NÚMEROS 16:30 - Enhlit Bible

³⁰ Apquilvitac sat ancoc quellhip simpilapquiscama, comayjiclhac sat as nalhpop, conasepoc sat as enlhitaoc najan asoc apancaoc, elpalamoc sat malhic congno, elyasamcojo quellhip: ayinyema alhta apquilvenneycam as enlhitaoc Dios — nic nat aptomjac.

NÚMEROS 16:30 Iomraidhean Croise

JOB 31:2

¿Jalhco sat etnejic Dios, apvita inlhojo sictemaclha ayitsepma enquenyic?

JOB 31:3

Apyanmongsaclhec mataa aptemaclha apmapsom najan apsilhnanomap apanco.

SALMOS 124:3

Apquililtamjoc alhta jingilnapoc, malha yoyam jingilnasepoc ningyovoclhojo naysicsa apquillom.

SALMOS 55:15

Eticyoc sat cotnaja ingmoc. Elmacpoc sat alyascamaclha ingjangaoc. Avanjec acmasom apquilvalhoc (apquiltemaclha apancaoc).

ISAÍAS 28:21

Etacpoc sat Visqui ingac naysicsa aptomjaclha netin inquilhe Perazim, najan payjoc alvata Gabaón. Melyasamquejec sat quellhip, yavamlha etnejic, melyasamquejec sat quellhip aptamjaycam simpilapquiscama.

ISAÍAS 43:19

Quip elanojo. Pac otnesquisic asoc alhnancoc. Quilhvoc sat ongvita. ¿Am ya elyasamcoc quellhip? Otipsic sat amay yoclhilhma actamopeycaoc. Omilansic sat vatsam yoclhilhma acyamacoclhilhma.

ISAÍAS 45:12

Coo alhta silanay as nalhpop najan enlhitaoc apquileyvam as nalhpop. Coo alhta silanay netin najan aplhamoclhojo apyová.

ISAÍAS 45:7

Eycaso sicpayvam Dios: —Coo sictipquiscama ayitsayolhma najan yatescamalhma. Coo ayinyema sicvomquiscama tap najan ayinyema apquillingaycamco acyimtalhnama. Coo ayinyema aclhamoclhojo asoc sicvisay Dios.

JEREMÍAS 31:22

¿Co laa ayinyema alyasquiyam apquilvalhoc, acno acyasquiyam quilvana ayitca? Coo sicvisay Visqui, sictimesquiscama actemaclha alhnancoc as nalhpop, malha quilvana aljalhanma enlhit (quilvana comoc sat tacja atava) — alhta aptomjac Visqui ingac.

EZEQUIEL 31:14

Cotalhquejec sat mocjam as nalhpop yamit acvinatem, acno as yamit. Cotalhquejec sat mataa yamit ayitsicsic, coticlhicvomoc sat yipjopay, ayimja inlhojo nicja yingmin, actomja ayictinquiscama. Colyatemenalhcac sat moclhama yamit, colpalhavomoc sat alyascamaclha ingjangaoc, apno enlhit apquilitsepma.

NÚMEROS 16:31

Appenasquic nic nat Moisés appamejitquiscama. Inmayjeclhec nic nat as nalhpop apnamcaclha as enlhitaoc.

NÚMEROS 16:33

Apquilpalacmec nic nat malhic congno naysicsa apquiltimem apquilyimnatem (melitsepmaclha mocjam) najan maa apquilnatam. Incapeclhec nic nat mocjam acmayjem. Am nic nat elvitacpoc mocjam nipyesicsa apnaymacoc israelitas.