NÚMEROS 15:3 - Enhlit Bible

³ Apquilajac sat ancoc aptoscama vayqui, tasic najan nipquesic, cotnejic sat selmescama coo naysicsa apquilvatnama talha acticyovam sacrificio, najan seticjanquiscama holocausto aptoscama acmatnam macmescama acyanmongam melyascalhma. Cotnejic sat ayinyemayaclha apquillhanma mepqui apquilyeycajascaoc, najan ayinyemayaclha apquilmescama nasa, najan ayinyemayaclha fiesta apquilmescama nasa aptoscama acmatnam.

NÚMEROS 15:3 Iomraidhean Croise

GÉNESIS 8:21

Inticjancasquic nic nat Dios Apyimtalhnamo actemaclha acmasis. Intomjac nic nat apvalhoc Dios Apyimtalhnamo: —Motvacsejec sat mataa as nalhpop ayinyema apquilsilhnanomap apanco enlhitaoc. Asomcoc mataa alquitamsama apquilvalhoc enlhitaoc ayenmo aptemaclha apquitcoc. Motvacsejec sat mataa aclhamoclhojo asoc aleyvam lhalhma anco. Motniclhejec sat mocjam sictomjaclha alhta.

ESDRAS 7:17

Iyinyov sat lhip acyanmongam vayqui inquilinava, najan nipquesic apquilinava najan nipquesic apquitcoc. Elmoc sat najan trigo apyilhna, najan uva ayingmenic macmescama Dios congne tingma apponquinomap, apmaclha Dios Visqui apancaoc quellhip, payjoc tingma Jerusalén.

ÉXODO 29:18

Itne sat ofrenda as nipquesic netin altar, acvisay holocausto malvatnama talha acyanmongam melyascalhma, yoyam colhic ayaco Dios, acvisay ofrenda apyisponcama Dios, acticjanquiscama actamila.

ÉXODO 29:25

Ilic sat mocjam ofrenda apmaycam apmic Aarón najan apquitquic, colhic sat alvatna talha netin altar. Acno malvatnama talha holocausto acyanmongam melyascalhma acticjanquiscama actamila napato Dios. Acvisay ofrenda malvatnama talha, yoyam colhic ayaco Dios.

ÉXODO 29:41

Ematong sat mataa actalhnam poc nipquesic, acyiplomo ofrendas harina najan ofrenda de vino, ofrenda malvatnama talha acticjanquiscama actamila napato Dios.

LEVÍTICO 10:13

Eltovaoc sat payjoc lugar acponquinomalhca. Acvisay nintom macmescama Dios ayinyema enlhit, yoyam colhic ayaco Dios, apquilanyomap lhip najan aptovana (apquitquic), yoyam eltovamcoc, acno singanama siclho Dios.

LEVÍTICO 27:2

Aplhenacpec enlhit apquitcoc macmescama Dios. Ayinyema aplhanma enlhit mepqui apyeycajascaoc napato Dios. Apvanqui inyicje enlhit emyoc aplhanma siclho macmescama Dios. Incaymalhquic eyinyoc acyanmongam solyayem plata.

LEVÍTICO 7:16

Intomjac sat ancoc asoc acmatnam macmescama Dios actemaclha aplhanma enlhit mepqui apyeycajascaoc, najan moc asoc acmatnam macmescama Dios ofrenda voluntaria, apvanquic mataa eltovamcoc apitic as acnim nac jay, najan eltovamcoc sat apitic ayaymomalhca moc acnim sat.

NÚMEROS 28:27

Eltingya sat holocausto macmescama Dios acticjanquiscama actamila napato Dios: anit vayqui inquilinava, najan lhama nipquesic apquinavo, najan siete nipquesic apquitcoc apvaycmo un año.

NÚMEROS 29:8

Eltingya sat holocausto macmescama Dios acticjanquiscama actamila: lhama vayqui inquinavo najan lhama nipquesic apquinavo najan siete nipquesic apquitcoc apvaycmo un año, mepqui acmasom apyimpeoc.

NÚMEROS 6:15

Mocjam esantac alhancoc aclaneyo pan apquilanomap harina aptamila apanco, mepqui apquimpascaoc, eyca alpalhquemalhca aceite. Najan nilpayescama acyiplomo aceite, mepqui apquimpascaoc najan trigo apactic najan uva ayingmenic.

SAN MATEO 3:17

Pilapcasquic alhta ayinyema netin lhama appayvam: —Lhip nac Sictamongvoyam siyasicjayo, acyispaquic lhip —alhta intomjac appayvam.

2 CORINTIOS 2:15

Nincoo ningiltomja napato Cristo malha asoc masis macmescama Dios. Inticjancasquic mataa enlhitaoc yoyam elvomsacpoc tap najan enlhitaoc yoyam enatovasacpoc sat.

2 CORINTIOS 2:16

Inticjancasquic mataa actemaclha ningitsepma enlhitaoc yoyam enatovasacpoc sat. Inticjancasquic mataa actemaclha acyimnatescama ingnenyic enlhitaoc yoyam elvomsacpoc tap. Apquililtamjoc elyasamcojo quellhip. ¿Soc enlhit apmopvan epayecsic actema nac jay? Mongvanquejec nincoo inganco.

EFESIOS 5:2

Elyiplovcasojo actemaclha ningasicjayo. Ayinyemaclha ingilasicjavoc nincoo Cristo. Apyinyovsomacpo apanco singyanmongam nincoo, malha macmescama Dios actemaclha apyisponcama.

DEUTERONOMIO 12:11

Cotnejic sat Dios apquilyacyescama acmaclha apvisay apanco, quellhip sat conyemac ofrendas macmescama Dios: apnatoscama apticyovam malvatnama talha, yoyam colhic ayaco Dios, najan macmescama Dios lhama asoc acyitna inlhojo diez asoc (diezmo), najan contribuciones acyanmongam apquilyamasma, najan apquillhanma napato Dios mepqui apquilyeycajascaoc.

DEUTERONOMIO 12:17

Noeltovaoc nasa quellhip natingma acyilhna najan apnatoscama, apquilanyomap quellhip elmecsic Dios: acvisay diezmo trigo apactic, najan uva ayingmenic. Najan aceite, najan apnatoscama siclha apvitay vayqui ayitcoc najan nipquesic apquitcoc. Noelmiyov nasa moc asoc apquillhanma quellhip elmecsic Dios mepqui apquilyeycajascaoc, paj najan moc ofrendas macmescama Dios.

DEUTERONOMIO 12:6

Elnapoc sat maa apnatoscama macmescama Dios malvatnama talha, yoyam colhic ayaco Dios, elmecsic sat lhama asoc acyitna inlhojo diez asoc, najan contribuciones apquilyamasma acyanmongam, najan promesas apquillhanma mepqui apquilyeycajascaoc najan ofrendas macmescama Dios, najan apquilanyomap elmecsic apnatoscama apquitcoc siclha apvitay, najan vayqui najan nipquesic.

FILIPENSES 4:18

Am coyitnac lhama asoc ayaymomalhca quilhvo. Yitnec coo aclhamoclhojo asoc malha acyeycajangvaycmo. Yitnec coo asoc sesantimquiscama alhta ingyalhing Epafrodito, selapajasquiscama alhta quellhip. Asoc selmescama alhta actomja malha apquilaycaoc acmasis napato Dios Ingyapam. Apyispaquic Dios actemaclha apquilaycaoc quellhip.