NÚMEROS 13:26 - Enhlit Bible

²⁶ Apquilvoctac nic nat apnaclha Moisés najan Aarón najan apquicjingvoycamlha enlhitaoc Israel. Apnam nic nat amyip Cades yoclhilhma actamopeycaoc Parán. Apquiltimnascactac nic nat amyaa apnaclha Moisés najan aplhamoclhojo enlhitaoc Israel. Apquillhicmoscactac nic nat yamit acyilhna ayinyema apquilinyictamlha.

NÚMEROS 13:26 Iomraidhean Croise

GÉNESIS 14:7

Apquiltajingvocmec nic nat apvisqui Quedorlaomer najan apquilviscaa apquillhalhmaa. Apquilvoctac nic nat amyip acvisay En-mispat, moc acvisay Cades. Mepqui apyeycajay mataa nic nat apquilvitaclha apquilaoclha enlhitaoc amalecitas najan apquilaoclha enlhitaoc amorreos. Apquileyvomaclha ilhnic nat yoclhilhma Hazezon-tamar.

SALMOS 29:8

Acyovjeycam lhop (nalhpop) actimesquiscama appayvam yoclhilhma actamopeycaoc. Acyovjeycam lhop (nalhpop) actimesquiscama appayvam yochilhma Cades.

NÚMEROS 13:25

Cuarenta acnim nic nat intomjac apquilvitay asoc apquiltiyaningvaycmo. Natamin apquiltajavoc nic nat mocjam apquilinyemayaclha.

NÚMEROS 13:3

Apnam nic nat yoclhilhma actamopeycaoc acvisay Parán. Apquilapajasquic nic nat enlhitaoc Moisés actemaclha apcanama Dios. Apquilyimtalhnamo ilhnic nat apquiltomjac.

NÚMEROS 20:1

Apquilvocmec nic nat yoclhilhma actamopeycaoc acvisay Zin. Ayenmoclha año ilhnic nat intomjac, lhama piltin. Apquilnaclhec nic nat tingma Cades. Inquitsepmec nic nat maa María, Aarón apyalho. Apquilatoynquic nic nat maa.

NÚMEROS 20:14

Apnam nic nat enlhitaoc Israel tingma Cades. Apcapajasquic nic nat Moisés soycam amyaa apnaclha apvisqui co Edom. Aptomjac nic nat apquilanya, colhic altimnasa apvisqui co Edom: —Lhip nac ingyipma. Ingyeylhojo amyaa ayinyema ningmolhama lhip: Apyasamcoc lhip ninlingaycamco acyimtalhnama nintamin alhta.

NÚMEROS 20:16

Ningilmalhnaquic alhta Dios yoyam jingilpasmoc. Aplingac alhta ningilmalhnancama ningiliclhangveycam. Apcapajasquic nic nat Dios lhama ángel apcasinancama. Ingilyinyovcasquic alhta yoclhilhma Egipto. Ningvaac as tingma Cades, nicja yoclhilhma.

NÚMEROS 32:8

Ningvitac alhta actema nac jay apquilyeyjamcaa, silapajasa alhta Cades-barnea, eltiyaningvomoc sat yoclhilhma cotnajaclha apquilaoclha.

NÚMEROS 32:9

Apquilvocmec alhta vatsam ayitcoc Escol apquiltiyaningvocmo yoclhilhma. Apquillingasquic alhta amyaa apquilvactama. Intiyacmec alhta apquilvalhoc israelitas apquillinga amyaa.

NÚMEROS 33:36

Apquilyinyovquic nic nat Ezión-geber, apquilvocmo Zin, moc acvisay Cades.

DEUTERONOMIO 1:19

Aptomjac nic nat Moisés: —Ningyinyovquic alhta inquilhe Horeb. Ningilpeyvoc alhta inquilhe apquileyvomaclha amorreos. Ningyiplovcasquic alhta singanamaclha Dios. Ningmilanquic alhta acyovoclhojo yoclhilhma actamopeycaoc acmasom, apquilvita alhta quellhip. Ningilvoclhec alhta yoclhilhma Cades-barnea.

DEUTERONOMIO 1:2

Yitnec nic nat amyaa inquilhe acvisay Seir, ajolhec nic nat amay. Colhojoc sat ninlhingam once acnim, nintiyapma inlhojo Horeb acvaycmo Cades-barnea.

JOSUÉ 14:6

Apquilmiyaclhec nic nat tingma Gilgal Judá aptovana, yoyam elpamejitsacpojo Josué. Aptomjac nic nat cenezeo Caleb, Jefone apquitca apcanya Josué: Coyitnam apatic lhip Dios appayvam apcanya Moisés payjoc Cades-barnea, aplhenacpo lhip najan selhanma coo.

JOSUÉ 14:7

Invocmec alhta cuarenta años sictiyascam coo. Eyapajasquic alhta Moisés ningnaycam Cades-barnea, yoyam otyaningvomjoc sat yoclhilhma. Actajavoc alhta mocjam coo. Altimnasquic alhta sicvitay amyaa actomja nasoc anco.