NÚMEROS 24:17 - Enhlit Bible

¹⁷ Invitac sicvanmoncama, evac sat lhama, mevoy mocjam. Apyitsomacpo apyová nipyesicsa apquilmolhama Jacob. Apvisay apvisqui apjalhnancoc. Elnapoc sat enlhitaoc co Moab. Elnapoc sat aptovana Set.

NÚMEROS 24:17 Iomraidhean Croise

GÉNESIS 49:10

Copvanquejec lhama enlhit eyinyovsic apmaycam apmic memong yayem vajic. Evac sat actomja apancoc apanco memong yayem vajic. Elyejiclhojoc sat aplhamoclhojo enlhitaoc.

2 SAMUEL 8:14

Apquilanyacpec nic nat apquilviscaa apquilyimtalhnamo nipyesicsa co Edom. Apquiltimesam nic nat mataa co Edom apvisqui David. Appasmom nic nat mataa Dios apvoycamlha David lhalhma anco.

2 SAMUEL 8:2

Apquilmacpec nic nat moabitas yoyam eticyo. Apquilanyacpec nic nat apquilmomap, yoyam elyitnamojoc lhama mataa poc. Apquilpeyvasquic nic nat tama tacjaplhit apquilyitnama. Apquilpeyvasquic nic nat tama acvaycmo anit, eticyoc sat apquilyipsatomap coning tama. Mocjam lhama tama apquilpeyvascama nic nat, elmiyovacpoc apquilmomap. Apquilanyacpec nic nat eltimesam apvisqui David. Apquilanyacpec nic nat elyinyoc acyivey acyanmongam tributo.

2 REYES 3:5

Apquitsepquic nic nat apvisqui Acab. Yiplovcoc nic nat apquinmelhaycam apvisqui co Moab, apquilmasma apnatoscama.

1 CRÓNICAS 18:2

Apquilimpocjac nic nat nipyesicsa moabitas. Apquilmacpec nic nat. Apquilanyacpec nic nat elyinyoc mataa acyanmongam tributo.

SALMOS 110:2

Elhcac sat lhip memong yayem vajic acyiplomo apmopvan ayinyema Visqui ingac tingma Sión. Itne sat apvisqui nipyesicsa cotnaja ingmoc.

SALMOS 45:6

Lhip macyitquiscama Dios Visqui ingac cotningvoyam nelha. Lhip aptimem apvisqui mayayo, aptemaclha appeyvomo apanco.

ISAÍAS 15:1

Amyaa apquillhenamap co Moab: ¡Aptovasacpec alhta tingma Ar alhtaa anco! ¡Aptovasacpec alhta tingma Kir alhtaa anco! Paj mocjam moabitas.

ISAÍAS 9:7

Cotningvomejec sat nelha actemaclha apcanamaclha najan actemaclha apquilvinsayclho olhma. Elhic sat mataa netin apvisqui aptajanem. Aptajanem apanco ilhnic nat apyeyjamcaa David najan apcanamaclha apanco. Aptomja apyimnatescama apcanamaclha quilhvo nac jay najan cotmongvoycamlha nelha. Apyimnatescama apcanamaclha ayinyema actemaclha apyicpilquemo najan actemaclha acpeyvomo. Evascapoc sat Dios Visqui Apyimtalhnamo esavojoc sat as asoc— nic nat aptomjac profeta.

JEREMÍAS 48:1

Eycaso amyaa ayinyema ilhnic nat Visqui ingac apyimtalhnamo apquillhenacpo co Moab: ¡Enlhit layi natingma Nebo! ¡Etvasacpoc sat tingma apyovoclhojo! ¡Elmacpoc sat co Quiriataim, elmancangvomoc sat maa! ¡Colhic sat actovasa apquilyilhanmomaclha acyimnatem!

JEREMÍAS 48:45

Apquilinyajamquic enlhit elyilhanmoc tingma Hesbón, apvisqui Sehón tingma pac. Apquilvitac tingma apmeta. Impayjingvocmec alhta talha actovasa inquilhe lhalhma anco najan enlhit apquilinmelhaycam.

ZACARÍAS 10:4

Ingyinyemac sat maa apvisay Mataymong Actajescamaclha. Najan apvisay Yamit Estaca ningyipitquiscama carpa, najan apvisay Yanca Ningilmaycam. Elinyemac sat maa apquilviscaa.

ZACARÍAS 12:10

Otnesquisic sat, yoyam colhic apquilvalhoc actemaclha ningasicjayo najan ningilmalhnancama nipyesicsa David aptovana najan apnaycam tingma Jerusalén. Cotnejic acmayovsa apquilvalhoc apquilvita inlhojo apquitsepma apquitca aptiyam apmamyi. Elyapcalhic sat maa apquitsepma apquitca apvamlha pac lhama.

NÚMEROS 21:29

¡Quellhip layi co Moab! Apnatovasacpec apquiltomja apquilayo quilaycmasquiscama acyitsomalhca dios acvisay Quemós. Mepqui alhta apquilmasma, apquilinyajamco enlhitaoc. Inquilmalhquic alhta quilvanaa, apnalayclha alhta apvisqui Sehón.

NÚMEROS 24:16

Invitac sicvanmoncama Dios Apyimtalhnamo apanco. Actemaclha amyaa ayinyema Dios aclingay sicvanmoncama. Dios apna netin alhta seyascasingvoyam. Mepqui sicpayvam ajanco.

SAN LUCAS 1:78

Dios Ingyapam ayinyema acliclamo apvalhoc. Acvaa ningyesicsa ayitsayolhma ayinyema netin.

HEBREOS 1:8

Aptomjac nic nat Dios aplhena Apquitca: Lhip Dios aptomja Apvisqui. Netin aptajanem cotmongvoycamlha nelha. Lhip aptomja Apvisqui appeyvomo.

HEBREOS 7:14

Ningyasamcoc nincoo, Visqui ingac apquinyema Judá apmolhama. Am nic nat elhenac Moisés yoyam eltimjic Dios apquilancam Judá apmolhama.

2 SAN PEDRO 1:19

Yitnec nincoo quilhvo actomja nasoc anco aclhanma profetas apnatalhescama nano, ayinyema ningvitay alhta. Ellhnasojo sat quellhip lha actema nac nincoo. Elyiplovquis sat mataa as amyaa, actomja malha calevascama ningvitay naysicsa yatescamalhma. Eyca as amyaa cotnejic sat ayitsasquiscamalhma apquilvalhoc, malha apyova apyiviy aptiyapma acvocmo ayitsaca.

SAN JUDAS 1:11

Enlhit layi aptomja apquilvajaneycaoc. Ayinyemaclha apquilyiplovcasquic as enlhitaoc aptemaclha ilhnic nat Caín apcajayclha apyalhing. Apquilyiplovcasquic as enlhitaoc aptemaclha ilhnic nat Balaam profeta apmopvan amyaa. Ayinyema ayitsepma apnenyaoc solyayem as enlhitaoc. Apquilyiplovcasquic as enlhitaoc aptemaclha ilhnic nat Coré, aptomja ilhnic nat apyimtalhnesomap apanco nipyesicsa enlhitaoc Israel.

EL APOCALIPSIS 1:7

Quip elanojo. Evotac sat Cristo naysicsa yipjopay. Elvitac sat aplhamoclhojo enlhitaoc apquilhyam. Elvitac sat najan enlhitaoc apquiltomja alhta apquilajem Cristo. Elyipcalhic sat aplhamoclhojo enlhitaoc lhalhma anco apquilvita sat apquilhyam. Nasoc sat cotnejic.

EL APOCALIPSIS 11:15

Appayvasquic alhta poc ángel trompeta appayvascama, siete alhta apvocmoc. Yejemoc alhta siclinga netin appayvam alyimnatem, intomjac alhta: Apvisqui as nalhpop aptomja Dios Visqui ingac najan Cristo. Etnejic sat Apvisqui cotmongvoyam nelha —alhta inquiltomjac.

EL APOCALIPSIS 22:16

—Coo sicvisay Jesús. Ayapajasquic coo ángel siyasinancama yoyam elngacsic as amyaa nipyesicsa quellhip najan aplhamoclhojo Jesucristo apmolhama. Coo sicvisay ayinyemayaclha aclhamoclhojo asoc najan sicvisay apvisqui David aptavin niptamin. Coo sicvisay apyova apyiviy aptomja apcapongmatem.

1 SAMUEL 14:38

Aptomjac nic nat Saúl apquilanya: —Elmiyama jilip, quellhip apquilviscaa singilpilhtetemo. Elyipcon sat ayinyemayaclha ningilsilhnanomalhca.