NÚMEROS 14:18 - Enhlit Bible

¹⁸ Mepecjecsejec mataa lhip eyanmongsiclha apquiltemaclha enlhitaoc. Avanjec mataa apquimlaycmo. Apmascosquic mataa lhip apquiltemaclha acmasom enlhit najan actemaclha melilyajayquiclho. Apyanmongsaclhec mataa aptemaclha apsilhnanomap apanco enlhit. Eyanmongsiclhac sat lhip apquiltemaclha aptovana ayinyema melyascalhma apquilyapmayc.

NÚMEROS 14:18 Iomraidhean Croise

NEHEMÍAS 9:17

Am nic nat colyacmoc elilyejiclhojo, am nic nat colhenam apquilvalhoc lhip aptamjaycam simpilapquiscama. Cayjec nic nat apquilvalhoc, apquilyacyesa apvisqui apancaoc aptimesquiscama acyimtalhnama, yoyam colhic actajesa enlhitaoc mocjam yoclhilhma Egipto. Am nic nat eyinyavac lhip as ningilyeyjamcaa, ayinyema lhip aptomja Dios apcasicjayquiclha mocjam, aptomja apcamliyam, aptomja apcasicjayo mataa.,

JOB 21:19

Yitne inyicje amyaa: Apquillingamcoc acyanmongayclha apquitquic, ayinyema apquiltemaclha apancaoc apyapmayc — intomjac amyaa. Incaymalhquic apyampayc apquilmapsomcaa colhic acyanmongseclho apquiltemaclha apancaoc.

SALMOS 103:8

Singasicjayo aptomja Visqui ingac najan aptamila. Actamilaycam apvalhoc najan singasicjayclha.

SALMOS 108:4

Avanjec anco singasicjayo lhip, malha acvaycmo nitnoc anco. Avanjec anco singamliyam lhip, malha acvaycmo yipjopay.

SALMOS 109:14

Colhic sat acyanmongseclho acmasom aptemaclha apyeyjamcaa (apyap ningá). Comascosalhquejec sat mataa actemaclha anco inquin ningá.

SALMOS 145:8

Visqui ingac aptomja singasicjayo najan singimlaycmo. Avanjec anco singasicjayo, mepqui appecjescama yoyam elvoc.

SALMOS 78:38

Moc aptemaclha apanco Dios. Aptomja apcasicjayquiclho mocjam. Am nic nat elnapac mocjam. Apmascosquic nic nat apquilsilhnanomap apanco. Apquilasicjaclhec nic nat. Apmiyovquic nic nat colvoc apvalhoc. Am nic nat cotalhca mocjam aplom yoyam elnapoc.

SALMOS 86:15

Lhip eyca Visqui ajac. Aptomja seyasicjayo najan seyimlaycmo. Actamila anco apvalhoc lhip najan aplhanma mepqui apyeycajascaoc.

ÉXODO 20:5

Mongvanquic ongilpayicsojo as asoc. Apvamlha pac Visqui ingac aptomja Dios Apyimtalhnamo aptomja apyimtalhnamo, aptomja apmasmaclha. Eyanmongsiclhac sat apquiltemaclha apquilsilhnanomap apanco ingilyapmayc. Elasquisic sat apyimpeoc apquitquic najan aptovana niptamin ayinyema apquiltanoncama apyapmayc.

ÉXODO 20:6

Ingyimlimojoc sat mataa aplhamoclhojo apquiltomja apquilasicjayo najan apquilyiplovquiscama singanamaclha ayinyema Dios Apyimtalhnamo.

JEREMÍAS 23:2

Dios Visqui apancaoc enlhitaoc Israel, aptomja alhta apquilanya apquilviscaa: Apquilhpancasquic alhta quellhip enlhitaoc apquilyitsomacpo sicnatoscama. Apquilinyajasquic alhta quellhip mepqui apquiltamilquiscama quellhip. Quellhip apquiltomja apquilmapsomcaa. Oyanmongsiclhac sat apquiltemaclha apancaoc. Naso coo sicpayvam sicvisay Dios.

JEREMÍAS 32:18

Lhip aptomja apcasicjayo enlhitaoc najan aptovana cotmongvoycamlha nelha. Najan aptomja apyanmongsayclha apquiltemaclha apancaoc enlhit ayinyema apquiltemaclha apquilyapmayc. Lhip Dios Visqui ingac apyimtalhnamo, acmovan innac lhip apvisay.

LAMENTACIÓNES 5:7

Apquilsilhnanacpec apanco ingilyapmayc ninga, apquilmasquingvocmo. Nincoo eyca ninlingamcoc acyimtalhnama, ayinyema apquilsilhnanomap apanco ningilyeyjamcaa.

JONÁS 4:2

Aptomjac nic nat Jonás apcanya Dios, apquilmalhna: —Lhip Dios Apyimtalhnamo, ingyeylhojo sicpayvam. Eycaso siclhanma siclhoc alhta siyinyemayaclha coo. Inlhenquic alhta evalhoc ongvinyejic sat tingma Tarsis. Acyasamcoc coo, lhip aptemaclha apcasicjayquiclho mocjam, aptemaclha apquimlaycmo, aptemaclha acmasilhte aplom pac. Aptemaclha lhip appayquimquiscama apvalhoc, acvaa inlhojo amyaa apyanmongsayclha lhip apquiltemaclha apancaoc enlhitaoc.

MIQUEAS 7:18

Lhip apvamlha pac lhama Dios Apyimtalhnamo, paj poc. Apcasicjaclhec mocjam lhip apmoscosa nintemaclha acmasom. Inquilvoncacmec lhip ningilinmelhaycam lhip, ningilaymalhca incanit. Ingilasicjaclhec mocjam nincoo, apquilvatesa aptemaclha aplom cotningvoyam nelha.

NÚMEROS 14:17

Quilhvoc ningiltamjoc ongvita actemaclha acyivey apmopvan lhip Dios Apyimtalhnamo. Aptomjac alhta siclho lhip appayvam:

NÚMEROS 23:21

Am coyitnac actemaclha singyinimquiscama nipyesicsa enlhitaoc Israel. Am coyitnac actemaclha acmasom nipyesicsa apquilmolhama Jacob. Aplhalhma mataa Dios Apyimtalhnamo. Apquiltimec apquilayo Visqui apancaoc.

ROMANOS 5:21

Acmovan innac mongilyascalhma. Avanquic mataa colnapoc aplhamoclhojo enlhitaoc apquilyiplovquiscama actemaclha mongilyascalhma. Acmovan najan innac Dios singasicjayo. Actomja singiltimesquiscama ningilpeyvomo napato Dios. Actomja singmescama acyimnatem ingnenyaoc cotmongvoycamlha nelha ayinyema Jesucristo Visqui ingac.

DEUTERONOMIO 5:10

Ingyimlimojoc sat Dios cotmongvoycamlha nelha apyovoclhojo apquiltomja apquilasicjayo najan apquilyiplovquiscama singanamaclha ayinyema Dios.

DEUTERONOMIO 5:9

Mongvanquejec ongilpayicsojo as asoc actemaclha ningayo. Apvamlha pac lhama Visqui ingac Dios aptomja apyimtalhnamo, aptomja apmasmaclha. Eyanmongsiclhac sat apquiltemaclha apquilsilhnanomap apanco ningilyeyjamcaa. Elasquisic sat apyimpeoc apquitquic, najan aptovana niptamin, ayinyema apquiltanoncama ningilyeyjamcaa ingilyapmayc.

DEUTERONOMIO 7:10

Eyanmongsiclhac sat Dios apquiltemaclha apancaoc enlhitaoc apquiltanoncama. Quilhvoc sat eticyoc enlhitaoc apquiltanoncama.

DEUTERONOMIO 7:9

Elyasamcojo quellhip, appeyvomo apanco Dios Apyimtalhnamo. Mepqui apyeycajascaoc mataa aplhanma pacto actemaclha ningmiyovmalhca nincoo najan inquitquic najan intovana cotmongvoycamlha nelha. Ongmiyovalhcac sat ningyiplovquisa inlhojo singanamaclha Dios ningiltomja ningilasicjayo.