NÚMEROS 20:13 - Enhlit Bible

¹³ Eycaso acvisay actiyapmaclha yingmin Meriba, ningiltimem Ningilinmelhaycam Dios. Ayinyema ilhnic nat apquilinmelhaycam napato Dios. Apvitacpec nic nat apyimtalhnamo apanco Dios.

NÚMEROS 20:13 Iomraidhean Croise

SALMOS 81:7

Acjalhnoc coo apquilmalhnancama quellhip. Alvomcasquic tap quellhip. Ayatingmavoc alhta naysicsa ayilhtingyavoyam yipjopay (sicyilhanmeycam). Alyipconquic alhta quellhip acyitnamaclha yingmin Meriba.

SALMOS 81:8

Quip elaylhojo quellhip sicpayvam actemaclha sicmasmaclha. Olanic sat quellhip elilyejiclhojo sicpayvam.

SALMOS 95:8

Aptomjac nic nat Dios: —Noeltime nasa alyimnatem apquilvalhoc. Apquiltemaclha ilhnic nat co Meriba. Apquiltemaclha ilhnic nat co Masah yoclhilhma actamopeycaoc.

ÉXODO 17:7

Apquiltimec nic nat acvisay Apquilinmelhaycam, hebreo appayvam Meriba. Najan acvisay nic nat Apquilyipconma Enlhitaoc hebreo appayvam Masah. Apquiltomjac nic nat apquilpamejitsacpo: —¿Apne ya ningyesicsa Dios Apyimtalhnamo? —Paj lhaja — nic nat apquiltomjac.

ISAÍAS 5:16

Cotalhcac sat mayayoclha Dios naysicsa apyicpilquemo. Cotalhcac sat appeyvescasquiclha Dios aptomja Santo mayayo.

EZEQUIEL 20:41

Cotnejic sat mocjam sicyisponcama coo, sicvita inlhojo asoc selmescama coo payjoc apquilvatnamaclha altar. Apquilhpaneycam mocjam quellhip, onalovsingvoclhac sat quellhip sicvisay Dios Visqui sicyimtalhnamo, elvitac sat aplhamoclhojo metnaja israelitas sictemaclha sicmasma quellhip.

EZEQUIEL 36:23

Olhicmocsic sat sictemaclha sicyimtalhnamo coo, colhic sat ayaco sicvisay ajanco. Elvitac sat enlhitaoc sictomjaclha nipyesicsa quellhip. Jelyicpilcangvomoc sat sicvisay Visqui apancaoc. Naso coo sicpayvam siclhanma.

EZEQUIEL 38:16

Elimpocjac sat quellhip nipyesicsa israelitas. Cotnejic sat malha yatepiyam apquilimpocjay quellhip. Cotnejic sat actamongvamlha acnim, yoyam ongvanic lhip najan apquillhalhmaa elimpocjac enlhit ajancaoc. Olhicmocsic sat lhip apvisqui Gog sictemaclha sicmovan ajanco, elvitac sat enlhitaoc metnaja israelitas sictemaclha mayayoclha ajanco, sicvisay Visqui apancaoc Dios, alhta aptomjac.

DEUTERONOMIO 32:51

Am alhta colcac evalhoc aptemaclha lhip najan apipma Aarón napatavo apnaymacoc, payjoc actiyapmaclha yingmin Meriba-cades, yoclhilhma actamopeycaoc acvisay Zin. Am alhta eltomjac selayo quellhip napatavo apnaymacoc.

DEUTERONOMIO 33:8

Aptomjac nic nat Moisés apquilanyacpo apquilmolhama tribu Leví: Mepqui apquilvatseycaoc mataa levitas apquiltamilquiscama napato Dios acvisay Tumim najan Urim, actemaclha ningyicpilquemo asoc acyilhamalhca napato Dios. Apyipconquic nat lhip enlhitaoc payjoc Masah, apquilatingmacpec alhta payjoc acyitnamaclha yingmin Meriba.