NÚMEROS 22:12 - Enhlit Bible

¹² Aptomjac nic nat Dios apcanya Balaam: —Notne nasa aplhalhma as enlhitaoc. Notne nasa lhip appayvam almasomcaa. Apquiltasic enlhitaoc Israel, sicmasma coo — nic nat aptomjac.

NÚMEROS 22:12 Iomraidhean Croise

GÉNESIS 12:2

Olhamasiclhac sat lhip aptovana eleyoc sat lhalhma anco. Opasmoc sat mataa lhip. Colhic sat mataa ayaco lhip. Lhip sat epayesiclhac apquilvalhoc poc enlhitaoc.

2 CRÓNICAS 31:10

Aptomjac nic nat apquimja apmamyi sacerdote Azarías, apmolhama Sadoc, aptomja apcatingmavo: Ningvitac mataa acyanmongam contribución apquilsayquinta enlhit tingma apponquinomap. Ningvitac mataa nintom acmenmalhem, ningvitac mataa nintom ayaymomalhca mepqui ninsovjomo. Mayicjescama asoc ningvitay lhac, actomja mepqui ninsovjomo ayinyema singimlayquiclho Visqui ingac — nic nat aptomjac Azarías.

SALMOS 144:15

Ningilinyejemo nincoo ningvita inlhojo actema nac jay. Ningilinyejemo nincoo ningvita inlhojo Dios aptomja Visqui ingac.

SALMOS 146:5

Ningilinyejemoc anco nincoo ningiltomja simpasmom Dios, Visqui pac Jacob. Ningiltomja ningyilhanmeycam Dios Visqui ingac.

ISAÍAS 61:9

Colhic sat ayaco aptovana nipyesicsa metnaja apquiltemolhama. Elyasingvomoc sat maa, apquiltomja nasoc anco Dios apquilyacyescama, ayinyema apvaticjapquiscama.

MIQUEAS 6:5

Quellhip enaymacoc, colyitnam apatic aptemaclha nat apvisqui Balac yoclhilhma Moab. Najan Balaa, Beor apquitca appayvam apcatingmaycam. Colyitnam apatic apquillhingam nat Sitim nicja vatsam acvaycmo Gilgal. Nojelvonquim nasa coo sicmasma quellhip, sicvisay Dios Visqui apancaoc — alhta aptomjac Dios — nic nat aptomjac profeta.

NÚMEROS 22:11

Yitnec amyaa apquilvoy enlhitaoc apquilinyema Egipto. Apquilnaclhec lhalhma anco ningaoclha. Apquiltamjoc apvisqui Balac, yoyam olinmelham as enlhitaoc sicpayvam almasomcaa. Natamin elnapacpoc sat, elantipsacpoc sat ningaoclha — nic nat aptomjac Balaam.

NÚMEROS 22:13

Moc acnim nic nat intomjac aplhaticja Balaam. Aptomjac nic nat Balaam apquilanya enlhitaoc apquilapajasomap: —Eltajiclha sat quellhip apquilaoclha. Apmiyovquic Dios otnejic siclhalhma quellhip — nic nat aptomjac Balaam.

NÚMEROS 22:6

Ivota sat lhip quilhvoc anco. Ingyinmelham sat as enlhitaoc. Iyimnates sat lhip appayvam acmasom. Apquilyimnatem apanco as enlhitaoc, mongno nincoo. Natamin olnapoc sat coo. Olantipsic sat ningaoclha apyovoclhojo. Apmopvan innac lhip, ayinyema appayvam altamila najan ayinyema appayvam almasomcaa — nic nat intomjac amyaa ayinyema Balac.

NÚMEROS 23:23

Comalhquejec mataa apquiltoncama apyojolhma, elinmelham enlhitaoc Israel. Copvanquejec mataa apyojolhma ingyavnic maa. Incaymalhquic ongiltimnacsic enlhitaoc Israel: Apmopvan aptamjaycam simpilapquiscama Dios nipyesicsa quellhip.

NÚMEROS 23:3

Aptomjac nic nat apcanya Balac: —Ilha sat lhip. Coo eyca otingya Dios Apyimtalhnamo, jeltimnacsic amyaa. Oltimnasquitac sat lhip — nic nat aptomjac Balaam. Apmiyaclhec nic nat Balaam inquilhe mepqui tingma.

NÚMEROS 23:8

¿Evanqui ya olinmelham, mepqui apquilinmelhaycam Dios? ¿Evanqui ya oltimnacsic acmasom, mepqui inlhojo acmasom appayvam Dios?

NÚMEROS 24:9

Apquilyitsomacpo yamacmeyva naysicsa apquillovquiscama apquilyampay. Mongvanquejec mataa onlhaticjacsic. Ningilinyejemo nincoo ningiltomja ningilayo quellhip. Ningmasom nincoo, ningiltomja inlhojo nintimesquiscama apquilmapsomcaa quellhip — nic nat aptomjac Balaam.,

SAN MATEO 27:19

Lhama alhta apna Pilato netin aptajanem singyicpilquemoclha. Yejemoc alhta aplinga amyaa ayinyema aptava. Intomjac alhta ayanya: “Etnejic sat apác lha. Enlhit appeyvomo nac lha. Evanmasquic lhac coo alhtaa. Aclingamcoc co acmasca ayinyema sicvanmoncama” —alhta intomjac ayanya.

ROMANOS 11:29

Memyongvoclhejec mataa Dios singaycaoc ningillhoy nincoo. Melvatescamejec najan singilanem, malha singilevoycam.

EFESIOS 1:3

Pac ontimjic mataa ningayo Dios aptomja Jesucristo Visqui ingac Apyap. Ningillhocac nincoo aclhamoclhojo actemaclha singaycaoc ayinyema netin. Eycaso ayinyema ningilpasmeyquiclha Jesucristo.

DEUTERONOMIO 2:7

Dios Apyimtalhnamo ayinyema alhta apquillhoy quellhip cotlaycaoc asoc altamila. Aptomjac alhta apquillhalhma quellhip cuarenta años, apquiltamilquiscama nalhit amay yoclhilhma actamopeycaoc. Am alhta coymalhcac quellhip lhama asoc — nic nat aptomjac Moisés.

DEUTERONOMIO 23:5

Am nat ingyajalhnoc Dios Balaam appayvam. Apmasma quellhip Dios, ayinyema apcasicjayo.,

DEUTERONOMIO 28:6

Ellhovamcoc sat actamilaycam apquilvalhoc naysicsa apquileyvam as nalhpop.

DEUTERONOMIO 33:29

Apquilinyejemo nac quellhip enlhitaoc Israel, mepqui mataa poc apquilinyejemo. Apquilvomquiscama tap quellhip Dios, aptomja apmasma najan appasmom. Apquilyimnatem mataa quellhip, aplhalhma inlhojo Dios Visqui ingac. Eljalhic sat mataa cotnaja ingmoc napatavo quellhip. Apquiltoyam sat eltimjic quellhip, yoyam comascoc sat ayajamalhco apquilvalhoc — nic nat aptomjac Moisés.

DEUTERONOMIO 7:14

Elmiyovacpoc sat quellhip, am elhno poc enlhitaoc lhalhma anco. Cotalhquejec sat mataa quilvana cotay ayitca. Paj lhama enlhit etnejic sat mepqui apquitquic. Paj lhama nintoscama cotnejic sat mepqui ayitcavoc.