NÚMEROS 15:20 - Enhlit Bible

²⁰ Jelmesaoc sat primera parte nicja trigo apactic, najan maa primera parte motajap apyelaquiscama apquillanay pan.

NÚMEROS 15:20 Iomraidhean Croise

NEHEMÍAS 10:37

Ontimjic sat ningmescama asoc (contribución) tingma apponquinomap, yoyam eltovamcoc sacerdotes: siclha ningvitay harina, siclha ningvitay yamit acyilhna, siclha ningvitay uva ayingmenic, siclha ningvitay aceite olivo ayingmenic. Ongillhamasiclhac sat ningmescama asoc ellhovamcoc levitas, lhama mataa acyilhna (kilo), ningvita inlhojo diez acyilhna (kilo), elmoc sat tacja depósitos tingma apponquinomap. Poc mataa apquilansayclha acyilhna nipyesicsa apnaycam amyip.

ÉXODO 23:19

Moclhama acyilhna siclho apvitay, elsantimquis sat mataa tingma pac Dios. Mongvanquejec ongjanic yataay neme pac apyingmenic nimpalhaquisa yataay apquitcoc.

ÉXODO 34:26

Moclhama acyilhna siclha apvitay, elsantimquis sat mataa tingma pac Dios. Mongvanquejec ongjanic yataay neme pac apyingmenic nimpalhaquisa yataay apquitcoc.

EZEQUIEL 44:30

Ellhovamcoc sat sacerdotes actamila anco acyilhna siclha apquilvitay amyip, najan acyovoclhojo asoc macmescama Dios. Apquillanacpec sat ancoc pan, ellhovamcoc siclhoc anco sacerdotes, yoyam eltovamcoc. Apquilyiplovcasquic sat ancoc israelitas, olmeyvoc sat mataa apquilmolhama (elmiyovacpoc sat).

LEVÍTICO 2:12

Apvanquic enlhit etnejic macmescama Dios levadura asoc acyipjescama harina, apvanqui etnejic yamyovjene macmescama Dios, acno acyilhna siclha apvitay macmescama Dios. Mongvanquejec mataa levadura najan yamyovjene ongilpalhaquisic nintom, yoyam colhic alvatna talha netin altar napato Dios.

LEVÍTICO 2:14

Apvanquic enlhit ellanac nintom (macyilhnayam) trigo apactic, ayinyema acyilhna siclha apvitay. Emoc sat trigo apyilhna acyiplomo apyimpeoc najan apactic macyilhnayam talha, actomja apyilhna acyiplomo apyimpeoc najan apactic macyilhnayam talha, actomja apyilhna siclha apvitay.

LEVÍTICO 23:10

Iltimnas sat lhip sicpayvam napatavo israelitas: Elvitac sat quellhip yoclhilhma alhnancoc, yoyam ellhovamcoc quellhip. Elvitac sat trigo apyilhna, elsaclha sat quellhip apnaclha sacerdote amamyi anco lhama acpilhtetem trigo apyilhna.

LEVÍTICO 23:20

Etingyac sat sacerdote as apnatoscama macmescama Dios, acyiplomo pan apquinyema apyilhna siclha apvitay, najan apcanit nipquesic apquitcavoc. Eycaso altomja macmescama Dios, yoyam eltovamcoc sacerdotes.

NÚMEROS 15:21

Comasquejec sat mataa as singanamaclha.

NÚMEROS 18:12

Cotnejic sat lhip apanco acyilhna siclha apquilvitay enlhit, selmescama coo moclhama año: actamila anco aceite, actamila anco uva ayingmenic najan aptamila apanco trigo apactic.

SAN MATEO 6:33

Eltingya amamyi anco Dios apquilnancascama najan actemaclha acpeyvomo, ellhovangvomoc sat asoc alaymomalhca.

ROMANOS 11:16

Pac oltimnacsic actemaclha sicyitquiscama. Apponquinacpec mataa quilpasmongam macyelaquiscama yoyam colhic acmesa Dios. Apponquinacpec sat ancoc napocja macyelaquiscama, esovjacpojoc sat apponquinomap apyovoclhojo. Inquilponquinalhquic sat ancoc yamit inquipmenaoc, cosovjalhcojoc sat ancoc yamit inquipmenaoc, cosovjalhcojoc sat alponquinomalhca acyovoclhojo actingaoc.

1 CORINTIOS 15:20

Nasoc anco, Cristo aptomja aplhaticjangviyam nipyesicsa apquilmasquingvaycmo. Aptomja aplhaticjangviyam apmamyi, malha ningvitay acyilhna amamyi.

DEUTERONOMIO 14:22

Moclhama año apquilvita inlhojo quellhip acyilhna, elmesaoc sat lhama kilo (acyilhna) macmescama Dios, acyitna inlhojo diez kilo (acyilhna).

DEUTERONOMIO 14:23

Cotnejic sat décima parte trigo apactic, najan uva ayingmenic, najan aceite, najan apnatoscama apvitay apmamyi vayqui ayitcoc najan nipquesic apquitcoc. Ingyaniclha sat quellhip, yoyam eltovamcoc sat napato Dios payjoc carpa apponquinomap, elyasingvomoc sat quellhip actemaclha apquilayo najan apquilyajayquiclho Dios.

DEUTERONOMIO 16:13

Apquilpenasquic sat ancoc quellhip apquilnaclhama trigo apyilhna, najan uva acyilhna, ellana sat fiesta de las Enramadas, moc acvisay jamilh apancaoc.

SANTIAGO 1:18

Ingmesquic Dios Ingyapam acyimnatem ingnenyic ayinyema appayvam actomja nasoc anco. Apquiltamjoc yoyam ontimjic ingmamyi naysicsa apquilantipquiscama asoc, malha actemaclha acyilhna acnaclhamalhca amamyi. Eycaso apmayjayoclha apanco Dios Ingyapam.

EL APOCALIPSIS 14:4

Am alhta elanoc quilvana as enlhitaoc, paj najan apquilyipitcaycam quilvana. Malha mepqui apnatamcaa as enlhitaoc. Apquilyiplaclhec mataa apyasaclha Nipquesic Apquitcoc. Apyinyovquic alhta acyanmongam Dios yoyam elvomsacpoc tap as enlhitaoc. Malha asoc amamyi macmescama Dios najan macmescama Nipquesic Apquitcoc alhta as enlhitaoc.