NÚMEROS 11:16 - Enhlit Bible

¹⁶ Apcatingmavoc nic nat Dios: —Ingyansiclha sat lhip setenta apquilvanyam mayayo, apquiltomja apquilyimtalhnamo nipyesicsa enlhitaoc. Inalanta sat carpa apponquinomap, jelalh sat coo.

NÚMEROS 11:16 Iomraidhean Croise

GÉNESIS 46:27

Apcanit apquitquic nic nat José, aptiyaycamlha ilhnic nat Egipto. Apvocmec nic nat apmolhama Jacob 70 aptovana apnaycam yoclhilhma Egipto.

ÉXODO 18:25

Apquilyacyesquic nic nat apnaymacoc apquilvascapma. Apquinimcasquic nic nat mataa apmamyi elapajacsic 1000 apnaymacoc; poc mataa elapajacsic 100 apnaymacoc. Poc mataa elapajacsic 50 apnaymacoc. Poc mataa 10 apnaymacoc.

ÉXODO 24:1

Aptomjac nic nat Dios apcanya Moisés: —Ivota sat sicnaclha. Itne sat aplhalhma Aarón najan Nadab najan Abiú najan setenta apquilviscaa enlhitaoc Israel. Elilpolinta sat nalhpop apquilamquitvoclho sat.

ÉXODO 24:9

Apquinamtec nic nat netin inquilhe Moisés najan Aarón najan Nadab najan Abiú najan setenta apquilviscaa enlhitaoc Israel.

ÉXODO 4:29

Apquilmiyaclhec nic nat apcanit apnamcaclha apquilvanyam mayayo israelitas.

JEREMÍAS 19:1

Aptomjac alhta Dios Apyimtalhnamo seyanya coo: Ilhing siclho, iyanmonquis sat lhama valhva apquillanomap yelpa. Ingyansiclha sat apcanit apquilvanyam najan apcanit sacerdotes apquilvanyam.

EZEQUIEL 8:11

Apcanam payjoc maa setenta apquilvanyam mayayo. Yitnec apquilmaycam asoc acpayjem alvatnamalhquilha asoc acmasis, actiyapma etin as asoc payjem. Lhama alhta apvisay Jaazanías, Safán apquitca.

NÚMEROS 11:24

Apquiltimnasquic nic nat Moisés amyaa ayinyema Dios napatavo enlhitaoc. Apcansaclhec nic nat setenta apquilvanyam mayayo, ingyaniclhac sat nipyava carpa apponquinomap.

NÚMEROS 16:25

Apquinmaclhec nic nat netin Moisés, apnalaclho apquilvanyam mayayo, apquilmiyaclho apnaclha Datán najan Abiram.

SAN LUCAS 10:1

Natamin alhta apquilyacyesa Visqui ingac mocjam setenta apquiltamsoycaoc. Apquilapajasquic alhta moc apcanita. Apquilapajasquic alhta natingma lhalhma anco yavamlha eyacsic.

SAN LUCAS 10:17

Apquilvoctac alhta mocjam setenta apquiltamsoycaoc. Inquilpayjeclhec alhta apquilvalhoc, apquilpamejitsa: —Visqui, ingilyajaclhoc najan maa somquic quilyicjamo ayinyema lhip apvisay —alhta apquiltomjac.

DEUTERONOMIO 1:15

Alyacyesquic alhta enlhit apquilyascamco apquilinyema moclhama apquilmolhama quellhip. Actimescasquic alhta mayayo yatapquilviscaa nipyesicsa quellhip: Lhama yatapvisqui, yoyam elanic mataa mil apnaymacoc; poc mataa yoyam elanic cien apnaymacoc: poc mataa yoyam elanic cincuenta apnaymacoc: poc mataa yoyam elanic diez apnaymacoc. Poc mataa eltimjic mayayo yatapquilviscaa doce tribus apquilmolhama.

DEUTERONOMIO 16:18

Eltingya sat quellhip enlhit apquilyicpilquemo najan enlhit mayayo, apnaycam tingma apquilvanyam moclhama tribu apquilmolhama, eltimjic sat apquilyicpilquemo apquilpeyvomo.

DEUTERONOMIO 31:28

Elansiclhac sat apquilvanyam najan apquilyimtalhnamo apquilmolhama. Olngacsic sat as amyaa naysicsa siclhanma acvisay netin najan acvisay nalhpop, actomja acvitaycamco.