NÚMEROS 18:5 - Enhlit Bible

⁵ Quellhip apquiltomja apquilyacyesomap eltimesam congne carpa apponquinomap najan acyitnamaclha altar apquilvatnamaclha asoc. Moyanmongsiclhejec sat coo apquiltemaclha israelitas, elavojoc sat sictemaclha sicmasma coo.

NÚMEROS 18:5 Iomraidhean Croise

1 CRÓNICAS 23:24

Eycaso ilhnic nat Leví aptovana niptamin, moclhama familia apquilmolhama acnatalhesomalhca apquilvisay vaycajac. Apquiltomja apquileyvam veinte años najan tap, moclhama acma aptava. Apquiltomjac apquiltimesaycam tingma apponquinomap.

1 CRÓNICAS 23:32

Apquilanyacpec nic nat levitas eltimesam carpa apponquinomap najan tingma apponquinomap, apquilpasmeyquiclha apquilmolhama Aarón aptovana niptamin.

1 CRÓNICAS 24:5

Apquilanyacpec nic nat grupos, ayinyema sicas apquilmaycam elyasamcojo yavamlha eltimesam. Eycaso ayinyema apquilpalhcomap aptovana Eleazar najan aptovana Itamar, apquiltimesaycam napato Dios.

1 CRÓNICAS 9:19

Salum, apyap nic nat Coré, apyap ninga Ebiasaf, apyap ninga Coré najan apquilmolhama coreítas. Apquilvisay nic nat apquiltamilquiscama tingma apponquinomap aplhancoc apponquinomap, acno ilhnic nat apquilyeyjamcaa apquiltamilquiscama ilhnic nat apatong Dios tingma pac.

1 CRÓNICAS 9:23

Yitnec apquiltimesaycam tingma apponquinomap najan enlhitaoc najan apquitquic.

1 CRÓNICAS 9:33

Poc levitas nic nat apquilanyacpo ellhingsic ningminaycmascama acnim anco najan alhtaa. Tingma aplhanaoc nic nat maa, mepqui moc apquiltamjaycam, mepqui mataa apquiltajayclha.

ÉXODO 27:21

Eltamilquisic sat mataa Aarón najan apquitquic acyovoclhojo calevascama, yoyam colapongmetic (colsacsic sat olhma) acyovoclhojo alhtaa congne carpa apponquinomap, payjoc jilip apava apjalhtamomap acyitnamaclha yamit aysicsic avalhoc Dios appayvam. Comasquejec sat mataa siyanamaclha, elyiplovcasojoc israelitas najan aptovana.

JEREMÍAS 23:15

Eycaso sicpayvam sicvisay Visqui sicyimtalhnamo, silanya profetas: Olmecsic sat asoc acmasca najan veneno ayingmenic, yoyam elyinamcoc. Apquiltemaclha profetas co Jerusalén, apquilsilhnanoncama apyovoclhojo enlhit as apquileyvomaclha — alhta aptomjac.

EZEQUIEL 44:15

Am alhta jelyinyavac sacerdotes apquiltomja Sadoc aptovana. Apquilinlhanacmec mataa seltimesaycam naysicsa selyamasma isarelitas. Apvancaac jeltimesam coo, apquiltemaclha macmescama Dios malvatnama talha acpilhmoc najan ema ayinyema asoc acticyovam. Eycaso siyanamaclha coo.

EZEQUIEL 44:16

Apquilvamlha maa elantilhic congne tingma apponquinomap eltimjic seltimesaycam, colapvanquejec maa levitas.

LEVÍTICO 10:6

Aptomjac nic nat Moisés apquilanya Aarón, najan apquitquic Eleazar najan Itamar: —Elalhnas sat apva apyitsicsaoc, noelyapit nac apava apquilantalhnama ayinyema acmayovsa apquilvalhoc. Eticyoc sat quellhip lha, elingamcojoc sat apyovoclhojo enlhitaoc apyanmongsayclha Dios apquiltemaclha apancaoc. Eliclhangvomoc sat apnaymacoc, apquilvita inlhojo apyanmongsayclha Dios apquiltemaclha apquiltsepma.

LEVÍTICO 24:3

Aarón ingyapajacsic sat colhic alalevasa calevascama, mepqui alsapona acyovoclhojo alhtaa congne carpa apponquinomap. Yitnec nic nat calevascama jilip apava apjalhtam, tap eyca acyitna yamit aysicsic acyitnamaclha Dios apayvam. Comasquejec mataa singanamaclha nac jay cotmongvoycamlha nelha.

ZACARÍAS 10:3

Eycaso appayvam Visqui apyimtalhnamo: Avanjec coo siclom sicvita apquiltamilquiscama. Oyanmongsiclhac sat apquiltemaclha apancaoc mayayo apquilimja apmamyi enlhitaoc — alhta aptomjac. Apvisqui apyimtalhnamo aptomja aptamilquiscama apnatoscama, apquilvisay apquilmolhama Judá. Etnesquisic sat co Judá eltimjic apquinamtem, yoyam ingyimpocjac cotnaja ingmoc.

NÚMEROS 1:50

Ilane sat levitas eltimesam carpa apponquinomap najan eltamilsic acyovoclhojo apquilmaycam congne carpa apponquinomap. Elpatmaoclhac sat mataa apquilmaycam najan apyovoclhojo carpa apponquinomap. Incaymalhquic ellanac mataa aplhanaoc tingma nipyava tingma apponquinomap.

NÚMEROS 1:53

Elhnam sat mataa levitas nipyava carpa apponquinomap, eltamilsic sat maa, yoyam melsilhnanacpejec apnaymacoc ayinyema aplom pac Dios Visqui ingac.

NÚMEROS 16:46

Aptomjac nic nat Moisés apcanya Aarón: —Itingya sat apquilmaycam acpayjem, najan atilh avalhoc, najan asoc acmasis netin atilh. Ipeyvojo sat nipyesicsa enlhitaoc apquinmamcaclha. Ilmalhna sat Dios, yoyam ingyasicjiclhojo mocjam as enlhitaoc. Invoctac mocjam apyanmongsayclha Dios apquiltemaclha apancaoc enlhit — nic nat aptomjac.

NÚMEROS 18:4

Eltimesam sat levitas congne carpa apponquinomap appasmeyquiclha lhip najan apquitquic, paj comopvan enlhit metnaja levita epasmiclha quellhip.

NÚMEROS 4:18

Nongyane nasa elpalhavoclha apquilmolhama Coat nipyesicsa levitas.

NÚMEROS 8:19

Alyacyesquic coo levitas nipyesicsa israelitas, etnejic apvisqui apancaoc Aarón najan apquitquic, jeltimesam sat mataa congne carpa apponquinomap, mepqui apquilpalhcomap israelitas. Colhic sat ayasicjayquiclha mocjam apyovoclhojo israelitas napato Dios. Colapvanquejec israelitas elantilhic carpa apponquinomap, ellingamcojoc sat acmasom — nic nat aptomjac Dios.

NÚMEROS 8:2

Ingyane sat Aarón epquinic sat siete calevascama netin alapongmateyquiclha, colsacsic sat olhma — nic nat aptomjac.

1 TIMOTEO 1:18

Lhip Timoteo aptomja malha sictamongvoyam. Apquillhenquic nanoc alhta Dios apquillingascama aptemaclha lhip. Ayasinaquic coo lhip yoyam emyoc meyasquiyam najan acyasingvayclho apvalhoc actamila, malha ningilnapomalhca.

1 TIMOTEO 3:15

Am sat ancoc ovanac quilhvo nac jay, yejemec sat ovoclha. Iyasamcojo sat lhip actemaclha nintamjaycam nipyesicsa Dios apmolhama. Ningiltimem iglesia Dios apmolhama. Dios aptomja mengyitsepma. Dios apmolhama apquiltomja apquilsoycam actomja nasoc anco, malha malanquiscama tingma, malha najan tingma apvojac.

1 TIMOTEO 5:21

Actomjac coo siyanya lhip: Iyiplovquis sat actemaclha siltimnascama. Nomyov nasa lhama nipyesicsa. Notanov nasa poc nipyesicsa. Aplingac najan Dios actemaclha siclhanma najan Jesucristo najan ángeles Dios apquilasinancama.

1 TIMOTEO 6:20

Lhip Timoteo. Itamilquis sat lhip actemaclha apcanyomap etnejic ayinyema Dios. Nongyeylhojo nasa apquilpameteycam aptomja apquillhamasomap. Nongyeylhojo nasa apquilpayvam enlhitaoc apquilanem elyasamcoc aptemaclha Dios, apquiltomja apquilmopvan amyaa.