NÚMEROS 14:23 - Enhlit Bible

²³ Melvityejec sat yoclhilhma siclhanmaclha actomja nasoc anco yoyam olmecsic apquilyeyjamcaa.

NÚMEROS 14:23 Iomraidhean Croise

NEHEMÍAS 9:23

Aplhamaseclhec nic nat lhip ningilyeyjamcaa apquitquic, mongmovan ongilyipsitic, acno apyová netin. Apquillhocac nic nat yoclhilhma, aplhanma nic nat lhip mepqui apyeycajascaoc, yoyam ellhovamcoc ningilyeyjamcaa.,

SALMOS 106:26

Apmiyaseclhec nic nat netin apmic naysicsa aplhanma actomja nasoc anco. Emascoscomoc sat enlhitaoc yoclhilhma actamopeycaoc.

SALMOS 95:11

Intomjac nat evalhoc naysicsa siclom: —Colapvanquejec sat elpalhavomoc yoclhilhma ningnayclhilha — nat intomjac evalhoc — nic nat aptomjac Dios Visqui ingac.,,

JEREMÍAS 18:10

Pilapcasquic sicvita apquiltemaclha apancaoc, mepqui apquilyiplovquiscama siyanamaclha. Mopasmejec sat mataa as enlhitaoc, siclhanma siclho olmecsic asoc altamila — alhta aptomjac Dios.

EZEQUIEL 20:15

Aclhenquic alhta mepqui sicyeycajascaoc payjoc yoclhilhma actamopeycaoc, mellhovamquejec sat israelitas yoclhilhma silyacyescama coo, acyitnamaclha leche najan apquimjaclha yovjan, actomja actamila anco, am colhno moc yoclhilhma.

NÚMEROS 26:64

Yitnec nic nat siclho macnatalhescama apquilvisay israelitas yoclhilhma actamopeycaoc Sinaí, ayinyema ilhnic nat Moisés najan Aarón, metyaycamlha mocjam as enlhitaoc apquilyipsatomap.

NÚMEROS 26:65

Aplhenquic nic nat Dios napatavo apquilyeyjamcaa, yoyam elitsapoc sat apyovoclhojo naysicsa apquileyvam yoclhilhma actamopeycaoc. Am nic nat ingyitsepac Caleb, Jefone apquitca, najan Josué, Nun apquitca. Am nic nat ingyaymacpoc lhama nipyesicsa apquilyeyjamcaa.

NÚMEROS 32:11

Apquilyinyovquic alhta yoclhilhma Egipto israelitas. Melvityejec sat yoclhilhma alhnancoc moclhama israelita, acyitna inlhojo veinte años aptiyascam, najan maa veinte años tap. Apquilyasquiyam alhta ayinyema najan mepqui apquilyiplovquiscama ayinyema alhta acyanmongayclha. Am alhta elvitac yoclhilhma aplhanma Dios yoyam ellhovamcoc ningilyeyjamcaa Abraham, najan Isaac, najan Jacob.

DEUTERONOMIO 1:8

Coo ayinyema sicmescama quellhip as yoclhilhma. Eltiyaningvomjo sat maa, eltime quellhip apancaoc as yoclhilhma. Coo sicvisay Dios, siclhanma nat mepqui sicyeycajascaoc napatavo apquilyeyjamcaa quellhip, apvisay nic nat Abraham, najan Isaac, najan Jacob, najan maa aptovana — alhta actomjac coo — nic nat aptomjac Dios Apyimtalhnamo.

HEBREOS 4:3

Am sat ancoc ongilyascacmoc tasic amyaa, ongnaclhac sat apnaclha Dios. Aptomjac nic nat Dios aplhena enlhit apquiltomja apquilyasquiyam: Nasoc anco nat actomjac sicpayvam naysicsa siclom yoyam colhejec acyascacmo: Melhneclhejec sat mataa as enlhitaoc sicnaclha coo —nic nat aptomjac Dios. Nasoc anco, appenasquic nic nat Dios aptamjaycam apquillanay aclhamoclhojo asoc lhalhma anco.