NÚMEROS 18:7 - Enhlit Bible

⁷ Apvamlha lhip najan lhip apquitquic eltimjic sacerdotes, eltimesam sat acyitnamaclha altar najan payjoc aplhancoc apponquinomap apanco. Coo alhta silyacyescama quellhip eltimjic sacerdotes, paj poc. Apvitacpec sat ancoc poc aptimesaycam apquilpalhcomap sacerdotes, ematong sat quilhvo — nic nat aptomjac Dios.

NÚMEROS 18:7 Iomraidhean Croise

SALMOS 115:10

Quellhip Dios apquilancam. Eltime sat apquilayo Visqui ingac. Aptomja mataa singilpasmom najan singmasma.

ÉXODO 28:1

Itne sat lhip aplhalhma Aarón najan apquitquic Nadab, najan Abiú, najan Eleazar, najan Itamar, eltimjic sat sacerdotes ajanco.

ÉXODO 29:9

Ipquin sat apyitsicsaoc apava apquilpocanma, itjit sat apyapmam niplhita, najan Aarón najan apquitquic. Eltimjic sat apquilyimtalhnamo, comasquejec sat mataa apquiltimesaycam sacerdotes.

EZEQUIEL 44:15

Am alhta jelyinyavac sacerdotes apquiltomja Sadoc aptovana. Apquilinlhanacmec mataa seltimesaycam naysicsa selyamasma isarelitas. Apvancaac jeltimesam coo, apquiltemaclha macmescama Dios malvatnama talha acpilhmoc najan ema ayinyema asoc acticyovam. Eycaso siyanamaclha coo.

EZEQUIEL 44:16

Apquilvamlha maa elantilhic congne tingma apponquinomap eltimjic seltimesaycam, colapvanquejec maa levitas.

EZEQUIEL 44:8

Am alhta elyiplovcasac quellhip siyanamaclha, apquilanyacpo levitas yoyam jeltimesam. Apquilanyacpec alhta metnaja levitas (metnaja israelitas) yoyam jeltimesam coo — alhta aptomjac.

LEVÍTICO 16:2

Aptomjac nic nat Dios apcanya Moisés: Ingyane sat lhip Aarón metalhningvotayc sat sicmaclha coo tap apava apjalhtamomap, payjoc acyitnamaclha ayapma atong yamit aysicsic acyitnamaclha Dios appayvam, ingyitsapoc sat maa. Evanquic coo ongvanic etalhningvota sicmaclha, olhicmocsic sat sicmayjayoclha ajanco naysicsa yipjopay tacjalhit yamit aysicsic acyitnamaclha Dios appayvam.

LEVÍTICO 7:35

Cotnejic sat mataa mayayoclha Dios asoc macmescama Dios malvatnama talha. Ellhovamcoc sat mataa Aarón najan aptovana, apquiltimesacpo inlhojo sacerdotes napato Dios.

NÚMEROS 1:51

Eljalhyovacsic sat mataa carpa apponquinomap, apquilimpaclho inlhojo mocjam. Ellaniclhac sat mocjam apquilvoycamlha yoclhilhma. Aptalhnec sat ancoc enlhit metnaja apcanyomap, ematong sat maa.

NÚMEROS 16:40

Incaymalhquic elavojoc mataa israelitas. Paj poc enlhit apmopvan elvitic talha netin altar apquilvatnamaclha asoc acmasis, apquilvamlha Aarón aptovana najan aptovana niptamin. Poc enlhit elngamcojoc sat acyanmongayclha, acno apquillingaycamco Coré najan apquillhalhmaa. Apquilvajanamquic nic nat mataa, acno apcanama siclho Dios, aplingascama Moisés apcanyacpo ellana Eleazar.

NÚMEROS 18:20

Aptomjac nic nat mocjam Dios apcanya Aarón: Paj coyitnac lhip amyip, paj najan apquilnatam nipyesicsa enlhitaoc Israel. Yitne inyicje apquilnatam israelitas. Coo sicvisay sicyimtalhnamo napato lhip najan sicmasma lhip, am colhno ningilnatam as nalhpop.

NÚMEROS 18:3

Eltimesam sat levitas congne carpa apponquinomap, colapvanquejec elmoc apquilmaycam payjoc altar apquilvatnamaclha, paj najan moc apquilmaycam apancaoc sacerdotes. Elsilhnanacpoc apanco levitas, yoyam eticyoc, najan lhip najan apquitquic.

NÚMEROS 3:10

Apvamlha Aarón najan aptovana niptamin apquilmopvan eltimjic sacerdotes. Apvitacpec sat ancoc sacerdote metnaja apmolhama Leví, ematong sat maa — alhta aptomjac Dios — nic nat aptomjac Moisés.

NÚMEROS 3:38

Campamento apancaoc Moisés najan Aarón najan Aarón apquitquic nic nat amamyi carpa apponquinomap, payjoc actiyapmaclha acnim. Apquiltimesam nic nat congne carpa apponquinomap apquileyvomaclha israelitas. Apvitacpec sat ancoc sacerdote metnaja apcanyomap etnesam, ematong sat.

SAN MATEO 10:8

Eltamilquisquim sat actomjaycaoc ningmasquem ningilyitapaycam lepra najan moc actemaclha ningmasquem. Elnalhaticjasquim sat enlhit apquilmasquingvaycmo. Elantipquis sat somquic quilyicjamo. Apquillhovamquic quellhip apquilmopvan mepqui acyanmongam. Elvajanaoc sat actemaclha mepqui acyanmongam.

SAN JUAN 3:27

Apcatingmavoc alhta Juan: —Mongvanquejec ongmoc inganco lhama asoc. Acvamlha anco aptomja singilmescama Dios Ingyapam.

EFESIOS 3:8

Coo sictomja moyimtalhnamo, am olhnoc coo enaymacoc Dios apquilyacyescama. Seyimlaycmo alhta Dios. Eyasinaquic alhta yoyam olngacsic nipyesicsa enlhitaoc lhalhma anco actemaclha cotlaycaoc singaycaoc cotmongvoyam nelha ayinyema Cristo.

DEUTERONOMIO 18:2

Mepqui apquillhoy amyipayc, eltimesam sat Dios, acno apcanama siclho Dios.

HEBREOS 5:4

Paj lhama enlhit apmopvan etnesacpoc apanco Dios apquilancam. Apvamlha Dios aptomja aptimesquiscama apquimja apmamyi. Apno ilhnic nat Dios apquilancam apvisay Aarón.

JOSUÉ 18:7

Mellhovamquejec sat yoclhilhma levitas, ayinyema apquilanyomap eltimesam apquiltemaclha sacerdotes napatavo Dios Visqui ingac. Apquillhocac alhta yoclhilhma tribu apquilmolhama Gad, najan apquilmolhama Rubén, najan media tribu apquilmolhama Manasés. Nicja vatsam Jordán payjoc actiyapmaclha acnim acyitna yoclhilhma apancaoc apmescama nic nat Moisés Dios apquilancam — nic nat aptomjac Josué.

1 SAN PEDRO 5:2

Eltamilquis sat quellhip Jesucristo apmolhama, malha quilancam nipquesic apquiltamilquiscama apnatoscama. Nocollhen nasa apquilvalhoc apquiltomja apquilanyomap yoyam eltamilsic. Eyca colcojo sat mataa apquilvalhoc yoyam eltamilsic naysicsa coyimtalhnamo ingvalhoc actemaclha apyisponcama Dios. Nocollhen nasa apquilvalhoc acyanmongam apquiltamjaycam yoyam ellhovac. Eltamilquis sat Jesucristo apmolhama acyiplomo apquilasicjayo najan acpayjayclha apquilvalhoc.

1 SAN PEDRO 5:3

Noeltime nasa malha apquilviscaa apquiltomja apquilapajascama mataa. Elvitasquis sat apquiltemaclha quellhip yoyam elvajanamcoc Jesucristo apmolhama.

1 SAMUEL 2:28

Alyacyesquic alhta enlhitaoc sacerdotes. Ellanac mataa selmescama coo asoc acmatnam, najan moc asoc selmescama coo. Elantalhniclhac mataa apava apvinatem sacerdote, seltimesaycam sicnaclha coo. Apvanquic mataa eltasomoc, acyitna inlhojo selmescama aptoscama apmatnam.,