NÚMEROS 16:11 - Enhlit Bible

¹¹ ¡Jave apquilvenneycam quellhip Aarón, lhip aptomja apvenneycam najan apnaymacoc Dios! — nic nat aptomjac Moisés.

NÚMEROS 16:11 Iomraidhean Croise

1 CRÓNICAS 26:19

Eycaso ilhnic nat grupos apquiltamilquiscama tingma apatnaoc Coré aptovana najan Merari aptovana.

SALMOS 106:16

Avanjec nic nat apquilyasipquiscama Moisés nalhit amay (campamento). Avanjec nic nat apquilyasipquiscama Aarón aptomja Dios apponcanma.

ÉXODO 17:2

Apquilinmelham nic nat enlhitaoc napato Moisés. Apquiltomjac nic nat apquilanya: —¡Jingiltingyasquis yingmin! — nic nat apquiltomjac. Apcatingmavoc nic nat Moisés: —¿So actomja yi selinmelha nac coo? ¿So actomja yi apquilyipcona quellhip Dios Apyimtalhnamo? — nic nat aptomjac Moisés.

NÚMEROS 11:1

Somcoc nic nat apquilpayvam enlhitaoc Israel apquilinmelhaycam Dios, ayinyema apquillingaycamco siclho acyimtalhnama. Aplovquic nic nat Dios apcapajasa talha nipyava tingma campamentos, ayinyema apquiltemaclha apancaoc enlhit.

NÚMEROS 16:12

Apcapajasquic nic nat Moisés, colhic altimnasa Datán najan Abiram, Eliab apquitquic. Apquilatingmavoc nic nat as apcanit: —Paj. Mongilyoclhejec sat apnaclha Moisés — nic nat apquiltomjac.

NÚMEROS 16:3

Apcaneclhec nic nat maa apnaclha Moisés najan Aarón, apquiltomja apquilanya: —¡Vamlha eltime! ¡Aptemaclha apanco lhip Moisés najan lhip Aarón, apquilyimtalhnesomacpo apanco ningyesicsa! ¡Ningyovoclhojo nincoo singilyacyescama Dios! ¿So actomja yi apquilyimtalhnesacpo apanco quellhip? — nic nat apquiltomjac.

SAN LUCAS 10:16

“Injalhnalhcoc ancoc apquilpayvam quellhip, acno acjalhnomalhco coo lha sicpayvam. Apquilvanacpec ancoc quellhip, acno sicvanamalhca coo lha. Acvanalhquic ancoc coo, apvanacpec najan Ingyapam aptomja seyapajascama coo —alhta aptomjac.

SAN JUAN 13:20

Actomjac co silanya quellhip: Naso, apquilmec sat ancoc tacja quellhip enlhit apcapajasomap, coo siyapajascama, acno selmam tacja coo lha. Jelmec sat ancoc tacja coo, acno apquilmam tacja coo Tata aptomja seyapajascama —alhta aptomjac.

LOS HECHOS 5:4

Lhip apancaoc inyicje apquilcacjam. Apvanqui inyicje emyoc acyovoclhojo acyanmongam. ¿Soctomja aclhena nac apvalhoc emyoc nicja solyayem? Am elyinimcasam lhip enlhitaoc. Apyinimcasqui nac lhip Dios Ingyapam —alhta aptomjac.

ROMANOS 13:2

Am sat ancoc elyajaclhoc enlhit apquilanama apquilviscaa, eyca as aptomja apquinmelhaycam Dios. Esilhnanacpoc sat apanco yoyam coyanmongiclhac sat aptemaclha.

1 CORINTIOS 10:10

Noelyiplovquis nasa apquiltemaclha ilhnic nat napocja ningilyeyjamcaa apquiltomja apquilvinéycam Dios. Apticyovquic nic nat as enlhitaoc. Lhama ángel nic nat apquilnapma apvisay ángel singajem.

1 CORINTIOS 3:5

¿Co lha aptema Pablo yi? ¿Co lha aptema Apolos? Nincoo ningiltomja acvamlha ningilancam Dios. Nincoo alhta ayinyema apquilyanmonquiscama apquilvalhoc quellhip. Moclhama alhta ningyiplovquiscama nincoo actemaclha singanama Visqui ingac.

SAN JUDAS 1:16

Eyca as enlhitaoc apquiltomja apquilvinéycam aclhamoclhojo asoc najan apquiltanovaycam apquiltemaclha poc. Apquilvajanamquic mataa apquilmayjayoclha actemaclha ayitsepma apnenyaoc. Apquilyimtalhnesomacpo apanco ayinyema apquilpayvam. Intamilam mataa apquilpayvam yoyam colhic alaco apquilvisay.

1 SAMUEL 8:7

Aptomjac nic nat Dios apcanya profeta Samuel: —Ingyeylhojo sat lhip aclhamoclhojo apquilpayvam enlhitaoc Israel. Jave lhip aptomja aptanovmap, coo eyca sictomja sictanovmalhca. Elyinyovquic sictimem Visqui apancaoc.