NÚMEROS 14:9 - Enhlit Bible

⁹ Noelinmelham nasa quellhip Dios. Noela nasa enlhitaoc apnaycam maa yoclhilhma. Quilhvoc sat onsavojoc ningilnapma, malha nintom pan sat cotnejic. Invonquipquic actomja acmasma enlhitaoc maa. Jingmeyvoc sat nincoo Dios Apyimtalhnamo. Noela nasa quellhip — nic nat aptomjac.

NÚMEROS 14:9 Iomraidhean Croise

GÉNESIS 48:21

Aptomjac nic nat apyap apcanya José: —Quip ilanojo. Ongvitsapoc sat coo. Aplhalhma sat mataa etnejic Dios Apyimtalhnamo. Eltajicsojoc sat quellhip apcaoclha apquilyeyjamcaa.

2 CRÓNICAS 13:12

Elyasamcojo quellhip, Dios aptomja singnalayclha naysicsa ningilimpocjay, najan sacerdotes, yoyam elpayvacsic trompetas naysicsa ningilimpocjay nipyesicsa quellhip. ¡Quellhip israelitas, noelinmelham nasa, noelnapap nasa Dios aptomja Visqui apancaoc apquilyeyjamcaa quellhip, meltimjic sat apquilyimnatem! — nic nat aptomjac Abiam.

2 CRÓNICAS 15:2

Apquilamyilhamquic nic nat, aptomja apcanya Asa: —¡Ingyeylhojo sicpayvam lhip Asa najan apyovoclhojo apquilmolhama Judá najan apquilmolhama Benjamín! Epasmoc sat quellhip Dios, apvita inlhojo apquilyiplovquiscama quellhip. Elvitac sat mataa Dios, apquiltingya inlhojo quellhip. Elyinyovacpoc sat quellhip, apvita inlhojo apquilyamasma quellhip Visqui ingac.

2 CRÓNICAS 20:17

Jave quellhip yoyam elnapacpoc. Ellanam sat quellhip, elanojo sictemaclha silnapma cotnaja ingmoc, silvomquiscama tap quellhip. ¡Noncotyim nasa apquilvalhoc, noela nasa quellhip co Jerusalén najan apyovoclhojo co Judá! ¡Elamyilhaoc sat secaseclha, aplhalhma quellhip Dios Visqui ingac! — nic nat aptomjac Josafat.

2 CRÓNICAS 32:8

Apcanayquic mataa apvisqui cotnaja ingmoc, conyemac sat apquilmopvan enlhit singilpilhtetemo. Nincoo eyca ningmovan ayinyema Dios Visqui ingac aptomja singilpasmom naysicsa ningilnapomalhca— nic nat aptomjac apvisqui. Inquilmec nic nat apquilvalhoc enlhitaoc apquillinga Ezequías appayvam.

NEHEMÍAS 4:14

Alanoc alhta enlhitaoc. Actomjac alhta silanya enlhitaoc najan apquilimja apmamyi: Noela nasa cotnaja ingmoc. Coyit apatic visqui ingac apyimtalhnamo ningiltomja ningilayo. Elnapop sat, elmiyov sat apnaymacoc najan quellhip apquitquic najan apnatamcaa najan tingma apancaoc — alhta actomjac coo.

SALMOS 106:24

Apquilvennam nic nat yoclhilhma Canaán actamila anco. Apquilyascacmec nic nat Dios aplhanma mepqui apyeycajascaoc.

SALMOS 121:5

Visqui ingac aptomja singmasma nincoo, aptomja sintamilquiscama. Ningillhalhma aptomjac yoyam jingilpasmoc.

SALMOS 14:4

¿Mepqui ya apquilyascamco enlhit apquilmapsomcaa? Apnatovasquic mataa enlhitaoc ajancaoc, malha aptoycaoc pan apquiltomjac. Am eltomjac mataa selayo sicvisay Visqui.

SALMOS 46:11

Ninlhalhma aptomjac Visqui ingac apyimtalhnamo. Jacob apvisqui pac Dios aptomja ningyilhanmeycam.

SALMOS 46:7

Ninlhalhma aptomjac Visqui ingac apyimtalhnamo. Jacob apvisqui pac Dios aptomja ningyilhanmeycam.

SALMOS 46:8

Ellhingma jilip. Quip elanojo aptomjaclha Visqui ingac as nalhpop. Pilapcasquic nincoo ningvita.

SALMOS 74:14

Lhip nic nat apnatovascama apquilyitsomacpo sinavocpo. Aptovcamquic nic nat enlhit apjápaoc asoc navjac yochilhma actamopeycaoc.

SALMOS 91:1

Ningyilhanmomaclha ningiltomjac Visqui netin. Malha ningnaycam coning pisquisca ayinyema Visqui ingac apyimnatem.

ÉXODO 14:13

Aptomjac nic nat Moisés apquilanya enlhitaoc: —Noncotyim nasa apquilvalhoc, elvascap. Quip elanojo quilhvo nac jay actemaclha singilvomquiscama tap. Apquilvita inyicje quellhip co Egipto quilhvo nac jay. Melvityejec sat mataa cotmongvoycamlha nelha.

ÉXODO 33:16

¿Jalhco sat ontimjic ongilyasamcojo, lhip nasoc anco ninlhalhma nincoo? Lhip apvamlha pac semasma coo najan apmasma apyovoclhojo enlhitaoc. Am colhno enlhitaoc lhalhma anco as nalhpop.

ISAÍAS 1:2

Quip elaylhojo quellhip apnaycam netin najan quellhip apnaycam nalhpop. Eycaso appayvam: —Acvanimcasquic alhta eyitquic. Eltanongvocmec alhta, elyinyovquic alhta.

ISAÍAS 32:2

Etnejic sat singmasma apvisqui, malha ningyilhanmeycam piyam apquilhcajacmo. Malha ningyilhanmeycam nipyesicsa yatepiyam. Jingilmecsic sat yingmin ayinyem yingmin atamnic. Malha pisquisca nicja mataymong acvinatem yoclhilhma actamopeycaoc.

ISAÍAS 41:10

Noela nasa quellhip. Coo sictomja sellhalhma. Noncotnajam nasa apquilvalhoc. Coo sictomja Dios Apvisqui apancaoc. Olyimnaticsojoc sat quellhip. Opasmoc sat mataa quellhip. Coo sat omamcoc emic actomja acyimnatem.

ISAÍAS 41:14

Noela nasa quellhip Jacob apquilmolhama. Apquitcoc apancaoc quellhip malha ascoc. Apcanito quellhip enlhitaoc Israel. Eycaso sicpayvam sicvisay Dios: —Opasmoc sat quellhip. Sicmasma quellhip sicvisay Sicyimtalhnamo.

ISAÍAS 63:10

Apquilinmelham nic nat Dios Apyimtalhnamo, apquilvennam nic nat espíritu Dios. Malha cotnaja ingmoc nic nat Dios Apyimtalhnamo. Yiplovcoc nic nat apquinmelhaycam Dios Apyimtalhnamo.

JEREMÍAS 1:19

Ellhenic sat apquilimpocjay, yoyam elajic lhip. Apyimnatem sat etnejic lhip, ayinyema siclhalhma coo, yoyam omyoc lhip. Eycaso sicpayvam sicvisay Visqui Sicyimtalhnamo — alhta aptomjac — nic nat aptomjac profeta.

JEREMÍAS 42:11

Noela nasa quellhip apvisqui co Babilonia, olmeyvoc sat quellhip, olvomsic sat tap quellhip. Eycaso sicpayvam sicvisay Visqui apancaoc.

JEREMÍAS 48:45

Apquilinyajamquic enlhit elyilhanmoc tingma Hesbón, apvisqui Sehón tingma pac. Apquilvitac tingma apmeta. Impayjingvocmec alhta talha actovasa inquilhe lhalhma anco najan enlhit apquilinmelhaycam.

DANIEL 9:5

Nasoc anco ningilsilhnanomalhca inganco ningyovoclhojo napato lhip. Acmasom nincoo nintemaclha inganco, mepqui aclhanma ingvalhoc lhip apvisay, mepqui ningyiplovquiscama singanamaclha ayinyema lhip.

DANIEL 9:9

Lhip Dios aptomja singasicjayclha mocjam najan singmasma, apvita inlhojo nintemaclha ningilinmelhaycam lhip.

NÚMEROS 13:30

Apnovcasquic nic nat Caleb yoyam elvanmac enlhitaoc apnaclha Moisés. Aptomjac nic nat Caleb apquilanya: —Noc, ongimpocja sat. Ningilyimnatem nincoo, am ongnoc cotnaja ingmoc. Ingancoc sat ontemjic nincoo yoclhilhma — nic nat aptomjac.

NÚMEROS 17:6

Apquiltimnasquic nic nat Moisés as appayvam ayinyema Dios napatavo enlhitaoc. Aplhocac nic nat yamit ayitcoc ayinyema apquilmolhama apvisqui, apcansaclho doce yamit ayitcoc Moisés. Lhama yamit ayitcoc acyitna apvisay Aarón.

NÚMEROS 20:2

Am nic nat acyitnac yingmin apyinaycaoc. Apquicjingvoctac nic nat apyovoclhojo enlhitaoc, elinmelham Moisés najan Aarón.

NÚMEROS 24:8

Apyinyovcasquic nic nat Dios yoclhilhma Egipto. Apquiltimescasquic nic nat apquilyimnatem enlhitaoc, malha inquipetaoc vayqui navjac. Elnapoc sat cotnaja ingmoc, malha asoc navjac actom ayintascama alhquipcoc. Elyimsasic sat yanca.

SAN MATEO 1:23

Quip elanojo, inlovsoc sat cotnejic quilvana mepqui atava. Cotimsic sat ayitca apquinavo. Colhic sat actimesa apvisay Emanuel, ningiltimem nincoo Dios singilpalhavoy —nic nat intomjac appayvam.

ROMANOS 8:31

¿Jalhco sat ongiltimjic nincoo? Aptomjac sat ancoc Dios singmasma nincoo, copvanquejec lhama enlhit jingilinmelham nincoo.

DEUTERONOMIO 1:21

Quellhip sat ellhovamcoc as yoclhilhma. Noc maa, eltime sat apancaoc as yoclhilhma, acno aplhanma siclho mepqui apyeycajascaoc Dios Apyimtalhnamo. Noela nasa quellhip, elvascap sat mataa.

DEUTERONOMIO 1:26

Am alhta eljalhnoc quellhip singanama Dios Apyimtalhnamo. Am alhta colcac apquilvalhoc elmiyaclhac as yoclhilhma.

DEUTERONOMIO 1:29

Actomjac alhta silanya quellhip: —¡Nocotyim nasa apquilvalhoc quellhip! ¡Noela nasa quellhip!

DEUTERONOMIO 31:6

Elyimnac sat quellhip, elvascap sat mataa. Noela nasa apquilvita inlhojo apquilimpocjay cotnaja ingmoc. Epasmoc sat quellhip Dios Apyimtalhnamo, meyinyovejec sat mataa, elmiyovacpoc sat quellhip — nic nat aptomjac Moisés.

DEUTERONOMIO 31:8

Apmamyi elhong sat Dios Apyimtalhnamo, epasmoc sat lhip. Meyinyovejec sat mataa, emyovacpoc sat lhip. Naso, nongya nasa lhip, iyimnaticsojo sat apvalhoc — nic nat aptomjac Moisés.

DEUTERONOMIO 32:42

Olovsic sat yanca ajancaoc congne ema apancaoc cotnaja ingmoc apquilyimsem najan apquilmomap. Sovo acvinatem colnapoc sat apquilviscaa cotnaja ingmoc.

DEUTERONOMIO 7:18

¡Noela nasa quellhip! Coyitnam apatic quellhip aptimesquiscama alhta Dios nipyesicsa co Egipto napato apvisqui faraón.

DEUTERONOMIO 7:21

Noela nasa quellhip, aplhalhma quellhip Dios Apyimtalhnamo najan Apyimnatem.

DEUTERONOMIO 9:7

Aptomjac nic nat mocjam: —Coyitnam apatic quellhip apquiltemaclha apancaoc yoclhilhma actamopeycaoc. Aplovquic nic nat Dios Apyimtalhnamo apvita apquiltemaclha apancaoc quellhip. Avanjec alhta apquilinmelhaycam mataa quellhip, siclhoc alhta apquilantiyapma yoclhilhma Egipto acvaycmo apquilvoycamlha as yoclhilhma.

FILIPENSES 1:27

Ovoclhac sat lhaja nipyesicsa quellhip yoyam olviticlhac sat mocjam. Olhic sat lhaja mocjay yoyam olngac sat acvamlha apquilvisay. Elyasamcojo quellhip: Eltamilsacpojo apanco, elyiplovquis actemaclha singillhicmoscama tasic amyaa. Elyimnaticsojo sat apquilvalhoc. Elhnasojo sat moc apquilvalhoc. Elvascap sat quellhip elmeyvoc melyasquiyam ayinyema tasic amyaa, malha apquilnapomap sat eltimjic.

JOSUÉ 1:5

Etnejic sat mataa apyimnatem lhip aclhamoclhojo acnim aptiyascamcalha. Otnejic sat siclhalhma lhip acno alhta Moisés sictomja alhta mataa siclhalhma. Opasmoc sat mataa, moyinyovejec sat mataa lhip.

JOSUÉ 14:12

Pac olmalhnac lhip memyovejec sat lhip as yoclhilhma inquilhe alvinatem, aplhanma alhta Dios Visqui ingac. Apyasamcoc lhip apquileyvam alhta maa enlhit apvinatem Anac aptovana. Apquillanac alhta tingma apquilyimnatem najan apquilyilhanmomaclha. Altamjoc jepasmoc Dios Visqui ingac, ongilantipsic sat actomja apquilaoclha maa, acno aplhanma alhta siclho — alhta actomjac coo — nic nat aptomjac Caleb.

JUECES 1:22

Apquilpecjam nic nat apquilmolhama José elimpocjac tingma Betel, apvisay siclhoc nic nat Luz. Apquilapajasquic nic nat enlhit apquilyilhamacpo. Appasmec nic nat.