SAN MATEO 9:4 - Enhlit Bible

⁴ Apyasamcoc alhta Jesús actomjaclha alquitamsama apquilvalhoc. Aptomjac alhta: —¿Soctomja cotamilo nac alquitamsama apquilvalhoc quellhip?

SAN MATEO 9:4 Iomraidhean Croise

SALMOS 139:2

Apyasamcoc lhip sictemaclha ajanco. Apmamyi anco apyascamco lhip alquitamsama evalhoc.

SALMOS 44:21

Lhip apvamlha pac apyascamco nintemaclha nincoo. Ayalhnaclhojo ingilvalhoc napato lhip.

EZEQUIEL 38:10

Ingyeylhojo sicpayvam sicvisay Visqui: Colhenic sat apvalhoc lhip etnejic acmasom anco.

SAN MATEO 12:25

Apyicpilcoc alhta Jesús alquitamsama apquilvalhoc. Aptomjac alhta Jesús apquilanya fariseos: —Apquilhpansacpec sat ancoc apquilviscaa, comascoc sat apcanem elhic tingma. Apquilhpansacpec sat ancoc tingma (apmolhama) ayinyema apquilatingmomap, comascoc sat apna tingma.

SAN MARCOS 12:15

Apyicpilcoc alhta Jesús apquilvalhoc enlhit apquilaycmascam acna anit apquilvalhoc. Apquilpamejitsa alhta: —¿Soctomja selyipcona nac? Elsanta siclho solyayem, pac olanojoc siclho —alhta aptomjac.

SAN MARCOS 2:8

Apyasamcoc alhta Jesús alquitamsama apquilvalhoc, apquilpamejitsa: —¿Soctomja alquitama nac apquilvalhoc as asoc?

SAN LUCAS 11:17

Apyicpilcoc alhta Jesús alquitamsama apquilvalhoc. Aptomjac alhta apquilanya: —Apquilhpansacpec sat ancoc apquilviscaa, comascoc sat apcanem elhic tingma. Apquilhpansacpec sat ancoc apmolhama ayinyema apquilatingmomap, comascoc sat actomja apmolhama.

SAN LUCAS 5:22

Apyasamcoc alhta Jesús alquitamsama apquilvalhoc, apquilpamejitsa: —¿Soctomja alquitama nac apquilvalhoc as asoc? —alhta aptomjac.

SAN LUCAS 6:8

Apyicpilcoc alhta Jesús alquitamsama apquilvalhoc. Aptomjac alhta apcanya enlhit acyamay apmic: —Itnimiclha netin. Itningvojo jalip naysicsa —alhta aptomjac. Yejemoc alhta apquinmaclho netin.

SAN LUCAS 7:40

Yejemoc alhta aptomjac apcanya Jesús: —Simón, yitnec coo amyaa, yoyam oltimnacsic lhip —alhta aptomjac. Apcatingmavoc alhta fariseo: —Visqui, jeltimnas —alhta aptomjac.

SAN JUAN 16:19

Apyasamcoc alhta Jesús actomjaclha apquilvalhoc apquiltamsoycaoc, yoyam elilmalhnac lhama asoc. Aptomjac alhta Jesús apquilanya: —¿Soctomja alquitama nac apquilvalhoc actomjaclha sicpayvam: Acyavataclhojo sat cotnejic mejelvitay quellhip. Ovotac sat jayqui mocjam, jelviticlhac sat quellhip? —alhta aptomjac.

SAN JUAN 16:30

Quilhvoc ningyasamcoc nincoo, lhip apyasamcoc aclhamoclhojo asoc. Ingvanquic nincoo mongilmalhnac lhip asoc. Naso, mongilyascacmoc nincoo lhip apquinyema Dios Ingyapam —alhta apquiltomjac.

SAN JUAN 21:17

Natqui alhta intomjac apquilmalhnaycam Jesús: —Simón, Jonás apquitca. ¿Eyasicjavo ya lhquip? —alhta aptomjac. Inyitnocjavoc alhta apvalhoc Pedro, ayinyemaclha actomja natqui apquilmalhnayclho Jesús. Apcatingmavoc alhta Pedro: —Visqui, apyasamcoc lhip aclhamoclhojo asoc. Apyasamcoc najan actemaclha siyasicjayo lhip —alhta aptomjac. Aptomjac alhta mocjam Jesús: —Ilmes sat aptoycaoc sicnatoscama nipquesic —alhta aptomjac.

SAN JUAN 6:61

Apyicpilcoc alhta Jesús actemaclha apquilmalyevoycam apquillhalhmaa. Aptomjac alhta Jesús apquilanya: —Apquilnatjavo inyicje quellhip as asoc.

SAN JUAN 6:64

Moclhama apquilyascacmoc mocjam quellhip —alhta aptomjac. Apyasamcoc alhta Jesús siclhoc anco apquiltomja mataa apquilyasquiyam. Apyasamcoc alhta Jesús enlhit aptomja sat apcanem emacpoc.

LOS HECHOS 5:9

Yejemoc alhta apcatingmavo Pedro: —¿Soctomja acvajaneclho nac atava, yoyam coyipconic Espíritu apanco Visqui ingac? Ca incolanojo, apquilvoctac apatong tingma quilyimnanic apquilatongna lhac atava. Quilhvoc sat colhic acyasquisa lhiya lha —alhta aptomjac.

EL APOCALIPSIS 2:23

Olnajapsic sat ayitquic as quilvana. Elyasingvomoc sat aplhamoclhojo Jesucristo apmolhama actemaclha sicmovan olyicpilcojo apquilvalhoc apancaoc. Oyanmongsiclhac sat apquiltemaclha moclhama quellhip.