NÚMEROS 1:53 - Enhlit Bible

⁵³ Elhnam sat mataa levitas nipyava carpa apponquinomap, eltamilsic sat maa, yoyam melsilhnanacpejec apnaymacoc ayinyema aplom pac Dios Visqui ingac.

NÚMEROS 1:53 Iomraidhean Croise

1 CRÓNICAS 23:32

Apquilanyacpec nic nat levitas eltimesam carpa apponquinomap najan tingma apponquinomap, apquilpasmeyquiclha apquilmolhama Aarón aptovana niptamin.

2 CRÓNICAS 13:10

Paj nincoo ongyinyavac mataa Dios Visqui ingac apyimtalhnamo. Nasoc anco Aarón aptovana niptamin sacerdotes apquiltimesaycam Visqui ingac apquiltomja ningilmolhama najan maa levitas apquiltimesaycam Visqui ingac.

2 CRÓNICAS 13:11

Yitnec mataa alhtoo najan actalhnam apquiltamjaycam napato Visqui ingac. Apquilnapquic mataa apnatoscama macmescama Dios acyanmongam mongilyascalhma najan moc asoc apquilvatnama actomja macmescama Dios. Apninquinquic mataa netin mesa pan apponquinomap. Apcalevasquic mataa calevascama acvisay alapongmateyquiclha allanomalhca oro. Ninsovjoc mataa nincoo ningyiplovquiscama singanamaclha Dios Visqui ingac, quellhip eyca apquilyamasma Dios Visqui ingac.

JEREMÍAS 23:15

Eycaso sicpayvam sicvisay Visqui sicyimtalhnamo, silanya profetas: Olmecsic sat asoc acmasca najan veneno ayingmenic, yoyam elyinamcoc. Apquiltemaclha profetas co Jerusalén, apquilsilhnanoncama apyovoclhojo enlhit as apquileyvomaclha — alhta aptomjac.

JEREMÍAS 5:31

Avanjec mataa apquilmopvan amyaa profetas. Apquiltingyac asoc apancaoc sacerdotes. ¡Apquilyispaquic mataa enlhit ajancaoc actema nac jay! ¿Co laa eltimjic sat quellhip actamongvamlha nelha acnim? — alhta aptomjac Visqui ingac.

LEVÍTICO 10:6

Aptomjac nic nat Moisés apquilanya Aarón, najan apquitquic Eleazar najan Itamar: —Elalhnas sat apva apyitsicsaoc, noelyapit nac apava apquilantalhnama ayinyema acmayovsa apquilvalhoc. Eticyoc sat quellhip lha, elingamcojoc sat apyovoclhojo enlhitaoc apyanmongsayclha Dios apquiltemaclha apancaoc. Eliclhangvomoc sat apnaymacoc, apquilvita inlhojo apyanmongsayclha Dios apquiltemaclha apquiltsepma.

NÚMEROS 1:50

Ilane sat levitas eltimesam carpa apponquinomap najan eltamilsic acyovoclhojo apquilmaycam congne carpa apponquinomap. Elpatmaoclhac sat mataa apquilmaycam najan apyovoclhojo carpa apponquinomap. Incaymalhquic ellanac mataa aplhanaoc tingma nipyava tingma apponquinomap.

NÚMEROS 1:54

Apquilyajaclhoc nic nat enlhitaoc Israel apquilyiplovquisa apcanamaclha Moisés ayinyema Dios.

NÚMEROS 16:46

Aptomjac nic nat Moisés apcanya Aarón: —Itingya sat apquilmaycam acpayjem, najan atilh avalhoc, najan asoc acmasis netin atilh. Ipeyvojo sat nipyesicsa enlhitaoc apquinmamcaclha. Ilmalhna sat Dios, yoyam ingyasicjiclhojo mocjam as enlhitaoc. Invoctac mocjam apyanmongsayclha Dios apquiltemaclha apancaoc enlhit — nic nat aptomjac.

NÚMEROS 16:9

¿Innatjavo ya apquilvalhoc quellhip napato Dios, aptomja apquilyacyescama quellhip yoyam eltimesam carpa apponquinomap, colhojoc apquiltimesaycam enlhitaoc Israel?

NÚMEROS 17:7

Apninquinquic nic nat Moisés yamit ayitcoc payjoc yamit aysicsic acyitnamaclha Dios appayvam.

NÚMEROS 2:17

Campamento Leví elimjamcoc sat apquilsovm carpa apponquinomap. Niptamin campamento Leví elimjamcoc sat dos campamentos apquilsovm bandera apancaoc.

NÚMEROS 3:23

Campamento apancaoc nic nat nicja carpa apponquinomap, payjoc actalhningvamlha acnim.

NÚMEROS 3:29

Yitnec nic nat campamento apancaoc nicja carpa apponquinomap, payjoc nipiyam.

NÚMEROS 3:35

Yitnec nic nat campamento apancaoc nicja carpa apponquinomap, payjoc nilhqueyja. Apvisqui apancaoc nic nat Zuriel, Abihail apquitca.

NÚMEROS 3:38

Campamento apancaoc Moisés najan Aarón najan Aarón apquitquic nic nat amamyi carpa apponquinomap, payjoc actiyapmaclha acnim. Apquiltimesam nic nat congne carpa apponquinomap apquileyvomaclha israelitas. Apvitacpec sat ancoc sacerdote metnaja apcanyomap etnesam, ematong sat.

NÚMEROS 31:30

Conyemac sat apquillhoy enlhit apnaycam tingma: lhama mataa emyoc aptoscama, apvita inlhojo cincuenta vayqui, najan yamelyeyjaycoc, najan nipquesic, najan enlhit apquilmomap. Colhic sat acnalaclho apnaclha levitas apquiltimesaycam carpa apponquinomap — nic nat aptomjac Dios.

NÚMEROS 31:47

Apmiyovquic nic nat Moisés mataa lhama enlhit (quilvana) apmomap, najan lhama aptoscama acmomalhca, apvita inlhojo cincuenta. Innec nic nat acnalaclho apnaclha levitas apquiltimesaycam carpa apponquinomap, acno apcanama siclho Dios.

NÚMEROS 8:19

Alyacyesquic coo levitas nipyesicsa israelitas, etnejic apvisqui apancaoc Aarón najan apquitquic, jeltimesam sat mataa congne carpa apponquinomap, mepqui apquilpalhcomap israelitas. Colhic sat ayasicjayquiclha mocjam apyovoclhojo israelitas napato Dios. Colapvanquejec israelitas elantilhic carpa apponquinomap, ellingamcojoc sat acmasom — nic nat aptomjac Dios.

2 TIMOTEO 4:2

Illhicmos sat lhip tasic amyaa. Ilinlhanmojo sat apquiltimnascama naysicsa apquiljalhenmo enlhitaoc najan naysicsa meljalhenmo. Illhicmos sat yoyam melyascamejec enlhitaoc. Ipeyvescasiclha sat apquiltemaclha najan iyascasingvom enlhitaoc najan ilpamejitsacpojo. Ilinlhanmojo sat apquillhicmoscama acvamlha apmopvan.

1 SAMUEL 6:19

Am nic nat eltamilcasac asoc ayamosilha napocja enlhit. Apvitac nic nat Dios Apyimtalhnamo. Apticyovquic nic nat setenta enlhit tingma Bet-semes. Apquilyapcalhquic nic nat apyovoclhojo tingma, ayinyema apyanmongsayclha Dios apquiltemaclha apancaoc.