NÚMEROS 19:9 - Enhlit Bible

⁹ Poc enlhit actamilaycam apvalhoc ingyansiclhac sat tajap vayqui acmeta, epquinic sat tap tingma campamento lugar acponquinomalhca. Cotnejic sat yingmin alpalhquemalhca tajap vayqui acmeta, malha panatem ayalhnascama ingvalhoc napato Dios. Vayqui acmatnam acvisay macmescama Dios acyanmongam mongilyascalhma.

NÚMEROS 19:9 Iomraidhean Croise

LEVÍTICO 15:20

Quilvana actajanma najan alnatam cotniclhac sat actanovmalhca napato Dios naysicsa acyamasma actom menstruación. Cotniclhac sat actanovmalhca napato Dios moclhama asoc acnaclhilha quilvana.

ZACARÍAS 13:1

Aptomjac alhta mocjam Visqui ingac: Coytic sat tingma Jerusalén actiyapmaclha yingmin, actomja ayalhnascama meyascalhma najan apquilsilhnanomap apanco David aptovana niptamin najan apnaycam tingma Jerusalén.

NÚMEROS 19:13

Apmongvocmec sat ancoc enlhit payjoc apquitsepma (enlhit apjapac) mepqui ayalhnascama apvalhoc napato Dios, etnejic sat apvenneycam (aptovascama) carpa apponquinomap napato Dios. Incaymalhquic ematong nipyesicsa apnaymacoc Israel. Ayinyema siclho mepqui ayilhpajay apyimpejic panatem ayalhnascama ingvalhoc, mepqui ayalhnayo apvalhoc napato Dios — nic nat aptomjac Dios.

NÚMEROS 19:17

Eycaso actemaclha, yoyam comascoc mactanoncama enlhit napato Dios. Incaymalhquic colhic acpalhaquisa yingmin alhnancoc avalhoc ingjaycoc najan tajap ayitcoc ayinyema siclho vayqui acmeta acyanmongam melyascalhma enlhit.

NÚMEROS 19:18

Poc enlhit ayalhnayo apvalhoc napato Dios, emoc sat yamit ayitcoc hisopo, etnejic sat navá congne panatem ayingmenic, ingyilhpajac sat congne carpa aplhancoc as enlhit, ingyilhpajac sat moclhama apquilmaycam ingjaycoc najan moclhama apnaycamó lhama congne. Ingyilhpajac sat najan apyimpejic enlhit apmongvoyam siclho apjapac apyitnama amyip, apquitsepma lhaja, apmatnam lhaja, aptomja apmongvoyam apilhquipcoc apjapac, najan apmongvoyam tacjalhop.

NÚMEROS 19:3

Emoc sat tacja sacerdote Eleazar. Colhic sat acyantamayclha as vayqui tap tingma campamento, comatong sat napato sacerdote.

NÚMEROS 19:8

Enlhit apcajem vayqui eyimyecsic sat apava aptalhnama, eyapacsic sat yingmin apyimpejic. Cotnejic sat calhnayo apvalhoc meyisponcama Dios, acvaycmo actalhnam.

NÚMEROS 6:12

Cotnejic sat mocjam alhnancoc aptemaclha, yoyam eponquinacpoc apanco napato Dios. Paj colhenalhcac mocjam aptemaclha apponquinomap apanco siclhoc alhta. Intanovalhquic siclhoc alhta apva. Incaymalhquic etingyasquisic lhama nipquesic apquitcoc macmescama Dios acyamongam apsilhnanomap apanco napato Dios.

NÚMEROS 8:7

Eycaso actema nac jay apponquinquiscama: Ingyilhpaja sat apyimpeoc yingmin singilalhnascama. Natamin elaptic sat apva actemaclha afeitar acyovoclhojo apyimpeoc. Elyimyecsic sat apava, eltimjic sat apquilalhnayo napato Dios, mepqui apquiltanovmap.

NÚMEROS 9:13

Apcanyacpec moclhama enlhit ayalhnayo apyimpejic, mepqui aplhingam amay epasmoc fiesta Pascua. Am sat ancoc epasmac, ematong sat as enlhit. Am sat ancoc etingyac ofrenda macmescama Dios as acnim fiesta, elngamcojoc sat acyanmongayclha ayinyema apsilhnanomap apanco.

2 CORINTIOS 5:21

Am coyitnac lhama meyascalhma Cristo. Dios aptomja appatimquiscama Cristo mongilyascalhma nincoo. Yoyam jingiltimesquisic ningilpeyvomo ayinyema ninpasmeyquiclha Cristo.

2 CORINTIOS 7:1

Quellhip elyalhinga. Eycaso actemaclha aplhanma ilhnic nat Dios actomja nasoc anco. Nincoo ilhnic nat ingillhenac. Incaymalhquic ongilvatsamcoc actemaclha actomja acpaysimquiscama ningyovoclhojo nincoo najan acpaysimquiscama ingvalhoc ingac. Incaymalhquic nincoo ongiltamilsalhcojo inganco napato Dios.

HEBREOS 7:26

Apnec nincoo quilhvo Dios apquilancam apyimtalhnamo ningiljalhanma alhta mataa. Aptomja apponquinomap, mepqui apmapsom, mepqui apsilhnanomap, mepqui meyascalhma najan macyasquiclho netin nitnoc anco.

HEBREOS 9:13

Apquilmec mataa Dios apquilancam ema ac asoc acticyovam, ayinyema yataay apquinavo najan vayqui inquinavo najan vayqui tajap ac acmeta., Apquililhpajac mataa Dios apquilancam apyimpeoc enlhitaoc melyascalhma yoyam eltimjic apquilponquinomap najan yoyam comascoc comasis apyimpeoc. Eycaso ayinyema acmovan ema ac asoc acticyovam.