NÚMEROS 22:3 - Enhlit Bible

³ Intiyacmec nic nat apquilvalhoc co Moab apquilvita israelitas appintalhnama.

NÚMEROS 22:3 Iomraidhean Croise

NEHEMÍAS 13:2

(Apquilmiyovquic nic nat aptoycaoc najan apyinaycaoc, apquilvita inlhojo israelitas apquilinyema Egipto mepqui aptoycaoc najan apyinaycaoc. Apcanyacpec nic nat profeta apmapsom Balaam, yoyam eyamnam, yoyam ingyinmelham israelitas, aplhoy nic nat acyanmongam Balaam. Dios eyca apquinmelham nic nat, yoyam elhenic altamila appayvam Balaam.),

SALMOS 53:5

Avanjec alhta apquilay mepqui acvisay, apquilpilhyinimquic alhta. Apquilhpancasquic Dios apquiltomja apquilinmelhaycam (cotnaja ingmoc). Enatovasacpoc sat maa. Ayinyema mepqui apmasma Dios Visqui ingac.

ÉXODO 1:12

Avanjec nic nat apquillingaycamco acyimtalhnama apquiltamjaycam. Inyangvocmec nic nat aplhamayclha as enlhitaoc Israel. Appayjeclhec nic nat lhalhma anco as yoclhilhma. Apquilangvoclhec nic nat co Egipto apquilvita aplhamayclha enlhitaoc Israel.

ÉXODO 15:15

Inquilpilapacmec apquilvalhoc apquilviscaa co Edom. Avanjec apquilpilhyinamam apquilviscaa co Moab. Mepqui apquilvascapma apyovoclhojo co Canaán.

ÉXODO 23:27

Otnesquisic sat apquilay enlhitaoc apquilvoycamlha quellhip, ellhinganimsacpoc sat. Elinyajamcoc sat apyovoclhojo cotnaja ingmoc.

ISAÍAS 23:5

Inlingalhquic sat ancoc amyaa nipyesicsa co Egipto, elangvomoc sat maa, apquillinga inlhojo actomjaclha nipyesicsa co Egipto, elangvomoc sat maa, apquillinga inlhojo actomjaclha nipyesicsa co Tiro.

DEUTERONOMIO 2:25

Elangvomoc sat apyovoclhojo enlhitaoc as nalhpop, apquillinga inlhojo apquilvisay quellhip. Coyangvomoc sat apquilay najan apquilpilhyinamam, apquillinga inlhojo amyaa ayinyema quellhip — alhta aptomjac Dios — nic nat aptomjac Moisés.

JOSUÉ 2:24

Apquiltomjac nic nat apquilanya Josué: —Dios aptomja singmescama as yoclhilhma yoyam ontimjic inganco as yoclhilhma — nic nat apquiltomjac.

JOSUÉ 9:24

Apquilatingmavoc nic nat napato Josué: —Ningilacac alhta nincoo onticyoc nipyesicsa quellhip. Ningyasamcoc alhta Dios Visqui apancaoc apcanama Moisés, yoyam ellhovamcoc quellhip yoclhilhma ningileyvomaclha, yoyam onticyoc ningyovoclhojo.