NÚMEROS 1:50 - Enhlit Bible

⁵⁰ Ilane sat levitas eltimesam carpa apponquinomap najan eltamilsic acyovoclhojo apquilmaycam congne carpa apponquinomap. Elpatmaoclhac sat mataa apquilmaycam najan apyovoclhojo carpa apponquinomap. Incaymalhquic ellanac mataa aplhanaoc tingma nipyava tingma apponquinomap.

NÚMEROS 1:50 Iomraidhean Croise

2 CRÓNICAS 24:6

Aptomjac nic nat apvisqui rey apcanya apquimja apmamyi sacerdote: — ¿So actomja yi, melapajasa nac lhip, colhic altimnasa levitas co Judá najan co Jerusalén, yoyam elansiclha solyayem contribución, apcanama ilhnic nat Moisés Dios apquilancam najan apyovoclhojo apquilmolhama Israel, yoyam elansiclha, colhic allanayclha carpa apponquinomap?

NEHEMÍAS 12:22

Naysicsa apquiltimem apquilviscaa sacerdotes Eliasib, Joiada, Johanán najan Jadúa, acvaycmo aptimem apvisqui Darío co Persia. Innec alhta acnatalhesa apquilvisay apquilviscaa levitas najan sacerdotes.

NEHEMÍAS 12:47

Naysicsa aptiyascam alhta Zorobabel najan aptiyascam Nehemías, apquillhoca nintom ayinyema israelitas, yoyam eltovamcoc enlhit apquilminaycmascama najan apquiltamilquiscama tingma apatnaoc. Apquillhocac alhta mataa levitas, apquilmilasictem alhta nipyesicsa sacerdotes, Aarón aptovana niptamin.

NEHEMÍAS 12:8

Apquilvisay levitas: Josué, Binuy, Cadmiel, Serebías, Judá najan Matanías. Aptomja alhta aplhinquiscama apquilminaycmascama apnaymacoc,

NEHEMÍAS 13:22

Altimnasquic alhta levitas, yoyam ellaniclhac apquilvalhoc, yoyam eltamilsic tingma apatnaoc acnim ninnayclha, cotnejic sat acnim acponquinomalhca. ¡Lhip Dios Visqui ajac. Noncolvonquim nasa sictomjaclha coo. Aptasi nac lhip aptomja mataa seyasicjayo! — alhta actomjac coo.

NEHEMÍAS 13:5

Apcanyacpec alhta elhic Tobías aplhancoc acvanyam tingma apponquinomap, payjoc acyitnamaclha asoc macmescama Dios, najan asoc acmasic yoyam colhic alvatna, najan apquilmaycam, najan trigo apactic acvisay el diezmo, najan uva ayingmenic najan aceite, yoyam ellhovamcoc levitas, apquilminaycmascama najan apquiltamilquiscama atong, najan asoc, yoyam ellhovamcoc sacerdotes.

SALMOS 122:4

Apquilmiyaclhec alhta maa aplhamoclhojo enlhitaoc Israel. Yoyam eltimjic apquilayo Visqui ingac. Eycaso ayinyema apquilanyomap eltimjic enlhitaoc Israel.

ÉXODO 31:18

Appenasquic nic nat Dios appamejitquiscama Moisés netin inquilhe acvinatem. Aplhocac nic nat Moisés anit mataymong nicja actalhesamalhca. Dios Visqui ingac nic nat aptalhescama singanamaclha appayvam.

ÉXODO 38:21

Apnec nic nat Moisés, najan Itamar, sacerdote Aarón apquitca, najan levitas. Apquilanyacpec nic nat levitas elyipsitic acyovoclhojo metales (oro, plata y bronce) apquilanomap carpa santuario apponquinomap.

NÚMEROS 1:53

Elhnam sat mataa levitas nipyava carpa apponquinomap, eltamilsic sat maa, yoyam melsilhnanacpejec apnaymacoc ayinyema aplom pac Dios Visqui ingac.

NÚMEROS 10:21

Niptamin nic nat apquillhinga Coat aptovana, apquilsoycam najan apquilpatmaoclha apquilmaycam alponquinomalhca. Moc apquilvoycamlha apquilvita mataa carpa apponquinomap apquilanomap, apninquina congne apquilmaycam.

NÚMEROS 17:7

Apninquinquic nic nat Moisés yamit ayitcoc payjoc yamit aysicsic acyitnamaclha Dios appayvam.

NÚMEROS 18:5

Quellhip apquiltomja apquilyacyesomap eltimesam congne carpa apponquinomap najan acyitnamaclha altar apquilvatnamaclha asoc. Moyanmongsiclhejec sat coo apquiltemaclha israelitas, elavojoc sat sictemaclha sicmasma coo.

NÚMEROS 2:17

Campamento Leví elimjamcoc sat apquilsovm carpa apponquinomap. Niptamin campamento Leví elimjamcoc sat dos campamentos apquilsovm bandera apancaoc.

NÚMEROS 20:11

Apmiyaseclhec nic nat netin yamit Moisés. Apticpamquic nic nat anit as mataymong. Intipquic nic nat acyivey yingmin. Apquilyinamquic nic nat apyovoclhojo, najan maa apnatoscama.

NÚMEROS 4:15

Elpenacsojoc sat apquilalascama apquilmaycam Aarón najan apquitquic, elsavojoc sat asoc, yoyam elimpiclhac sat mocjam. Apquilanyacpec Coat aptovana elmiyantac apnaclha Aarón, yoyam elpatmaoclha sat as asoc alalomalhca. Colapvanquejec elmongvomoc lhama asoc acponquinomalhca, elitsapoc sat quilhvo. Apquiltimesaycam Coat apquilmolhama yoyam elpatmaoclhac sat apyovoclhojo carpa apponquinomap najan apquilmaycam.

NÚMEROS 4:3

Colhic sat acnatalhesa apquilvisay, acyitna inlhojo 30 años aptiyascam acvaycmo 50 años aptiyascam enlhit. Apquilanyacpec eltimesam sat carpa apponquinomap.

NÚMEROS 8:19

Alyacyesquic coo levitas nipyesicsa israelitas, etnejic apvisqui apancaoc Aarón najan apquitquic, jeltimesam sat mataa congne carpa apponquinomap, mepqui apquilpalhcomap israelitas. Colhic sat ayasicjayquiclha mocjam apyovoclhojo israelitas napato Dios. Colapvanquejec israelitas elantilhic carpa apponquinomap, ellingamcojoc sat acmasom — nic nat aptomjac Dios.

NÚMEROS 8:20

Apsovjoc nic nat Moisés najan Aarón najan israelitas apcanama siclho Dios apquillhenacpo levitas.

NÚMEROS 8:22

Natamin nic nat apquilmiyaclho moclhama levitas, yoyam eltimesam congne carpa apponquinomap, acno apquilanyomap eltimjic. Apvisqui apancaoc nic nat Aarón najan apquitquic. Acno apcanama siclho Dios apnaclha Moisés, eltimjic apquilponquinomap levitas.

EL APOCALIPSIS 15:5

Natamin acvitac coo netin acmayjeclho tingma apponquinomap, acyitnamaclha singanamaclha Dios.