NÚMEROS 22:32 - Enhlit Bible

³² Aptomjac nic nat ángel Dios apcasinancama apcanya: —¿So actomja yi apquilyicpilhquetamcaa lhip apquinamtem? Coo nac sicmasma amay. Am colcac evalhoc lhip aplhingam.

NÚMEROS 22:32 Iomraidhean Croise

SALMOS 145:9

Visqui ingac aptomja apquilasicjayo aplhamoclhojo enlhitaoc. Aptomja apcasicjayo aclhamoclhojo asoc apquilantipquiscama nic nat.

SALMOS 147:9

Visqui ingac ayinyema actoycaoc ninatoscama. Najan aptoycaoc mama apquitcoc.

SALMOS 36:6

Lhip aptemaclha appeyvomo, cotningvomeje nelha. Lhip singyicpilquemo, cotningvomeje nelha. Lhip aptamilquiscama enlhitaoc as nalhpop najan asoc navjac.

PROVERBIOS 14:2

Ningayoclha Visqui ingac ayinyema nintemaclha ningilpeyvomo. Ningvennéycam Visqui ingac ayinyema nintemaclha inganco acmasom.

PROVERBIOS 16:2

Ninganayquic mataa nincoo, actomja actamila nintemaclha inganco. Apyasamcoc Dios actemaclha ingvalhoc, epquiniclhac ayalhnaclhojo ingvalhoc.

PROVERBIOS 28:18

Ongmiyovalhcac sat mataa, mepqui inlhojo ningilsilhnanomalhca inganco. Mongmiyovalhquejec sat, acyitna inlhojo anit ingilvalhaoc.

PROVERBIOS 28:6

Actamila anco mepqui ningilnatam najan mepqui ningilsilhnanomalhca inganco. Am colhno acma ningilnatam mepqui ningiltamilcasomalhco inganco.

JONÁS 4:11

Avanjec acmayovsa evalhoc coo sicvita inlhojo apyovoclhojo tingma Nínive, tingma apvanyam apanco. Apnam as tingma ciento veinte mil apquitcavoc (sicaa) najan aplhamoclhojo apnatoscama — nic nat aptomjac Dios Apyimtalhnamo.

MIQUEAS 6:5

Quellhip enaymacoc, colyitnam apatic aptemaclha nat apvisqui Balac yoclhilhma Moab. Najan Balaa, Beor apquitca appayvam apcatingmaycam. Colyitnam apatic apquillhingam nat Sitim nicja vatsam acvaycmo Gilgal. Nojelvonquim nasa coo sicmasma quellhip, sicvisay Dios Visqui apancaoc — alhta aptomjac Dios — nic nat aptomjac profeta.

NÚMEROS 22:20

Invitac nic nat apvanmoncama alhtaa Balaam. Aptomjac nic nat Dios apcanya: —Apquilvocta inyicje as enlhitaoc elanic lhip. Iyiplaclha sat lhip, itne sat aplhalhma. Noyeycajas nasa coo sicpayvam, yoyam ongvanic mataa lhip — nic nat aptomjac Dios.

NÚMEROS 22:22

Yamelyeyjaycoc acpoc nic nat aplhinga Balaam. Apquillhalhma ilhnic nat apcanit apquilancam. Inlovquic nic nat apvalhoc Dios, apvita aplhingam Balaam. Apquiningvaac nic nat ángel Dios apcasinancama, apmasma aclhingam apquinamtem.

NÚMEROS 22:28

Aptimescasquic nic nat Dios colyatam aptoscama, actomja ayanya avtip: —¿So actomja yi? Natqui intomjac selyicpilhquetamcaa lhip — nic nat intomjac.

NÚMEROS 22:33

Natqui intomjac acyitnocjay apquinamtem, setay lhac coo. Tasic lhac acyitnocjay, yoyam emyovacpoc lhip. Coo lhac siyajem lhip, mepqui inlhojo acyitnocjay apquinamtem. Comatnejec lhac inyicje apquinamtem — nic nat aptomjac ángel.

NÚMEROS 22:35

Apcatingmavoc nic nat ángel Dios apcasinancama: —Iyiplaclha mocjam as enlhitaoc. Coo sat ongvanic, yavamlha etnejic lhip appayvam — nic nat aptomjac ángel. Aplhalhma ilhnic nat Balaam enlhitaoc apquilasinancama apvisqui.

LOS HECHOS 13:10

Aptomjac alhta apcanya: —¡Apquilyinimcascam nac lhip! ¡Apmapsom nac lhip! ¡Yavey ayitca nac lhip! Aptovasam mataa lhip nintemaclha acpeyvomo. ¿Soctomja melvatesa nac lhip apquiltajesaycaoc amay acpeyvomo Visqui ingac?

DEUTERONOMIO 23:4

Apquilyinyovquic nat quellhip yoclhilhma Egipto, yoyam elmilanic sat apquileyvomaclha apancaoc. Apquilmiyovquic nat aptoycaoc najan yingmin apyinaycaoc. Apquilyinyovquic nat acyanmongam aplhoy Balaam, Beor apquitca, apquinyemaclha Petor yoclhilhma Mesopotamia, yoyam elinmelham napatavo quellhip, elhenic appayvam acmasom.

DEUTERONOMIO 25:4

Noeltingyasquis nasa bozal vayqui yamquilvana naysicsa acyinyovascama asoc apquilmaycam acliclamaclha trigo apactic.