NÚMEROS 12:8 - Enhlit Bible

⁸ Acpamejitcasquic mataa napato, mepqui apquinatquiscama sicpayvam. Yitnec sat ancoc sicpamejitquiscama napato, ¿so actomja yi apquilinmelham quellhip Moisés? — nic nat aptomjac.

NÚMEROS 12:8 Iomraidhean Croise

GÉNESIS 32:30

Apquiltimec nic nat Jacob acvisay as amyip Peniel. Intomjac nic nat apvalhoc: Acvitac coo Dios najato. Am lhac ongvitsepac coo— nic nat intomjac apvalhoc.

SALMOS 17:15

Coo eyca actamila evalhoc. Otac sat lhip napaat. Olhic sat napato lhip natamin siclhaticjay.

SALMOS 49:4

Ongvaylhojoc sat seyascasingvoyam Dios appayvam. Opayvacsic sat arpa siclingascama asoc acyilhamalhca.

ÉXODO 19:19

Inyangvocmec nic nat trompeta acpayvascama. Appamejitcasquic nic nat Moisés. Apcatingmavoc nic nat Dios Apyimtalhnamo, malha quilhtingyavoyam nic nat intomjac.

ÉXODO 20:4

Mongvanquic ongillana quilaycmasquiscama najan ningilyitquiscama asoc acnaycaoc netin najan asoc acnaycaoc nalhpop najan asoc acnaycaoc coning.

ÉXODO 33:11

Appamejitcasquic nic nat Moisés napato Dios, acno appamejitquiscama aptimempoc. Aptajavoc nic nat mocjam tingma pac Moisés. Am nic nat eyinyavac carpa apponquinomap apyimnanic apvisay Josué, Nun apquitca. Aptamjaycamó lhama ilhnic nat Moisés.

ÉXODO 33:19

Apcatingmavoc nic nat Dios: —Gloria siyapongmatem ajanco coyeycajac sat napato lhip. Olngacsic sat sicvisay ajanco Dios. Ongvimlimojoc sat acvamlha aclhanma evalhoc coo. Ongvasicjojoc sat acvamlha aclhanma evalhoc coo.

ÉXODO 33:23

Otajicsojoc sat emic, yoyam jelanojoc netamin coo. Paj lhama enlhit comopvan etac najat — nic nat aptomjac Dios.

ÉXODO 34:30

Apvitac nic nat Aarón najan apnaymacoc actemaclha ayapongmatem napaat Moisés. Apquilacac nic nat siclho, am nic nat elyavectac mataa.

PROVERBIOS 1:6

Ongilyasingvomoc sat apquilpayvam enlhit singiltamsoycaoc najan apquiltemaclha apquiltamilcasomacpo apanco, najan apquilyitquiscama, yoyam ongiltamsalhcac nincoo.

ISAÍAS 40:18

¿Yitne ya lhama asoc ningyesicsa macyitquiscama Dios? ¿So actema quilaycmasquiscama acyitsomalhca Dios?

ISAÍAS 46:5

Aptomjac nic nat mocjam: ¿Soc enlhit apyimtalhnamo, yoyam jelyitquisic quellhip? ¿Soc sat etnejic sicyitsomalhca coo?

EZEQUIEL 17:2

Ilngas sat lhip napatavo israelitas sicpayvam sicyitquiscama coo:

EZEQUIEL 20:49

Ayatingmavoc alhta coo: Lhip Visqui ingac, melyasingvomejec sat enlhit siclingascama lhip appayvam, apquilanem acvisay amyaa acyilhamalhca — alhta actomjac coo.

OSEAS 12:13

Apcapajasquic nic nat Dios Apyimtalhnamo lhama profeta, apyinyovquiscama yoclhilhma Egipto apquilmolhama Israel. Apcapajasquic nic nat Dios Apyimtalhnamo profeta, colhic altamilquisa apquilmolhama Israel.

NÚMEROS 14:14

Ellingac sat amyaa apquiltomjac apquilaoclha as yoclhilhma. Apquillingac alhta actemaclha apna lhip Dios ningyesicsa. Ningvitac alhta nincoo lhip napaat. Apquilvitac alhta actemaclha yipjopay ayimja tecjinlhit nincoo. Apquinimcasquic alhta yipjopay ingmamyi yoyam jingnalaclha acnim anco. Malha talha actotseycaoc ingmamyi alhta intomjac alhtaa.

NÚMEROS 7:89

Aptalhnec nic nat Moisés congne carpa tingma, yoyam epamejitsic Dios, ayinyema appayvam netin yamit aysicsic acyitnamaclha Dios appayvam, payjoc quilaycmasquiscama acma alhimpancoc.

SAN MATEO 13:35

Invocmec nelha Dios appayvam aplhanma ilhnic nat profeta Dios aplingascama: Oltimnasam sat amyaa actemaclha sicyitquiscama. Oltimnasam sat asoc acyilhomalhca ayenmo siclhoc anco apquillaneya Dios as nalhpop —nic nat intomjac aplhanma.

SAN LUCAS 10:16

“Injalhnalhcoc ancoc apquilpayvam quellhip, acno acjalhnomalhco coo lha sicpayvam. Apquilvanacpec ancoc quellhip, acno sicvanamalhca coo lha. Acvanalhquic ancoc coo, apvanacpec najan Ingyapam aptomja seyapajascama coo —alhta aptomjac.

SAN JUAN 1:18

Am nic nat etamacpoc Dios Ingyapam acvocmo ningvamlha nac jay. Apvamlha pac lhama Apquitca aptomja apyipitcayo Apyap, aptomja singillhicmoscama aptemaclha apanco Dios Ingyapam —alhta aptomjac Juan.

SAN JUAN 15:15

Jave quellhip selancam, ayinyemaclha am eyasamcoc mataa apquilancam yoyam ellanac apvisqui pac. Altimec coo quellhip enaymacoc, ayinyemaclha acyascasingvocmec quellhip aclhamoclhojo asoc siclingay ayinyema coo Tata.

SAN JUAN 15:24

Am alhta copvanac poc enlhit ellanac aptamjaycam sinpilapquiscama. Am alhta ancoc ollanac coo sictamjaycam sinpilapquiscama, colhenalhquejec alhta melyascalhma apancaoc. Apquilvita eyca as enlhitaoc aclhamoclhojo asoc. Actanovalhquic coo, aptanovacpec najan coo Tata nipyesicsa as enlhitaoc.

1 CORINTIOS 13:12

Am ongilyasingvocmoc mocjam asoc yoyam colvac sat. Malha asoc ningvitay laneyo intalhamavo quilhvo nac jay. Covac sat acnim yoyam ongvitac sat ningato. Acyasingvocmec quilhvo nac jay anit asoc. Covac sat acnim yoyam oyasingvomoc aclhamoclhojo actemaclha, acno seyicpilquemo mataa Dios.

2 CORINTIOS 3:18

Nincoo ninlhamoclhojo, am coyitnac ninglalascama ningaat apava. Yitnec mataa ningaat ayitsayolhma apanco Visqui ingac. Malha laneyo intalhamavo intomjac ningaat. Invitalhquic ningaat acyitna ayitsayolhma ayinyema Visqui ingac. Ongilinmalhingvoclhac sat nincoo aptemaclha Cristo. Inyangvocmec mataa ayitsayolhma apanco, inyangvocmec najan ayapongmatem ningaat. Eycaso aptimesquiscama Dios Visqui ingac ayinyema Espíritu apanco.

DEUTERONOMIO 18:15

Ingyanic sat Dios, elhic sat lhama profeta sicno coo nipyesicsa quellhip, ellaylhojo sat mataa appayvam.

DEUTERONOMIO 34:10

Naso, am nic nat etacpoc poc profeta Dios aplingascama nipyesicsa enlhitaoc Israel. Apvamlha ilhnic nat Moisés appamejitsacpo napato Dios Apyimtalhnamo.

DEUTERONOMIO 4:15

Inlingalhquic alhta appayvam Dios naysicsa talha acvanyam netin inquilhe acvinatem Horeb. Am elvitayac quellhip Dios apyovoclhojo. Elavojo quellhip, noelquinatquis nasa quellhip.

DEUTERONOMIO 5:8

Mongvanquejec ongillana quilaycmasquiscama najan ningilyitquiscama asoc acnaycaoc netin najan asoc acnaycaoc nalhpop najan asoc acnaycaoc nayingmin.

COLOSENSES 1:15

Dios aptomja mongvitay nincoo. Apvaac alhta Apquitca yoyam ongvita aptomja apno Apyap. Apnec nic nat Apquitca apmaclha Apyap siclhoc anco, amamyi apquillanay aclhamoclhojo asoc.

1 TESALONICENSES 4:8

Nintovasquic sat ancoc as appayvam, cotnaja nintovascama enlhit, nintovasquic eyca Dios. Ayinyemaclha ingilmesquic alhta Espíritu Santo.

1 TIMOTEO 6:16

Aptomja apvamlha pac lhama mengyitsepma. Aptomja apma naysicsa ayitsayolhma, mongvanquejec ontiyaningvomjo. Am nic nat etamacpoc Dios. Paj lhama enlhit apcopvanco etac. Apmopvan innac Dios najan mayayo cotmongvoycamlha nelha. Amén.

HEBREOS 1:1

Appamejitcasquic nic nat mataa Dios aclhamoclhojo actemaclha. Appamejitcasquic nic nat Dios profeta yoyam ellingacsic appayvam nipyesicsa ningilyeyjamcaa.

HEBREOS 1:3

Apquitca aptomja malha laneyo intalhamavo yoyam ongvita gloria ayitsayolhma apanco Dios. Innoc moc aptemaclha Apquitca najan aptemaclha Dios. Acmovan innac appayvam Apquitca, aptomja apcanama aclhamoclhojo asoc netin najan nalhpop. Apquitca ayinyema yoyam colmascosalhca mongilyascalhma. Quilhvoc apna netin apnaclha Dios apyimtalhnamo, napocja actamilaclha.

2 SAN PEDRO 2:10

Eyanmongsiclhac sat Dios apquilyiplovquiscama ayitsepma apnenyaoc. Najan apquiltomja apquilvinéycam poc apquiltomja apquilyimtalhnamo. Ayinyemaclha apquiltomja apquilyimtalhnesomacpo apanco najan apquiltamongvayclholhma apquilpayvam. Am najan elacac asoc alyimtalhnamo netin yoyam elvinam.

SAN JUDAS 1:8

Inlhamoc mataa actemaclha allheneycam apquilvalhoc as enlhitaoc, malha ingilvanmesaycam. Apquiltovascama apanco apyovoclhojo ayinyema apquilanatama as enlhitaoc. Apquilvinéycam mataa Visqui ingac aptomja apyimtalhnamo. Apnatovasoc mataa apquilasinancama ayinyema netin, am nic nat elhnoc aptemaclha Miguel aptomja ángeles apvisqui apancaoc.