NÚMEROS 15:41 - Enhlit Bible

⁴¹ Coo sicvisay Dios Visqui apancaoc quellhip, sicyinyovquiscama alhta yoclhilhma Egipto, yoyam otnejic Visqui apancaoc quellhip. Coo nac Dios Visqui apancaoc — nic nat aptomjac Dios.

NÚMEROS 15:41 Iomraidhean Croise

SALMOS 105:45

Yoyam elyiplovcasojo mataa apcanamaclha Dios. Yoyam elilyejiclhojo mataa apquiltamescama Dios Visqui ingac. Colhic ayaco mataa Visqui ingac.

ÉXODO 6:7

Otnejic sat quellhip enlhit ajancaoc. Otnejic sat Dios Apvisqui apancaoc quellhip. Elyasingvomoc sat quellhip sictomja Dios, quellhip Apvisqui apancaoc. Sictomja sicyinyovquiscama actemaclha acyimtalhnama apquiltamjaycam quellhip ayinyema co Egipto.

LEVÍTICO 22:33

Acyinyovcasquic nat quellhip yoclhilhma Egipto, otnejic mataa quellhip Dios Visqui apancaoc. Coo sicvisay Dios — nic nat aptomjac.

LEVÍTICO 25:38

Coo sicvisay Dios Visqui apancaoc quellhip. Coo nac sicyinyovquiscama quellhip yoclhilhma Egipto, yoyam ellhovamcoc yoclhilhma Canaán, otnejic sat Dios Visqui apancaoc quellhip.

NÚMEROS 15:40

Colvoncamejec sat mataa singanamaclha najan apquilyiplovquiscama, olponquinsic sat quellhip eltimjic enlhit ajancaoc, coo eyca Visqui apancaoc quellhip.

NÚMEROS 16:1

Apnec nic nat lhama levita nipyesicsa apquilmolhama (aptovana) Coat, apvisay Coré, Izhar apquitca. Apquillhalhmaa ilhnic nat apnatqui apnaymacoc apquilmolhama Rubén, apvisay nic nat Datán, poc nic nat Abiram, Aliab apquitquic poc nic nat On, Pelet apquitca.

HEBREOS 11:16

Inquillhenquic nic nat mataa apquilvalhoc apquilaoclha actamila anco, am colhnoc nalhpop. Inlhenalhquic nic nat ningaoclha netin. Am nic nat emancac Dios apquiltomja as enlhitaoc apvisay Visqui apancaoc. Apquillanesquic nic nat Dios tingma apyiviy yoyam elhnam as enlhitaoc acma melyasquiyam.