NÚMEROS 10:9 - Enhlit Bible

⁹ Apquilvitac sat ancoc quellhip, yoyam elimpocjac cotnaja ingmoc nipyesicsa quellhip. Elpayvas sat trompetas acyiplomo apquilpalhamaycam acyimnatem naysicsa apquilnapomap quellhip. Olngac sat coo sicvisay Dios olvomsic sat tap quellhip.

NÚMEROS 10:9 Iomraidhean Croise

GÉNESIS 8:1

Inlhanvocmec nic nat apvalhoc Dios Apyimtalhnamo apmolhama Noé najan aclhamoclhojo asoc alyinatem congne barca yamit aysicsic. Aptimescasquic nic nat alhcajayam Dios Apyimtalhnamo. Invayventac nic nat netin yingmin.

2 CRÓNICAS 13:12

Elyasamcojo quellhip, Dios aptomja singnalayclha naysicsa ningilimpocjay, najan sacerdotes, yoyam elpayvacsic trompetas naysicsa ningilimpocjay nipyesicsa quellhip. ¡Quellhip israelitas, noelinmelham nasa, noelnapap nasa Dios aptomja Visqui apancaoc apquilyeyjamcaa quellhip, meltimjic sat apquilyimnatem! — nic nat aptomjac Abiam.

2 CRÓNICAS 13:14

Pilapcasquic nic nat co Judá apquilvita payjoc apcapaoc apquilimpocjay co Israel, najan napatavo maa apquilimpocjay co Israel. Yejemoc nic nat apquilyimnatesa apquilpayvam, elilmalhna Dios Visqui apancaoc, yoyam epasmoc. Apquilpayvasquic nic nat trompetas sacerdotes co Judá.

SALMOS 106:4

Visqui ajac. Coyasingvoclhojo apvalhoc coo sicvisay. Naysicsa apcamliyam lhip apnaymacoc (apquilyacyescama). Naysicsa appasmom lhip apnaymacoc, jepasim coo lha.

SALMOS 106:42

Apquilinmelham nic nat mataa metnaja apnaymacoc. Apquililyajaclhoc nic nat mataa napatavo metnaja apnaymacoc.

SALMOS 136:23

Am nic nat colvoncacmoc singvita ninlingaycamco. Comasquejec mataa singasicjayo Visqui ingac.

ISAÍAS 18:3

Quellhip enlhitaoc apquileyvam as nalhpop, elvitac sat quellhip asoc monquinatquiscama netin inquilhe, elngac sat quellhip trompeta apquilpayvascama.

ISAÍAS 58:1

Aptomjac alhta Visqui ingac seyanya coo: ¡Iyimnaticsojo lhip appayvam! ¡Ilhnasojo sat lhip appayvam trompeta appayvascama! ¡Iltimnasiclhojo sat apquiltemaclha apquilsilhnanomap apanco enlhit ajancaoc israelitas, Jacob aptovana niptamin!

JEREMÍAS 4:19

Aptomjac nic nat profeta: ¡Asquejec evalhoc coo! ¡Avanjec aclingaycamco evalhoc! ¡Intamjam evalhoc coo, movanquejec mepqui siclingascama amyaa simpilapquiscama! Aclingac coo apquilpayvascama trompeta, najan apquilpalhamaycam naysicsa apquilimpocjay.

JEREMÍAS 4:21

Acvitac coo bandera cotnaja ingmoc, aclingac coo trompeta apquilpayvascama. ¿Co sat acvam comascoc silaneyo?

JEREMÍAS 4:5

Ellingas sat as amyaa natingma Jerusalén najan nipyesicsa apquilmolhama Judá. Elpayvas sat trompeta yoclhilhma lhalhma anco. Elyimnaticsojo apquilpayvam: ¡Noc! ¡Onganiclhac sat maa! ¡Payjoc tingma apquilyimnatem (apquilyilhanmomaclha) singilpilhtetemo! — sat eltimjic.

JEREMÍAS 49:2

Naso coo sicpayvam: Incovac sat acnim apquilimpocjay cotnaja ingmoc tingma Rabá, apnamcaclha amonitas. Colngalhcac sat apquilpalhamaycam ayinyema apquilay. Etvasacpoc sat tingma apyovoclhojo, elmetic sat enhitaoc. Elmiclhac sat mocjam israelitas tingma apquilvanyam apancaoc — alhta aptomjac.

JEREMÍAS 6:1

¡Quellhip apquilmolhama Benjamín, elinyajaoc sat quilhvo, elyinyov sat tingma Jerusalén! ¡Elpayvas sat trompeta payjoc Tecoa! ¡Ellana sat asoc monquinatquiscama payjoc Bet-haquerem! ¡Apquililhyacmec singiltovascama najan singilimpocjay payjoc nilhqueyja!

JEREMÍAS 6:17

Apquilanyacpec alhta enlhit apquiltamilquiscama, apcanama Dios Apyimtalhnamo. Aptomjac alhta apquilanya apyovoclhojo enlhitaoc: Elaylhojo quellhip apquilpayvascama, actomja monquinatquiscama — alhta aptomjac Dios Visqui ingac. Apquilatingmavoc mataa quellhip: Paj, am ontimjic ma — apquiltomjac quellhip.

EZEQUIEL 7:14

Colngalhcac sat apquilpayvascama trompeta, yoyam elimpocjac cotnaja ingmoc. Yitne inyicje apquilmaycam, paj eyca elpasmac apquilimpocjay. Oyanmongsiclhac sat apquiltemaclha apancaoc apquilyimtalhnesomacpo israelitas.

OSEAS 5:8

Aptomjac alhta Dios Apyimtalhnamo apquilanya: ¡Elpayvas sat trompeta tingma Gabaa! ¡Elpayvas sat trompeta tingma Ramá! ¡Elpayvas amyaa tingma Bet-aven! ¡Cotyamoc sat apquilvalhoc apquilmolhama Benjamín!

LEVÍTICO 23:24

Iltimnas sat lhip sicpayvam napatavo israelitas: Primer acnim, najan piltin séptimo ingyaniclha sat quellhip, cotnejic fiesta santa acvisay apquilpayvascama trompetas.

AMÓS 3:6

Pilapcasquic enlhitaoc natingma, apquillinga inlhojo appayvascama trompeta. Apquillingamcoc acmasom enlhit natingma, ayinyema apcapajascama Dios Apyimtalhnamo.

SOFONÍAS 1:16

Colngalhcac sat trompeta apquilpayvascama najan apquilpalhamaycam, yoyam elimpocjac tingma apquilvanyam najan tingma nitno.

NÚMEROS 31:6

Apcapajasquic nic nat Moisés apvisqui apancaoc Finees, sacerdote Eleazar apquitca. Apsovquic nic nat Finees apquilmaycam alponquinomalhca najan trompetas, elpayvacsic sat, yavamlha elimpocjac.

1 CORINTIOS 14:8

Apquilpayvasquic mataa trompeta apquilpayvascama amamyi apquilnapomap. Am sat ancoc cotamilac acpáyvam trompeta, melyasamquejec sat singilpilhtetemo yoyam elimpiclha.

DEUTERONOMIO 20:1

Apquilimpocjac sat ancoc quellhip nipyesicsa cotnaja ingmoc, apquilvita inlhojo appintalhnama nolhing apcapaoc najan carros de guerra, am elhno quellhip. Noela nasa quellhip, epasmoc sat Dios apyinyovquiscama nat yoclhilhma Egipto quellhip.

JOSUÉ 6:5

Apquillingac sat ancoc apquilpayvascama acvoncaclhojo, elyimnaticsojo sat apquilpalhamaycam. Coyaninic sat mataymong apjalhtam tingma. Elantilh sat moclhama quellhip acpayjo apquinmamcaclha — nic nat aptomjac Dios.

JUECES 10:12

najan sidonios, najan amalecitas, najan madianitas. Aljalhnoc alhta mataa selmalhnaycam quellhip, sicvomquiscama tap quellhip.

JUECES 10:8

Avanjec nic nat apquillingaycamco israelitas apquilinmelhaycam filisteos najan amonitas, acvaycmo dieciocho años. Apquileyvec nic nat israelitas tingma Galaad, payjoc tap vatsam Jordán apquileyvomaclha amorreos.

JUECES 2:18

Dios nic nat apquilyacyescama enlhit mayayo, appasmec nic nat mataa, yoyam elvomsic tap apnaymacoc israelitas nipyesicsa cotnaja ingmoc. Apquimjapasquic nic nat apvalhoc Dios apvita inlhojo apquillingaycamco acyimtalhnama.

JUECES 3:27

Apvoclhec nic nat mocjam nipyesicsa apnaymacoc israelitas. Appayvasquic nic nat trompeta appayvascama ingyansiclha apnaymacoc israelitas inquilhe alvinatem Efraín. Apcaneclhec nic nat apyovoclhojo apquilyiplayclho Aod aplhingam apmamyi.

JUECES 6:34

Aplhocac nic nat apmopvan Gedeón, ayinyema espíritu apanco Dios. Appayvasquic nic nat nipquesic apquipetic, malha trompeta. Apcansaclhec nic nat apquilmolhama clan Abiezer.

JUECES 6:9

Acvomcasquic alhta tap quellhip napatavo co Egipto najan napatavo poc apquilinmelhaycam. Alantipcasquic alhta coo actomja apquilaoclha. Apquillhocac alhta quellhip as yoclhilhma apquilyamasma.

1 SAMUEL 10:18

Aptomjac nic nat profeta Samuel apquilanya: —Eycaso appayvam Dios Apvisqui apancaoc enlhitaoc Israel: —Quellhip enlhitaoc Israel. Acyinyovcasquic alhta quellhip yoclhilhma Egipto. Acvomcasquic alhta tap quellhip nipyesicsa co Egipto najan poc apquilviscaa cotnaja ingmoc.