NÚMEROS 19:13 - Enhlit Bible

¹³ Apmongvocmec sat ancoc enlhit payjoc apquitsepma (enlhit apjapac) mepqui ayalhnascama apvalhoc napato Dios, etnejic sat apvenneycam (aptovascama) carpa apponquinomap napato Dios. Incaymalhquic ematong nipyesicsa apnaymacoc Israel. Ayinyema siclho mepqui ayilhpajay apyimpejic panatem ayalhnascama ingvalhoc, mepqui ayalhnayo apvalhoc napato Dios — nic nat aptomjac Dios.

NÚMEROS 19:13 Iomraidhean Croise

ÉXODO 30:33

Apquillanac sat ancoc enlhit ayingmenic actema nac jay, apquilhpajac sat ancoc poc enlhit, etvasacpoc sat maa, incaymalhquic ematong — nic nat aptomjac.

PROVERBIOS 14:32

Ongiltovasalhcac sat, acyitna inlhojo nintemaclha inganco acmasom. Ongmiyovalhcac sat, acyitna inlhojo nintemaclha acpeyvomo.

EZEQUIEL 44:26

Appacningcovmec sat ancoc maa, incaymalhquic ingyalhnasacpoc najan elaylhic siete acnim.

LEVÍTICO 15:31

¡Quellhip israelitas! Elavojo sat mataa actemaclha apquiltanovmap napato Dios. Elavojo sat quellhip elantalhningvota carpa apponquinomap sicmaclha coo, eticyoc sat moclhama apquiltanovmap najato coo — nic nat aptomjac Dios.

LEVÍTICO 20:3

Coo sat otanovac enlhit apsilhnanomap apanco. Otipsic sat maa nipyesicsa apnaymacoc. Ayinyema apquinmelhaycam alhta tingma apponquinomap. Aptomja seyinmelhaycam coo sicvisay Dios.

LEVÍTICO 22:3

Comasquejec sat sicpayvam siyanamaclha quilhvo najan cotmongvoycamlha nelha. Apvitacpec sat ancoc sacerdote Aarón aptavin (niptamin), aptomja aptanovmap napato Dios naysicsa setnesaycam coo, aptingyey asoc macmescama Dios ayinyema israelitas, etvasacpoc sat, ematong sat. Coo sicvisay Dios Visqui apancaoc quellhip.

LEVÍTICO 22:4

Copvanquejec mataa sacerdote Aarón aptavin etasomoc nintom, acyitna inlhojo lepra ningmasquem, najan acyitna inlhojo cavin actiyapma aptilha. Incaymalhquic siclho comascoc aptanovmap napato Dios. Enlhit etniclhac sat aptanovmap napato Dios, aptomja apmongvoyam apquitsepma (asoc ayitsepma), aptomja apmongvoyam enlhit acyitna siclho apale (apalem),

LEVÍTICO 5:17

Aptovasquic sat ancoc enlhit singanamaclha Dios mepqui apyascamco aptovascama. Esilhnanacpoc sat apanco, apcanyomap eyinyoc acyanmongam.

LEVÍTICO 5:3

Ayinyema enlhit apmongvoyam asoc ayamosilha, ayinyema comasis apyimpejic, aptomja apsilhnanomap apanco napato Dios.

LEVÍTICO 5:6

Incaymalhquic etingya aptoscama (yataay, tasic najan nipquesic) apquilvana macmescama Dios acyanmongam apsilhnanomap apanco napato Dios. Colhic sat acmascosa apsilhnanomap apanco enlhit.

LEVÍTICO 7:20

Etvasacpoc sat moclhama enlhit mepqui actamilaycam apquilvalhoc (comasis apyimpeoc) napato Dios, ayinyema aptom as apitic macmescama Dios actemaclha singasicjayquiclha. Etipsacpoc sat enlhit apmapsom nipyesicsa apnaymacoc.

LEVÍTICO 7:21

Moclhama enlhit aptomja apmongvoyam asoc ayamosilha (comasis ayimpejic), ayinyema aptanoncama Dios, acvisay asoc ápac apyamasma enlhit, najan asoc ápac ayinyema ninatoscama, najan moc asoc ápac aptanoncama Dios. Aptovquic sat ancoc as enlhit appasmeyquiclha poc, apitic macmescama Dios actemaclha singasicjayquiclha, etvasacpoc sat nipyesicsa apnaymacoc, ematong sat maa — nic nat aptomjac.

NÚMEROS 15:30

Yitnec sat ancoc aclhanma apvalhoc enlhit esilhnanacpoc apanco, apvisay israelita najan apvisay metnaja israelita, cotnejic sat seveneycam coo. Etanovacpoc sat as enlhit, etipsacpoc sat nipyesicsa apnaymacoc.

NÚMEROS 19:14

Aptomjac nic nat mocjam: Cotnejic sat mepqui ayalhnayo apvalhoc napato Dios, acyitna inlhojo congne tingma pac (carpa) apmolhama apquitsepma. Acvaycmo siete acnim mepqui ayalhnayo apquilvalhoc enlhit apnaycamó lhama congne tingma, najan maycaa apquilantalhnama as tingma.

NÚMEROS 19:18

Poc enlhit ayalhnayo apvalhoc napato Dios, emoc sat yamit ayitcoc hisopo, etnejic sat navá congne panatem ayingmenic, ingyilhpajac sat congne carpa aplhancoc as enlhit, ingyilhpajac sat moclhama apquilmaycam ingjaycoc najan moclhama apnaycamó lhama congne. Ingyilhpajac sat najan apyimpejic enlhit apmongvoyam siclho apjapac apyitnama amyip, apquitsepma lhaja, apmatnam lhaja, aptomja apmongvoyam apilhquipcoc apjapac, najan apmongvoyam tacjalhop.

NÚMEROS 19:19

Enlhit ayalhnayo apvalhoc napato Dios, ingyilhpajac sat panatem ayingmenic tercer acnim najan séptimo acnim. Cotniclhac sat ayalhnayo apvalhoc napato Dios acvaycmo séptimo acnim. Incaymalhquic as enlhit eyimyecsic apava najan apyimpejic, elaylhic sat acvaycmo actalhnacmo, colhic sat ayalhnayo apvalhoc napato Dios.

NÚMEROS 19:20

Incaymalhquic ematong enlhit nipyesicsa quellhip, mepqui apyiplovquiscama siyanamaclha actemaclha ayalhnayo apvalhoc napato Dios. Aptomja as enlhit, yoyam etanovacpoc carpa apponquinomap napato Dios, ayinyema mepqui ayalhnayo apvalhoc napato Dios, mepqui alhta aptingyey panatem ayilhpajay apyimpejic.

NÚMEROS 19:9

Poc enlhit actamilaycam apvalhoc ingyansiclhac sat tajap vayqui acmeta, epquinic sat tap tingma campamento lugar acponquinomalhca. Cotnejic sat yingmin alpalhquemalhca tajap vayqui acmeta, malha panatem ayalhnascama ingvalhoc napato Dios. Vayqui acmatnam acvisay macmescama Dios acyanmongam mongilyascalhma.

NÚMEROS 8:7

Eycaso actema nac jay apponquinquiscama: Ingyilhpaja sat apyimpeoc yingmin singilalhnascama. Natamin elaptic sat apva actemaclha afeitar acyovoclhojo apyimpeoc. Elyimyecsic sat apava, eltimjic sat apquilalhnayo napato Dios, mepqui apquiltanovmap.

NÚMEROS 9:13

Apcanyacpec moclhama enlhit ayalhnayo apyimpejic, mepqui aplhingam amay epasmoc fiesta Pascua. Am sat ancoc epasmac, ematong sat as enlhit. Am sat ancoc etingyac ofrenda macmescama Dios as acnim fiesta, elngamcojoc sat acyanmongayclha ayinyema apsilhnanomap apanco.

SAN JUAN 8:24

Eycaso ayinyema sictomja lhac silanya quellhip: Elmasquingvomoc sat quellhip acyiplomo melyascalhma apancaoc. Apquilyascacmec sat ancoc quellhip sictomja Cristo, elmasquingvomoc sat quellhip acyiplomo melyascalhma.

HEBREOS 10:29

Coyangvomoc sat apyanmongsayclha Dios aptemaclha enlhit aptomja apvinéycam Dios Apquitca najan aptomja apvinéycam em pac Jesucristo najan aptomja aptipsaycam apvisay Espíritu apanco Dios aptomja singasicjayo. Ayinyemaclha Jesucristo em pac actomja asoc monquinatquiscama apmayjayoclha Dios aplhanma alhta yoyam colhejec acyascacmo.

HEBREOS 9:10

Yitnec maa aclhamoclhojo actemaclha nintoycaoc najan actemaclha ningyinaycaoc najan actemaclha ningyapascama mataa yingmin. Comascoc sat aclhamoclhojo actemaclha, acvocmo sat acnim yoyam ongvita actamila anco actemaclha, am colhno siclhoc anco.

EL APOCALIPSIS 21:8

Elyinyovacpoc sat naysicsa talha acvanyam macpalhaquiscama azufre acpayesayclha talha enlhitaoc apquiltomja anit apvalhaoc najan apquiltomja apquilyasquiyam najan apquiltomja apquiltamongvaycmolhma najan apquiltomja ticyovam yapmayc najan apquiltomja apquilanatama najan apquiltomja apquilyojolhmaa najan apquiltomja apquilpayescamo quilaycmasquiscama acyitsomalhca Dios najan apquiltomja apquilmopvancaa amyaa. Eycaso acvisay moc ningitsepma.

EL APOCALIPSIS 22:11

Enlhit mepeyvomo: Ilinlhanmojo sat mocjam aptemaclha mepeyvomo. Enlhit comasis apyimpejic napato Dios: Ilinlhanmojo sat mocjam aptemaclha comasis apyimpejic. Enlhit aptomja appeyvomo: Ilinlhanmojo sat mocjam aptemaclha appeyvomo. Enlhit aptomja Dios apyacyescama: Ilinlhanmojo sat aptemaclha aptamilcasomacpo apanco.

EL APOCALIPSIS 22:15

Melantilhic sat mataa enlhitaoc apquiltomja apquilyasquiyam malha simjing najan apquiltomja apquilyojolhmaa najan apquiltomja apquilanatama najan apquiltomja ticyovam yapmayc najan apquiltomja apquilpayescamo quilaycmasquiscama acyitsomalhca Dios najan aplhamoclhojo apquiltomja apquilmopvancaa amyaa.