NÚMEROS 22:6 - Enhlit Bible

⁶ Ivota sat lhip quilhvoc anco. Ingyinmelham sat as enlhitaoc. Iyimnates sat lhip appayvam acmasom. Apquilyimnatem apanco as enlhitaoc, mongno nincoo. Natamin olnapoc sat coo. Olantipsic sat ningaoclha apyovoclhojo. Apmopvan innac lhip, ayinyema appayvam altamila najan ayinyema appayvam almasomcaa — nic nat intomjac amyaa ayinyema Balac.

NÚMEROS 22:6 Iomraidhean Croise

GÉNESIS 12:3

Opasmoc sat mataa poc enlhitaoc apquiltomja apquilpayesayclha apvalhoc lhip. Apquilmapsomcaa sat otnesquisic enlhitaoc apquiltomja apquiltimesquiscama apmapsom lhip. Lhip sat conyemac acpayjayclha apquilvalhoc aplhamoclhojo enlhitaoc lhalhma anco.

GÉNESIS 27:29

Aplhamaclhojo enlhitaoc sat eltimjic apquiltimesaycam. Elticlhic sat aptapnaoc napato lhip. Itne sat apvisqui nipyesicsa apquilyalhing. Elticlhic sat aptapnaoc napato lhip. Enatovasacpoc sat apquiltomja apquilinmelhaycam lhip. Elmiyovacpoc sat enlhitaoc apquiltomja apquilamliyam— nic nat aptomjac Isaac.,

1 REYES 22:13

Aptomjac nic nat soycam amyaa apnaclha Micaías apcanya: —Apquillhenquic lhac actamila appayvam napato apvisqui co Israel, yoyam epasmoc Dios. Ilhnasojo sat lhip lha eltimnacsic altamila appayvam — nic nat aptomjac.

1 REYES 22:6

Apcansaclhec nic nat apvisqui Israel malha cuatrocientos profetas. Aptomjac nic nat apquilanya: —¿Evanqui ya onaliclha siclhalhmaa ongilmoc Ramot de Galaad? — nic nat aptomjac. Apquilatingmavoc nic nat: —Ilana sat apquimpocjay. Epasmoc sat Dios emoc as tingma — nic nat apquiltomjac.

1 REYES 22:8

Aptomjac nic nat Acab apcanya Josafat: —Apnec mocjam lhama profeta. Elmalhnac sat Dios jingilanic sat yavamlha ontimjic. Apvisay Micaías, Imla apquitca. Actanovquic coo aptemaclha profeta. Paj jeltimnasac mataa asoc altamila, eltimnasquic mataa asoc acmasom — nic nat aptomjac. Aptomjac nic nat Josafat apcanya: —Vamlha itne — nic nat aptomjac.

NEHEMÍAS 13:2

(Apquilmiyovquic nic nat aptoycaoc najan apyinaycaoc, apquilvita inlhojo israelitas apquilinyema Egipto mepqui aptoycaoc najan apyinaycaoc. Apcanyacpec nic nat profeta apmapsom Balaam, yoyam eyamnam, yoyam ingyinmelham israelitas, aplhoy nic nat acyanmongam Balaam. Dios eyca apquinmelham nic nat, yoyam elhenic altamila appayvam Balaam.),

SALMOS 109:28

Eltimescasquic mataa sicmasom enlhit. Lhip sat jetnesquisic sicpeyvomo. Enatovasquic mataa enlhit. Ilmanques sat lhip. Coo eyca copayjiclhac mataa evalhoc, sictomja silancam lhip.

PROVERBIOS 26:2

Malha nata ayitcoc ayinyema mepqui alhancoc, colhojoc sat singvenéycam mepqui ningilsilhnanomalhca, comejec sat ingvalhoc.

EZEQUIEL 13:6

Acmovan amyaa alvitay alhta apquilvanmoncama. Apquillingasquic mataa acmovan amyaa. Apquillhenqui inyicje coo sicvisay, eyca jave coo silapajascama ellingacsic amyaa. ¡Apquiljalhnec mataa, yoyam opasmoc apquiltemaclha!

MIQUEAS 6:5

Quellhip enaymacoc, colyitnam apatic aptemaclha nat apvisqui Balac yoclhilhma Moab. Najan Balaa, Beor apquitca appayvam apcatingmaycam. Colyitnam apatic apquillhingam nat Sitim nicja vatsam acvaycmo Gilgal. Nojelvonquim nasa coo sicmasma quellhip, sicvisay Dios Visqui apancaoc — alhta aptomjac Dios — nic nat aptomjac profeta.

NÚMEROS 22:12

Aptomjac nic nat Dios apcanya Balaam: —Notne nasa aplhalhma as enlhitaoc. Notne nasa lhip appayvam almasomcaa. Apquiltasic enlhitaoc Israel, sicmasma coo — nic nat aptomjac.

NÚMEROS 22:17

Olmecsic sat lhip cotlaycaoc asoc altamila. Olyejiclhojoc sat selmalhnaycam moc asoc. Ivota sat sicnaclha. Elinmelham sat lhip enlhitaoc Israel, eltimnacsic sat appayvam almasomcaa — nic nat intomjac amyaa.

NÚMEROS 23:13

Aptomjac nic nat apcanya: —Noc, ongmiyaclhac sat maa tap. Etac sat lhip apyovoclhojo enlhitaoc Israel. Quilhvoc lhac apvita lhip nipva tingma. Ilinmelham sat maa, elhenic acmasom appayvam — nic nat aptomjac Balac.

NÚMEROS 23:27

Aptomjac nic nat Balac apcanya: —Noc, oyantemiclhac sat lhip maa. Apquiltamjoc lhaja Dios etnejic lhip appayvam almasomcaa — nic nat aptomjac Balac.

NÚMEROS 24:9

Apquilyitsomacpo yamacmeyva naysicsa apquillovquiscama apquilyampay. Mongvanquejec mataa onlhaticjacsic. Ningilinyejemo nincoo ningiltomja ningilayo quellhip. Ningmasom nincoo, ningiltomja inlhojo nintimesquiscama apquilmapsomcaa quellhip — nic nat aptomjac Balaam.,

LOS HECHOS 16:16

Lhama alhta ningilvoclho mocjam ningilmalhnancamaclha. Ningvitac alhta lhama alancam ayitcoc quilvana ayojolhma acyascamco. Apquilviscaa ancaoc alhta intingyascasac mataa cotlaycaoc solyayem acyanmongam aclhanma asoc yoyam colvac sat.

DEUTERONOMIO 23:4

Apquilyinyovquic nat quellhip yoclhilhma Egipto, yoyam elmilanic sat apquileyvomaclha apancaoc. Apquilmiyovquic nat aptoycaoc najan yingmin apyinaycaoc. Apquilyinyovquic nat acyanmongam aplhoy Balaam, Beor apquitca, apquinyemaclha Petor yoclhilhma Mesopotamia, yoyam elinmelham napatavo quellhip, elhenic appayvam acmasom.

JOSUÉ 24:9

Lhama apvisay Balac, Zipor apquitca. Apvisqui alhta nipyesicsa moabitas. Apquilnapacpec alhta elinmelham quellhip. Apcanyacpec alhta Balaam, Beor apquitca, elinmelham quellhip, etnejic appayvam almasomcaa.

1 SAMUEL 17:43

Aptomjac nic nat enlhit apvinatem apcanya David: —¿Simjing ya coo yoyam jeticpong? — nic nat aptomjac. Apyamnam nic nat filisteo naysicsa aplhanma asoc acyitsomalhca Dios.