NÚMEROS 14:34 - Enhlit Bible

³⁴ Invocmec alhta cuarenta acnim apquilvactamo apquiltiyaningvaycmo yoclhilhma maa. Moclhama acnim colhojoc sat moclhama año yoyam ellingamcojo sicyanmongsayclha apquiltemaclha quellhip. Ellingamcoc sat apquitquic acyimtalhnama ayinyema quellhip acvocmo cuarenta años.

NÚMEROS 14:34 Iomraidhean Croise

1 REYES 8:56

—Aptasic apanco Dios Apyimtalhnamo. Aptomja apquilmescama actamilaycam apquilvalhoc enlhitaoc Israel ayinyema aplhanma actomja nasoc anco. Am alhta eyeycajasamcoc lhama appayvam aplhanma napato Moisés aptomja nat apquilancam.

2 CRÓNICAS 36:21

Eycaso ilhnic nat appayvam ayinyema Dios aplingascama ilhnic nat profeta Jeremías: Cotnejic sat año apancaoc apquillovquiscama apquilyampay, moc acvisay año de reposo, acvaycmo setenta años. Colhojoc sat mepqui siclho apquilyiplovquiscama najan mepqui apquiltamilquiscama moclhama año de reposo, acvaycmo setenta años.

SALMOS 105:42

Inyasingveclhec nic nat apvalhoc Dios aplhanma nic nat actomja nasoc anco. Aplhanma napatavo apquilancam (apcasinancama) Abraham.

SALMOS 38:4

Avanjec sicsilhnanomalhca ajanco, movanquejec olngamcojo. Malha siclingaycamco seyajapma nimpatam acyimtalhnama.

SALMOS 77:8

¿Invocme ya nelha aptemaclha singasicjayo Visqui ingac? ¿Invocme ya nelha aplhanmaclha mepqui apyeycajascaoc?

SALMOS 95:10

Cuarenta años intomjac coliclamo evalhoc as enlhitaoc. Altimnasquic nat inyicje apquiltemaclha apquillhinganyam najan apquiltemaclha melilyajayquiclho sicpayvam siyanamaclha.

EZEQUIEL 14:10

Colhic sat acyanmongseclho apquiltemaclha apancaoc apquilyoctama profeta najan maa aptemaclha apanco profeta.

EZEQUIEL 23:35

Aptomjac alhta mocjam: Eycaso sicpayvam sicvisay Visqui apancaoc: Lhiya alhta seyamasma coo, actomjayclho quilvana alanatama. Quilhvo nac jay colngamcojoc sat lhiya acyanmongayclha actemaclha anco acmasom — alhta aptomjac.

EZEQUIEL 4:5

Trescientos noventa acnim cotnejic lhip apyitnama, apcajapsomap lhip apquilsilhnanomap israelita, colhojoc acvamlha apquilsilhnanomap apanco israelitas najato coo.

EZEQUIEL 4:6

Ipaycap sat lhip, eytic sat napocja derecha (apectong derecha). Itne sat apcalomap acvisay apquilsilhnanomap co Judá acvaycmo cuarenta años. Lhama acnim apyitnama, colhojoc sat lhama año apquilsilhnanomap co Judá.

DANIEL 9:24

Cotnejic sat acsovjongvocmo setenta semanas nipyesicsa enlhit najan tingma mayayo. Colhic sat acmascosa apquilinmelhaycam enlhit najan apquilsilhnanomap apanco. Colhic sat ayasicjayquiclha enlhitaoc apquilvatsamco inlhojo apquiltemaclha apancaoc. Colhic sat mocjam nintemaclha acpeyvomo. Cosovjongvomoc sat acvitay ningvanmoncama najan aplhanmaclha profeta. Colhic sat ayaco Santísimo Mayayo.

OSEAS 9:12

Colvanimsic sat inyicje ayitquic, olyinyovsic sat acyovoclhojo ayitquic, osavojoc sat maa. ¡Enlhit najan quilvanaa layi sicyamasma apyovoclhojo!

LEVÍTICO 20:19

Copvanquejec epatjetamcoc monquin, acvisay inquin inyalhing. Copvanquejec epatjetamcoc incatim. Apyap apyalhing as quilvana. Aptovasquic actemaclha apmolhama. Esilhnanacpoc apanco. Cosilhnanalhcac sat anco quilvana.

ZACARÍAS 11:10

Ayintasquic alhta yamit acvisay Ingmoc, comascoc actemaclha pacto ningmiyovmalhca ayinyema Dios nipyesicsa enlhitaoc lhalhma anco.

NÚMEROS 13:25

Cuarenta acnim nic nat intomjac apquilvitay asoc apquiltiyaningvaycmo. Natamin apquiltajavoc nic nat mocjam apquilinyemayaclha.

NÚMEROS 18:23

Apquilvamlha levitas eltimesam sat congne carpa apponquinomap, elsilhnanacpoc sat, apquilvita inlhojo acmasom. Comasquejec sat mataa siyanamaclha nac jay, elyiplovcasojoc sat enlhit najan aptovana. Mepqui amyip sat cotnejic mataa apquileyvam levitas.

NÚMEROS 32:13

Aplovquic alhta Dios apvita apquiltemaclha apancaoc israelitas. Apcapajasquic alhta mataa lhalhma anco eleyoc yoclhilhma actamopeycaoc, acvaycmo cuarenta años. Apsovjacpoc alhta apquilitsepma israelitas apquilsilhnanomap apanco siclho napato Dios.

LOS HECHOS 13:18

Apcamquic nic nat mataa aptoycaoc enlhitaoc yoclhilhma actamopeycaoc, malha cuarenta años.

DEUTERONOMIO 2:7

Dios Apyimtalhnamo ayinyema alhta apquillhoy quellhip cotlaycaoc asoc altamila. Aptomjac alhta apquillhalhma quellhip cuarenta años, apquiltamilquiscama nalhit amay yoclhilhma actamopeycaoc. Am alhta coymalhcac quellhip lhama asoc — nic nat aptomjac Moisés.

HEBREOS 4:1

Am covocmoc mocjam aplhanmaclha Dios actomja nasoc anco yoyam ongnaclhac apnaclha Dios. Incaymalhquic ongilavojo nincoo yoyam metamopamqueje lhama nipyesicsa quellhip melhneclheje apnaclha Dios.

JOSUÉ 14:10

Invocmec cuarenta y cinco años aptomja semasma Dios, acno aplhanma alhta napato Moisés. Mocjam semasma alhta naysicsa ningileyvam yoclhilhma actamopeycaoc. Invocmec ochenta y cinco años sictiyascam quilhvo nac jay.

EL APOCALIPSIS 11:3

Olapajacsic sat apcanit apquillingascama sicvisay. Yoyam ellingacsic amyaa actemaclha sicmayjayoclha acvocmo mil doscientos sesenta acnim. Yamquintim ajac sat etnejic apquilantalhnama, malha apmapyovsica sat eltimjic.

1 SAMUEL 2:30

Alyacyesquic alhta eltimjic sacerdotes lhip apquilmolhama, ongvanic lhip quilhvo nac jay: Colhic sat ayaco enlhit aptomja seyayo. Colhic sat acvenná enlhit aptomja sevennéycam coo. Coo sicvisay Dios Visqui apancaoc Israel, siclhanma sicpayvam.