SAN MATEO 9:6 - Enhlit Bible

⁶ Coo sicvisay Sictiyam Sictomja Enlhit. Elyasingvomoc sat quellhip sicmovan omascocsic melyascalhma as nalhpop —alhta aptomjac. Yejemoc alhta aptomja Jesús apcanya meyimnatem: —Itnimiclha netin, ima aptajanma. Itajiclha tingma pac —alhta aptomjac.

SAN MATEO 9:6 Iomraidhean Croise

ISAÍAS 43:25

Coo sicvisay Dios. Coo ayinyema sicmascoscama melyascalhma quellhip. Ongvasicjiclhojoc sat mocjam. Jelvoncomoc sat apquiltemaclha apancaoc almasomcaa.

MIQUEAS 7:18

Lhip apvamlha pac lhama Dios Apyimtalhnamo, paj poc. Apcasicjaclhec mocjam lhip apmoscosa nintemaclha acmasom. Inquilvoncacmec lhip ningilinmelhaycam lhip, ningilaymalhca incanit. Ingilasicjaclhec mocjam nincoo, apquilvatesa aptemaclha aplom cotningvoyam nelha.

SAN MATEO 4:24

Inlingalhquic alhta apvisay yoclhilhma Siria. Apquilnalantac alhta apnaclha Jesús aplhamoclhojo aptemaclha acmasca apyimpeoc najan enlhit actovascama somquic quilyicjamo najan apsicjangviyam najan apquilyelcomap. Apquiltamilquiscacmec alhta Jesús.

SAN MATEO 8:20

Apcatingmavoc alhta Jesús: —Alhanaoc innac maling. Alhanaoc innac nata. Am coyitnac sictiyanmaclha sicvisay Sictiyam Sictomja Enlhit —alhta aptomjac.

SAN MATEO 9:2

Yejemoc alhta apquilvaa enlhit. Apquilpatmeyam alhta enlhit apquilyelcomap apyitnama netin aptajanma. Lhama alhta apvita Jesús actemaclha melyasquiyam enlhitaoc. Aptomjac alhta Jesús apcanya meyimnatem: —Lhip, sictimem emoc. Copayjiclha apvalhoc lhip. Inquilmascosalhquic melyascalhma lhip —alhta aptomjac.

SAN MATEO 9:5

Evanquic ongvanic enlhit apquilyelcomap: “Inquilmascosalhquic melyascalhma lhip.” Evanquic najan ongvanic: “Itnimiclha netin, ilhing maa.” ¿Soc ayilhyevamo am colhno moc?

SAN MATEO 9:7

Yejemoc alhta apquinmaclho netin, aptajaclho tingma pac.

SAN MARCOS 2:10

Coo nac Sictiyam Sictomja Enlhit. Elyasingvomoc sat quellhip sicmovan omascocsic mongilyascalhma as nalhpop —alhta aptomjac. Natamin aptomjac apcanya enlhit apquilyelcomap:

SAN MARCOS 2:7

“¿Soctomja aptomja nac appayvam? Aptovasqui nac Dios Ingyapam apvisay. Paj lhama enlhit apcopvanco emascocsic mongilyascalhma. Dios apvamlha apanco” —alhta intomjac apquilvalhoc.

SAN LUCAS 5:21

Yejemoc alhta alquitama apquilvalhoc apquilyascamco apquiltemaclha najan fariseos: “¿Soc enlhit aso? Aptovasqui nac Dios Ingyapam apvisay. Paj lhama enlhit apcopvanco emascocsic mongilyascalhma. Dios apvamlha apanco” —alhta inquiltomjac apquilvalhoc.

SAN JUAN 10:28

Olmesic sat acyimnatem apnenyaoc cotmongvoycamlha nelha. Melnatovasacpejec sat mataa. Acmiyovquic coo sicnatoscama. Copvanquejec enlhit jelnatamoc sicnatoscama.

SAN JUAN 17:2

Eyasinaquic lhip otnejic sicyimtalhnamo nipyesicsa aplhamoclhojo enlhitaoc. Yoyam olmesic aclhamoclhojo asoc ayinyema lhip: Acvisay acyimnatem ingnenyic cotmongvoycamlha nelha. Ellhovac sat aplhamoclhojo enlhit selmescama lhip.

SAN JUAN 5:27

Emcasquic sicmovan otnejic silyicpilquemo enlhitaoc, ayinyemaclha coo sicvisay Sictiyam Sictomja Enlhit.

SAN JUAN 5:8

Aptomjac alhta apcanya Jesús: —Itnimiclha netin, ima aptajanma, ilhing maa —alhta aptomjac.

LOS HECHOS 5:31

Dios Ingyapam aptimesquiscama alhta apyimtalhnamo, aptomja Apvisqui najan Singvomquiscama tap. Apquiltamjoc yoyam elyanmongsic apquilvalhoc enlhitaoc Israel, yoyam colmascosalhca melyascalhma.

LOS HECHOS 9:34

Aptomjac alhta apcanya Pedro: —Eneas, Jesucristo aptamilquiscacmoc lhip. Ilha netin, ilaniclha aptajanma —alhta aptomjac. Yejemoc alhta apna netin.

2 CORINTIOS 2:10

Apquilasicjaclhoc sat ancoc mocjam quellhip, ongvasicjiclhojoc sat coo lha mocjam. Incaymalhquic alhta ancoc mocjam yoyam ongilasicjiclhojo. Ayasicjaclhoc alhta coo napato Cristo, ayinyema alhta siclho quellhip.

2 CORINTIOS 5:20

Quilhvoc ningiltomja ningilsoycam amyaa ningilapajasomalhca ayinyema Cristo. Ningiltimnasquic nincoo actemaclha singanama Dios yoyam ongiltimnacsic quellhip. Najan actemaclha singanama Cristo yoyam ongiltimnacsic quellhip: Elane sat colhic actimesa actamilaycam apquilvalhoc napato Dios.

EFESIOS 4:32

Elasicjacpojo nipyesicsa quellhip najan elimlimojo sat mataa. Elasicjiclhojo sat mocjam poc, apno Dios singasicjayclho nincoo lha ayinyema Cristo.

COLOSENSES 3:13

Noeltanovap nasa nipyesicsa quellhip. Elasicjiclhojo sat mocjam naysicsa apquilinmelhaycam. Ellhnasojo sat Cristo aptomja apmascoscama melyascalhma quellhip.