NÚMEROS 16:29 - Enhlit Bible

²⁹ Apquilvitac sat ancoc quellhip elitsapoc as enlhitaoc, acno apquitsepma ingmoc, cotnejic sat movan amyaa selyacyescama Dios nipyesicsa quellhip.

NÚMEROS 16:29 Iomraidhean Croise

1 REYES 18:36

Invocmec nic nat acvamlha hora ningmescamaclha asoc Dios. Aptomjac nic nat apquilmalhnancama profeta Elías: —Lhip Dios Apyimtalhnamo, aptomja lhip Abraham apvisqui pac najan Isaac apvisqui pac najan Israel apvisqui apancaoc. Jingillhicmos quilhvo nac jay, lhip aptomja Apvisqui nipyesicsa enlhitaoc Israel. Coo sictomja silancam. Lhip ayinyema seyanem ollanac as asoc.

1 REYES 22:28

Aptomjac nic nat mocjam Micaías: Nasoc sat ancoc ongvitac lhip mepqui apmatnam, am conyemac lhac Dios siclingascama coo — nic nat aptomjac profeta.

2 CRÓNICAS 18:27

Aptomjac nic nat mocjam Micaías: Nasoc sat ancoc ongvita lhip mepqui apmatnam, am conyemac lhac Dios siclingascama coo as amyaa — nic nat aptomjac profeta.

JOB 35:15

Apcanem lhip, mepqui aplom Dios, mepqui apyanmongsayclha aptemaclha apanco lhip. Melhanma mataa ningilsilhnanomalhca inganco.

ÉXODO 20:5

Mongvanquic ongilpayicsojo as asoc. Apvamlha pac Visqui ingac aptomja Dios Apyimtalhnamo aptomja apyimtalhnamo, aptomja apmasmaclha. Eyanmongsiclhac sat apquiltemaclha apquilsilhnanomap apanco ingilyapmayc. Elasquisic sat apyimpeoc apquitquic najan aptovana niptamin ayinyema apquiltanoncama apyapmayc.

ÉXODO 32:34

Ingva. Inaliclha sat enlhitaoc yoclhilhma alhta. Apquimja apmamyi sat etnejic ángel siyasinancama coo. Covac sat acnim, oyanmongsiclhac sat apquiltemaclha apancaoc enlhitaoc — nic nat aptomjac Dios Apyimtalhnamo.

ECLESIASTÉS 3:19

Ningno nincoo ninatoscama, ongitsapoc sat nincoo, colitsapoc sat najan ninatoscama. Acno moc ninginamam, mepqui moc actemaclha ninatoscama. Alhto inyicje nintingyey moc actemaclha.

ISAÍAS 10:3

¿Jalhco sat eltimjic quellhip apquilvita inlhojo ayamquitva acyanmongayclha apquiltemaclha apancaoc? ¿Soc sat elpasingvota? ¿Co laa incotnejic cascama apquilnatam quellhip?

JEREMÍAS 5:9

¿Incaymalhqui ya coo moyanmongsiclhejec apquiltemaclha apancaoc as enlhitaoc?

LAMENTACIÓNES 4:22

Quellhip co Jerusalén, comascoc sat acyanmongayclha apquiltemaclha apancaoc. Melmacpejec sat mocjam quellhip. Ellingamcojoc sat acyanmongayclha apquiltemaclha apancaoc co Edom. Colpiquenalhcac sat ayalhnaclhojo apquilvalhoc najan melyascalhma apancaoc.

EL APOCALIPSIS 11:5

Apquililtamjoc sat ancoc cotnaja ingmoc elnatovacsic apquillingascama sicvisay, elitsapoc sat. Ayinyemaclha cotyapoc sat talha apatnaoc, yoyam colnapoc cotnaja ingmoc.