NAHÚM 1:3 - Enhlit Bible

³ Aptomja actamilaycam apvalhoc naysicsa apmopvan apanco. Aptomja apyanmongsayclha apquiltemaclha apquilsilhnanomap apanco. Aptomja aplhingam netin yatepiyam najan yipjopay actomja malha lhopactic aplhingam.

NAHÚM 1:3 Iomraidhean Croise

2 SAMUEL 22:10

Aptipquic alhta netin apvayventa. Yipjopay alhta coning apmancoc.

NEHEMÍAS 9:17

Am nic nat colyacmoc elilyejiclhojo, am nic nat colhenam apquilvalhoc lhip aptamjaycam simpilapquiscama. Cayjec nic nat apquilvalhoc, apquilyacyesa apvisqui apancaoc aptimesquiscama acyimtalhnama, yoyam colhic actajesa enlhitaoc mocjam yoclhilhma Egipto. Am nic nat eyinyavac lhip as ningilyeyjamcaa, ayinyema lhip aptomja Dios apcasicjayquiclha mocjam, aptomja apcamliyam, aptomja apcasicjayo mataa.,

JOB 10:14

Apquiltamjoc lhip jeyipconic coo, acyitna inlhojo sicsilhnanomalhca ajanco.

JOB 38:1

Aptomjac nic nat Dios Apyimtalhnamo apcanya Job nipyesicsa yatepiyam:

JOB 9:4

Avanjec mataa apmopvan apanco Dios, najan apyascamco apanco, mongvanquejec ongilinmelham. Onlingamcojoc sat acyimtalhnama ayinyema ningilinmelhaycam.

SALMOS 103:8

Singasicjayo aptomja Visqui ingac najan aptamila. Actamilaycam apvalhoc najan singasicjayclha.

SALMOS 104:3

Apquillanac lhip apmaclha netin tacjalhit yingmin acvanyam. Malha carro aptomjac lhip apquinamtem yipjopay. Alhcajayam actomja acsoycam lhip, malha netin alhimpancoc.

SALMOS 145:8

Visqui ingac aptomja singasicjayo najan singimlaycmo. Avanjec anco singasicjayo, mepqui appecjescama yoyam elvoc.

SALMOS 147:5

Apyimtalhnamo apanco Dios Visqui ingac. Acyivey apmopvan apanco. Apyascamco apanco cotmongvoyam nelha.

SALMOS 50:3

Evotac sat Visqui ingac acyiplomo appayvam. Aclhingam amamyi intomjac talha acvanyam. Yatipiyam apvanyam nipyava Visqui ingac.

SALMOS 62:11

Anit siclingayclha alhta Dios appayvam: —Sicvamlha ajanco sicyimtalhnamo — alhta aptomjac. Lhip Visqui ingac aptomja singilasicjayo. Aptomja apyanmongsayclha aclhamoclhojo apquiltemaclha enlhitaoc.

SALMOS 66:3

Eltime sat quellhip elanic Dios Visqui ingac: —Aptamjaycam simpilapquiscama ayinyema lhip apmopvan apanco. Eljalhic sat apyovoclhojo cotnaja ingmoc napato lhip.

ISAÍAS 19:1

Apquillhenacpec co Egipto yavamlha cotnejic: Quip elanojo Visqui ingac quellhip: Apquilhyacmec Visqui ingac apna netin yipjopay. Inquilpilhyinimquic maa quilaycmasquiscama apancaoc co Egipto napato Dios, apquilacac apyovoclhojo.

ISAÍAS 66:15

Quip elanojo, evotac sat Dios. Malha apsoycam talha sat cotnejic. Colvotac sat carros apanco Dios, malha yatipiyam sat cotnejic. Cotalhcac sat aplom Dios naysicsa aptovascama enlhitaoc. Eyimnaticsojoc sat appayvam naysicsa talha alayvom.

JEREMÍAS 4:13

Aptomjac alhta Profeta: ¡Quip elanojo quellhip! Apquililhyacmec cotnaja ingmoc malha yatepiyam. Carros apancaoc alyitsomalhca huracán yatepiyam, najan apquilinyem nolhing apcapaoc acyitsomalhca aplhingam netin mama apquilyivey. ¡Nincoo layi, ongilmasquingvomoc sat nincoo!

DANIEL 7:13

Invitac alhta sicvanmoncama alhtaa as asoc. Pilapcasquic alhta sicvita. Naysicsa yipjopay apvayventama lhama apyitsomacpo enlhit apquitca. Apyocmec alhta apnaclha Apyimtalhnamo netin apvisqui aptajanem. Innec alhta acyantama apnaclha maa.

OSEAS 8:7

Apquilquinaclhec alhta alhcajayam, elvitac sat yatepiyam, mepqui acyilhna intomjac amyip. Mepqui motajap, ayinyema mepqui apactic acyilhna. Yitnec sat ancoc apyilhna, eltovamcoc sat metnaja apquiltemolhama.

JOEL 2:13

¡Elquilhyim sat apnaclha Dios Apyimtalhnamo! ¡Elpiquin ayalhnaclhojo apquilvalhoc! Noelyapit nasa apava apquilantalhnama. Aptasi nac Dios Apyimtalhnamo, aptomja singasicjayo, najan singimlaycmo, najan actamilaycam apvalhoc. Apmopvan innac eyanmongsiclha nintemaclha inganco.

JONÁS 4:2

Aptomjac nic nat Jonás apcanya Dios, apquilmalhna: —Lhip Dios Apyimtalhnamo, ingyeylhojo sicpayvam. Eycaso siclhanma siclhoc alhta siyinyemayaclha coo. Inlhenquic alhta evalhoc ongvinyejic sat tingma Tarsis. Acyasamcoc coo, lhip aptemaclha apcasicjayquiclho mocjam, aptemaclha apquimlaycmo, aptemaclha acmasilhte aplom pac. Aptemaclha lhip appayquimquiscama apvalhoc, acvaa inlhojo amyaa apyanmongsayclha lhip apquiltemaclha apancaoc enlhitaoc.

ZACARÍAS 9:14

Etacpoc sat Visqui apyimtalhnamo nipyesicsa enlhit apancaoc. Eyjong sat yanca apancaoc, malha alyinmayam sat cotnejic. Epayvacsic sat trompeta Dios Visqui ingac, malha piyam apvanyam intomjac aplhingam.

NÚMEROS 14:18

Mepecjecsejec mataa lhip eyanmongsiclha apquiltemaclha enlhitaoc. Avanjec mataa apquimlaycmo. Apmascosquic mataa lhip apquiltemaclha acmasom enlhit najan actemaclha melilyajayquiclho. Apyanmongsaclhec mataa aptemaclha apsilhnanomap apanco enlhit. Eyanmongsiclhac sat lhip apquiltemaclha aptovana ayinyema melyascalhma apquilyapmayc.

SAN MATEO 26:64

Apcatingmavoc alhta Jesús: —Eje, coo nac, aplhena nac lha. Actomjac coo silanya quellhip: Jelvitangvomoc sat quellhip sicvisay Sictiyam Sictomja Enlhit sicna apnaclha Dios Ingyapam apyimnatem. Jelvitac sat najan ongvilhyemoc naysicsa yipjopay —alhta aptomjac.

SANTIAGO 1:19

Quellhip elyalhinga, elyasamcojo sat. Yitnec sat ancoc amyaa, elaylhojo anco. Eltamilsojo sat ellhenic amyaa. Eltamilsojo sat najan yoyam ellovc.

EL APOCALIPSIS 1:7

Quip elanojo. Evotac sat Cristo naysicsa yipjopay. Elvitac sat aplhamoclhojo enlhitaoc apquilhyam. Elvitac sat najan enlhitaoc apquiltomja alhta apquilajem Cristo. Elyipcalhic sat aplhamoclhojo enlhitaoc lhalhma anco apquilvita sat apquilhyam. Nasoc sat cotnejic.