quellhip.

EZEQUIEL 45:17

Ingyansiclhac mataa as asoc, apnatoscama macmescama Dios, najan ofrendas cereales macmescama Dios, najan uva ayingmenic macmescama Dios piltin apjalhnancoc, najan acnim ninnayclha, najan acnim fiestas apancaoc israelitas. Eltingyac sat mataa macmescama Dios aptoscama yoyam comatong acyanmongam melyascalhma, najan ofrendas cereales, najan holocaustos acyanmongam melyascalhma najan acyanmongam singasicjayquiclha mocjam, yoyam colmascosalhcac sat melyascalhma nipyesicsa israelitas — alhta aptomjac.

LEVÍTICO 1:13

Incaymalhquic enlhit elcoc siclho yingmin nipquesic apvalhoc najan apilhquipcoc. Comyetic sat acyovoclhojo naysicsa talha netin altar. Cotnejic sat acvisay ofrenda macmescama Dios, actomja apyisponcama.

LEVÍTICO 1:17

Eyaptic sat aplhimpancoc mepqui apliclama (mepqui appalhcatma) sat cotnejic. Natamin epquinic sat apyovoclhojo valhaay netin talha, emyetic sat maa. Cotnejic sat ofrenda macmescama Dios, actomja apyisponcama.

LEVÍTICO 1:9

Incaymalhquic enlhit elcoc siclho yingmin vayqui avalhoc (ayi) najan vayqui alhquipcoc. Comyetic sat acyovoclhojo naysicsa talha netin altar apquilvatnamaclha. Cotnejic sat acvisay ofrenda macmescama Dios, actomja apyisponcama.

LEVÍTICO 21:6

Apquiltomjac mataa apquilponquinomap sacerdotes napato Dios, yoyam colhic ayaco sicvisay. Apquiltingyac mataa asoc acmatnam malvatnama talha najan nintom macmescama Dios. Copvanquejec mataa sacerdote etniclha aptanovmap napato Dios.

LEVÍTICO 21:8

Sacerdotes apquiltomja seltimesaycam, apquiltomja apquilponquinomap, apquiltomja seltingyasquiscama sictom. Coo sicvisay santo mayayo, silyacyescama sacerdotes, eltimjic santos mayayo nipyesicsa quellhip.

MALAQUÍAS 1:12

Yitnec quellhip sevennéycam coo, ayinyema apquilvennéycam quellhip mesa coo, acvisay altar acvatnamalhquilha. Nintom apquilmescama nasa quellhip, actomja sevennéycam coo ayinyema quellhip.

MALAQUÍAS 1:7

Quellhip ayinyema pan apjápac selmescama coo altar acvatnamalhquilha. Apquiltomjac quellhip: ¿Co laa ayinyema ningvennéycam Dios? — apquiltomjac quellhip. Ayinyema apquilvennéycam quellhip altar acvatnamalhquilha.

NÚMEROS 15:24

Yitnec sat ancoc apquilsilhnanomap apanco apyovoclhojo israelitas, incaymalhquic elajic vayqui inquinavo macmescama Dios acyanmongam melyascalhma, cotnejic seticjanquiscama actamila coo. Incaymalhquic elyipitsic trigo apactic najan uva ayingmenic, acno singanamaclha ayinyema Dios. Elajic sat mocjam lhama yataay apquitcoc macmescama Dios acyanmongam melyascalhma.

NÚMEROS 15:3

Apquilajac sat ancoc aptoscama vayqui, tasic najan nipquesic, cotnejic sat selmescama coo naysicsa apquilvatnama talha acticyovam sacrificio, najan seticjanquiscama holocausto aptoscama acmatnam macmescama acyanmongam melyascalhma. Cotnejic sat ayinyemayaclha apquillhanma mepqui apquilyeycajascaoc, najan ayinyemayaclha apquilmescama nasa, najan ayinyemayaclha fiesta apquilmescama nasa aptoscama acmatnam.

NÚMEROS 15:7

najan un litro tap uva ayingmenic, colhic sat alvatna talha seticjanquiscama actamila coo.

NÚMEROS 28:1

Aptomjac nic nat Dios apcanya Moisés:

NÚMEROS 29:39

Apquilanyacpec quellhip elsavojoc mataa apquiltingyey ofrendas macmescama Dios moclhama acnim allhenamalhca. Moc najan ofrenda ayinyema enlhit aplhanma mepqui apyeycajascaoc napato Dios. Moc najan ofrenda ayinyema enlhit apmescama nasa actemaclha holocausto macmescama malvatnama talha acyanmongam melyascalhma. Moc najan ofrendas trigo apactic najan uva ayingmenic. Moc najan ofrenda macmescama Dios actemaclha singasicjayquiclha mocjam — nic nat aptomjac Dios.

NÚMEROS 9:13

Apcanyacpec moclhama enlhit ayalhnayo apyimpejic, mepqui aplhingam amay epasmoc fiesta Pascua. Am sat ancoc epasmac, ematong sat as enlhit. Am sat ancoc etingyac ofrenda macmescama Dios as acnim fiesta, elngamcojoc sat acyanmongayclha ayinyema apsilhnanomap apanco.

NÚMEROS 9:7

Apquiltomjac nic nat apquilanya Moisés: —Mepqui ayalhnayo ingyimpejic napato Dios, ayinyema ningmongvoyam apjapac. ¿Ingvanqui ya nincoo ongilsantac ofrenda macmescama Dios as acnim, nimpasmeyquiclha israelitas? — nic nat apquiltomjac.

2 CORINTIOS 2:15

Nincoo ningiltomja napato Cristo malha asoc masis macmescama Dios. Inticjancasquic mataa enlhitaoc yoyam elvomsacpoc tap najan enlhitaoc yoyam enatovasacpoc sat.

EFESIOS 5:2

Elyiplovcasojo actemaclha ningasicjayo. Ayinyemaclha ingilasicjavoc nincoo Cristo. Apyinyovsomacpo apanco singyanmongam nincoo, malha macmescama Dios actemaclha apyisponcama.

FILIPENSES 4:18

Am coyitnac lhama asoc ayaymomalhca quilhvo. Yitnec coo aclhamoclhojo asoc malha acyeycajangvaycmo. Yitnec coo asoc sesantimquiscama alhta ingyalhing Epafrodito, selapajasquiscama alhta quellhip. Asoc selmescama alhta actomja malha apquilaycaoc acmasis napato Dios Ingyapam. Apyispaquic Dios actemaclha apquilaycaoc quellhip.