NÚMEROS 1:4 - Enhlit Bible

⁴ Epasmoc sat mataa apquilyap familia moclhama apquilmolhama tribu.

NÚMEROS 1:4 Iomraidhean Croise

1 REYES 8:1

Apnec nic nat tingma Jerusalén apvisqui Salomón. Apcansaclhec nic nat aplhamoclhojo apquilimja apmamyi najan apquilviscaa moclhama apquilmolhama nipyesicsa enlhitaoc Israel. Apquiltamjoc nic nat elvoclhac yamit aysicsic acyitnamaclha Dios appayvam. Inyitnec nic nat David tingma pac, moc apvisay tingma Jerusalén.

ÉXODO 18:21

Ilyacyes sat nipyesicsa apnaymacoc enlhit apquilvascapma, apquiltomja apquilayo Dios Apyimtalhnamo. Apquiltomja apquilpeyvomo mepqui apquilyeycajascaoc apquillhanma. Itnimquis sat mataa apmamyi elapajacsic 1000 apnaymacoc. Poc mataa elapajacsic 100 apnaymacoc. Poc mataa elapajacsic 50 apnaymacoc. Poc mataa elapajacsic 10 apnaymacoc.

ÉXODO 18:25

Apquilyacyesquic nic nat apnaymacoc apquilvascapma. Apquinimcasquic nic nat mataa apmamyi elapajacsic 1000 apnaymacoc; poc mataa elapajacsic 100 apnaymacoc. Poc mataa elapajacsic 50 apnaymacoc. Poc mataa 10 apnaymacoc.

NÚMEROS 1:16

Eycaso ilhnic nat apquilvisay malyacyescama moclhama apquilmolhama tribus de Israel. Apquilvisay apquilmolhama apquilyap moclhama clan.

NÚMEROS 1:44

Eycaso ilhnic nat macnatalhescama apquilvisay, ayinyema ilhnic nat Moisés najan Aarón, najan doce apquilviscaa israelitas, apyapmayc nipyesicsa apquilmolhama tribus, najan apquilmolhama familias.

NÚMEROS 17:3

Lhama yamit ayitcoc colhic actalhesa apvisay Aarón, apyeyjamcaa ilhnic Leví. Acyovoclhojo doce yamit ayitcoc, colhic actalhesa doce apquilyeyjamcaa.

NÚMEROS 25:14

Apvisay nic nat israelita Zimri aptomja apyantamayclha quilvana madianita najan apmatnam congne tingma pac, najan maa quilvana. Apyap nic nat apvisay Salu apquilmolhama apyap nipyesicsa tribu Siméon.

NÚMEROS 25:4

Aptomjac nic nat apcanya Moisés: Lhip Moisés, ingyansiclha sat apyovoclhojo apquilviscaa mayayo naysicsa acmajat quilhvo nac jay, colhic sat acyanmongseclho apquiltemaclha apancaoc. Comascoc sat mocjam siclom — nic nat aptomjac Dios.

NÚMEROS 30:1

Aptomjac nic nat Moisés apquilanya apquilviscaa tribus israelitas: Eycaso singanamaclha Dios:

NÚMEROS 4:34

Apquilpenasquic nic nat apnatalhescama apquilvisay Moisés najan Aarón. Innec nic nat acnatalhesa apquilvisay apquilmolhama clanes najan familias Coat aptovana.

NÚMEROS 7:2

Apquilvoctac nic nat apyovoclhojo apquilviscaa, apquiltomja siclhoc nic nat aptalhesaycaoc apquilvisay enlhitaoc.

DEUTERONOMIO 1:15

Alyacyesquic alhta enlhit apquilyascamco apquilinyema moclhama apquilmolhama quellhip. Actimescasquic alhta mayayo yatapquilviscaa nipyesicsa quellhip: Lhama yatapvisqui, yoyam elanic mataa mil apnaymacoc; poc mataa yoyam elanic cien apnaymacoc: poc mataa yoyam elanic cincuenta apnaymacoc: poc mataa yoyam elanic diez apnaymacoc. Poc mataa eltimjic mayayo yatapquilviscaa doce tribus apquilmolhama.

JOSUÉ 22:14

Apquillhalhma ilhnic nat diez apquilvanyam apquilayo israelitas, apquilyapmayc moclhama clanes apquilmolhama tribu maa.