NÚMEROS 21:7 - Enhlit Bible

⁷ Apquilmiyaclhec nic nat poc apnaclha Moisés. Apquiltomjac nic nat apquilanya: —Nincoo ningilsilhnanomalhca inganco napato Dios, najan napato lhip. Jingilmalhnesquis sat Dios, yoyam jingilyinyovsic acyeyva acyovoclhojo. Apquilmalhnescasquic nic nat Moisés, yoyam elasicjiclhojo mocjam Dios.

NÚMEROS 21:7 Iomraidhean Croise

GÉNESIS 20:17

Apquilmalhnescasquic nic nat Abraham Dios yoyam etamilquiscomoc apvisqui. Aptamilaclhec nic nat apvisqui Abimelec najan aptava najan quilvanaa altimesaycam yoyam colvitac sat mocjam ayitquic.

GÉNESIS 20:7

Iyantimcasiclha sat as quilvana apnaclha atava. Ayinyemaclha atava aptomja profeta Dios aplingascama. Jelmalhnac sat coo as profeta yoyam memasquingvomejec sat lhip. Am sat ancoc eyantimcasiclha as quilvana, nasoc anco emasquingvomoc sat lhip najan apmolhama— nic nat aptomjac.

1 REYES 13:6

Aptomjac nic nat apvisqui apcanya profeta: —Ilmalhna sat lhip Dios Visqui pac, yoyam etamilquiscomoc mocjam ectong — nic nat aptomjac. Apquilmalhnescasquic nic nat profeta. Intamilaclhec nic nat mocjam apectong apvisqui, acno siclhoc anco.

2 REYES 13:4

Apquilmalhnaquic nic nat Joacaz Dios Visqui ingac, yoyam epasmoc. Apjalhnoc nic nat Dios apquilmalhnancama, apvita apquillingaycamco israelitas nipyesicsa co Siria.

JOB 42:10

Appenasquic nic nat apquilmalhnesquiscama Job. Intamilaclhec nic nat apyimpejic Job. Aplhocac nic nat Job aclhamoclhojo apquilnatam, najan aclhamoclhojo apnatoscama, am colhnoc siclhoc alhta, dos veces más.

JOB 42:8

Eltingya sat quellhip siete vayqui inquilinava najan siete nipquesic. Enaliclha sat apnaclha Job. Elaa sat actemaclha selmescama coo acyanmongam melyascalhma. Job sat elmalhnesquisic, ongvaylhojoc sat apquilmalhnesquiscama. Motvacsejec sat quellhip, apquiltomja inlhojo apquilmopvancaa amyaa sellhanma coo. Nasoc alhta appayvam Job selhanma coo — nic nat aptomjac Dios Apyimtalhnamo.

SALMOS 106:23

Apquiltamjoc nic nat emascoscomoc enlhitaoc Dios. Apquinmelham nic nat Moisés, Dios apponcanma. Apmiyovquic nic nat yoyam eticyo enlhitaoc.

SALMOS 78:34

Pilapcasquic nic nat apquilvita apticyovam. Dios nic nat aplhenacpoc. Apquilpecjasquic nic nat aptingyeycaoc mocjam Dios Visqui ingac.

ÉXODO 10:17

Jelasicjiclhojo sat mocjam quilhvo nac jay. Jelmalhnesquis co napato Dios, quellhip Dios apvisqui apancaoc. Jingyinyovsic sat singiltovascama sová — nic nat aptomjac faraón.

ÉXODO 32:11

Aptomjac nic nat Moisés apcanya Dios Apyimtalhnamo: —Dios Apyimtalhnamo. ¿So actomja yi aplova nac lhip ingyinmelham enaymacoc? Lhip apmopvan ayinyema alhta apnalovsingvoyclha yoclhilhma Egipto.

ÉXODO 32:30

Moc acnim nic nat intomjac, aptomja Moisés apquilanya enlhitaoc: —Avanjec quellhip apquilsilhnanomap apanco. Pac ongvinamtic sat ayitsicsic inquilhe apnaclha Dios. Olmalhnesquisic sat quellhip, yoyam ingyasicjiclhojo mocjam — nic nat aptomjac.

ÉXODO 8:28

Aptomjac nic nat apvisqui faraón apcanya: —Momyoveje coo elyacsic quellhip yoclhilhma actamopeycaoc yoyam elpayicsojo Dios Apvisqui apancaoc. Noelyas nasa mocjay. Jelmalhnesquis sat coo — nic nat aptomjac faraón.

ÉXODO 8:4

Elquinamtic sat lhip apyovoclhojo apyimpejic najan apyovoclhojo apyimpeoc apquilancam najan aplhamoclhojo co Egipto — sat itne ingyanic — nic nat aptomjac.

ÉXODO 8:8

Yejemoc nic nat apquevamcaa apvisqui faraón. Aptomjac nic nat apvisqui apcanya Moisés najan Aarón: —Jingilmalhnesquis sat Dios quellhip yoyam emascocsic apquileyvam napnicting sicnaclha coo najan nipyesicsa enlhitaoc ajancaoc. Momyovejec sat elyinyoc enlhitaoc apancaoc as yoclhilhma. Elmecsic sat apcaycaoc actemaclha apquilpayescama Dios Apyimtalhnamo — nic nat aptomjac.

ISAÍAS 26:16

Ningitamquic lhip naysicsa ninlingaycamco acyimtalhnama najan naysicsa apyanmongsayclha lhip nintemaclha inganco.

JEREMÍAS 15:1

Aptomjac alhta Dios Apyimtalhnamo seyanya coo: Mongvasicjiclhejec sat mocjam as enlhitaoc, sicvita inlhojo sicnaclha coo Moisés najan Samuel, yoyam jelmalhnesquisic. Ilapajas sat lhip apyovoclhojo enlhitaoc, jelyamyiclhac sat, elinyajaoc sat.

JEREMÍAS 37:3

Apcapajasquic nic nat apvisqui Sedequías, colhic altimnasa profeta Jeremías, yoyam elpamejitsacpoc. Apcapajasacpec nic nat Jucal, Selemías apquitca, najan sacerdote Sofonías, Maasías apquitca. Apquiltomjac nic nat apquilanya: Jingilmalhnesquis sat lhip napato Dios Visqui ingac — nic nat apquiltomjac.

OSEAS 5:15

Otajojoc sat mocjam siyinyemayaclha. Elyicpilcangvomoc sat apquiltemaclha apquilsilhnanomap apanco. Jeltiyaningvotac sat enlhitaoc naysicsa ayay apquilvalhoc — alhta aptomjac Dios Apyimtalhnamo — nic nat aptomjac profeta.

NÚMEROS 11:2

Apquilpalhamam nic nat enlhitaoc ayinyema apquilay, apquilanama epasingvota Moisés. Natamin apquilmalhnancama Moisés acsapona talha.

SAN MATEO 27:4

Aptomjac alhta Judas apquilanya: —Moyascalhma nac coo ayinyema siyanem emacpoc enlhit appeyvomo —alhta aptomjac. Apquilatingmavoc alhta apquilviscaa: —Jave eyca nincoo. Iyasamcojo sat lhip yoyam etnejic —alhta apquiltomjac.

LOS HECHOS 8:24

Apcatingmavoc alhta apyojolhma Simón: —Jelmalhnesquis sat quellhip Visqui ingac. Nolane nasa jetnejic asoc apquillhena lhac —alhta aptomjac.

ROMANOS 10:1

Quellhip elyalhinga. Inlhenquic mataa evalhoc enaymacoc Israel apmolhama. Almalhnescasquic mataa Dios yoyam elvomsacpoc tap.

DEUTERONOMIO 9:20

Aplovquic alhta Dios apvita aptemaclha apanco Aarón. Apquiltamjoc alhta Dios ematong Aarón, coo eyca silmalhnesquisa, yoyam emyovacpoc mocjam.

SANTIAGO 5:16

Pac onlhenic mataa ningilsilhnanomalhca ningyesicsa nincoo. Pac ongilmalhnesquisic mataa ingyalhing yoyam etamalvomoc. Acmovan innac ningilmalhnancama ningiltomja ningilpeyvomo. Eljalhnoc sat Dios Ingyapam.

1 SAMUEL 15:24

Apcatingmavoc nic nat apvisqui Saúl: —Sicsilhnanomalhca nac coo. Actovasquic coo singanamaclha Dios. Actovasquic coo lhip appayvam. Alyajaclhoc alhta enlhitaoc apquilpayvam ayinyema alhta siyay enlhitaoc. Jeyasicjiclhojo sat mocjam, imascos sicsilhnanomalhca ajanco.

1 SAMUEL 15:30

Apcatingmavoc nic nat Saúl: —Moyascalhma nac coo. Altamjoc coo jetnejic seyay'o napatavo apquilimja apmamyi najan napatavo apquilimja apmamyi najan napatavo aplhamoclhojo enlhitaoc. Itne sat lhip siclhalhma yoyam opayicsojo Dios, lhip Apvisqui pac — nic nat aptomjac Saúl.