NÚMEROS 16:40 - Enhlit Bible

⁴⁰ Incaymalhquic elavojoc mataa israelitas. Paj poc enlhit apmopvan elvitic talha netin altar apquilvatnamaclha asoc acmasis, apquilvamlha Aarón aptovana najan aptovana niptamin. Poc enlhit elngamcojoc sat acyanmongayclha, acno apquillingaycamco Coré najan apquillhalhmaa. Apquilvajanamquic nic nat mataa, acno apcanama siclho Dios, aplingascama Moisés apcanyacpo ellana Eleazar.

NÚMEROS 16:40 Iomraidhean Croise

ESDRAS 2:62

Am nic nat cotalhcac apquilvisay as vaycajac actalhesamalhca apyovoclhojo sacerdotes. Apquilantipsacpec nic nat nipyesicsa sacerdotes.

SALMOS 115:10

Quellhip Dios apquilancam. Eltime sat apquilayo Visqui ingac. Aptomja mataa singilpasmom najan singmasma.

EZEQUIEL 40:46

Moc aplhancoc cuarto actomja sacerdotes apancaoc apquiltimesaycam altar apquilvatnamaclha asoc acticyovam. Sadoc aptovana niptamin maa, apquilvisay levitas. Apquilvamlha maa, apquilmopvan eltimesam napato Visqui ingac — alhta aptomjac.

EZEQUIEL 43:19

Apnam sacerdotes levitas, Sadoc aptovana, yoyam eltimesam najato. Incaymalhquic elajic vayqui inquinavo, colhic alvatna talha acyanmongam melyascalhma. Eycaso sicpayvam siyanya coo.

LEVÍTICO 22:10

Eltovamcoc nintom acponquinomalhca apquilvamlha sacerdotes, comopvan etasomoc metnaja sacerdote. Copvanquejec etasomoc maycaa apnaclha sacerdote, copvanquejec najan enlhit aptimesaycam etasomoc maa.

NÚMEROS 1:51

Eljalhyovacsic sat mataa carpa apponquinomap, apquilimpaclho inlhojo mocjam. Ellaniclhac sat mocjam apquilvoycamlha yoclhilhma. Aptalhnec sat ancoc enlhit metnaja apcanyomap, ematong sat maa.

NÚMEROS 16:39

Apcapajasquic nic nat Eleazar, colhic sat ayansayclha apquilmaycam alpayjem allanomalhca bronce, apquilsantama siclho enlhit melyascalhma apquilmeta (naysicsa talha), colhic sat allana chapa najan colhic sat acyipitsa altar ayimpejic apquilvatnamaclha.

NÚMEROS 3:10

Apvamlha Aarón najan aptovana niptamin apquilmopvan eltimjic sacerdotes. Apvitacpec sat ancoc sacerdote metnaja apmolhama Leví, ematong sat maa — alhta aptomjac Dios — nic nat aptomjac Moisés.

NÚMEROS 3:38

Campamento apancaoc Moisés najan Aarón najan Aarón apquitquic nic nat amamyi carpa apponquinomap, payjoc actiyapmaclha acnim. Apquiltimesam nic nat congne carpa apponquinomap apquileyvomaclha israelitas. Apvitacpec sat ancoc sacerdote metnaja apcanyomap etnesam, ematong sat.

HEBREOS 5:4

Paj lhama enlhit apmopvan etnesacpoc apanco Dios apquilancam. Apvamlha Dios aptomja aptimesquiscama apquimja apmamyi. Apno ilhnic nat Dios apquilancam apvisay Aarón.

JOSUÉ 4:7

Elatingmojo sat quellhip: Eycaso acyitnama ingatic actemaclha acyaptama yingmin Jordán naysicsa apquilsovm yamit aysicsic acyitnamaclha Dios appayvam. Inyaptalhquic nic nat yingmin vatsam Jordán. Eycaso mataymong actomja acyitnescama ingatic yoyam colvoncamejec enlhitaoc Israel cotmongvoycamlha nelha — nic nat aptomjac Josué.

SAN JUDAS 1:11

Enlhit layi aptomja apquilvajaneycaoc. Ayinyemaclha apquilyiplovcasquic as enlhitaoc aptemaclha ilhnic nat Caín apcajayclha apyalhing. Apquilyiplovcasquic as enlhitaoc aptemaclha ilhnic nat Balaam profeta apmopvan amyaa. Ayinyema ayitsepma apnenyaoc solyayem as enlhitaoc. Apquilyiplovcasquic as enlhitaoc aptemaclha ilhnic nat Coré, aptomja ilhnic nat apyimtalhnesomap apanco nipyesicsa enlhitaoc Israel.