NÚMEROS 21:1 - Enhlit Bible

¹ Apnec nic nat apvisqui yoclhilhma Canaán, tingma apvisay Arad. Moc acvisay yoclhilhma Néguev, ningiltimem Mepqui ayimjaclha paat. Aplingac nic nat amyaa apvisqui maa: Cotnaja ingmoc israelitas. Payjoc amay tingma Atarim — nic nat intomjac amyaa. Yejemoc nic nat apquilapajasa singilpilhtetemo. Apquilnapacpec nic nat. Apquilmacpec nic nat napocja israelitas.

NÚMEROS 21:1 Iomraidhean Croise

GÉNESIS 12:9

Apquimpaclhec nic nat mocjam Abram. Apvocmec nic nat yoclhilhma Néguev.

NÚMEROS 14:45

Pilapcasquic nic nat apquilvaa enlhitaoc amalecitas najan cananeos actomja apquilaoclha. Apquilyimnatem nic nat. Apquilhpansacpec nic nat enlhitaoc Israel. Apquilminlhinaoclhec nic nat acvocmo tingma Horma.

NÚMEROS 33:40

Apnec nic nat apvisqui Arad nipyesicsa cananeos, tingma Néguev de Canaán. Aplingac nic nat amyaa apquilvoy israelitas.

DEUTERONOMIO 2:32

Apquilamyilhamquic alhta apvisqui Sehón najan apyovoclhojo singilpilhtetemo. Appecjam alhta jingilnapoc yoclhilhma Jahaza.

JOSUÉ 12:14

Apvisqui co Horma, apvisqui co Arad.

JOSUÉ 7:5

Apticyovquic nic nat 36 apnaymacoc enlhit. Apquilminlhinacpec nic nat acvaycmo acyitnamaclha mataymong. Apquilvatsamquic nic nat. Pilapcasquic nic nat aclingalhco amyaa. Intiyacmec nic nat apquilvalhoc.

JUECES 1:16

Moisés apipyata ilhnic nat Hobab nipyesicsa quenitas. Apquilpasmec nic nat apquilmolhama tribu Judá. Apquilyinyovquic nic nat tingma apvanyam alha avjac. Apquilmiyaclhec nic nat yoclhilhma actamopeycaoc Judá, payjoc nipiyam Arad. Apquilpalhavocmec nic nat maa actomja apquilaoclha.