SAN MATEO 9:2 - Enhlit Bible

² Yejemoc alhta apquilvaa enlhit. Apquilpatmeyam alhta enlhit apquilyelcomap apyitnama netin aptajanma. Lhama alhta apvita Jesús actemaclha melyasquiyam enlhitaoc. Aptomjac alhta Jesús apcanya meyimnatem: —Lhip, sictimem emoc. Copayjiclha apvalhoc lhip. Inquilmascosalhquic melyascalhma lhip —alhta aptomjac.

SAN MATEO 9:2 Iomraidhean Croise

ECLESIASTÉS 9:7

¡Ingva! Pac ontovamcoc pan naysicsa acpayjayclha ingilvalhoc, najan ongyinamcoc uva ayingmenic. Apyispaquic Dios Visqui ingac nintemaclha nincoo.

ISAÍAS 44:22

Ayasicjaclhec mocjam quellhip. Acmascosquic melyascalhma quellhip najan apquiltemaclha apancaoc. Mongviticlhejec mocjam, malha yipjopay aclhingam intomjac. Najan malha tiyam etin acmasquem intomjac. Eltajingvom sat quellhip, jelyota sat mocjam. Coo sictomja sicyinyovquiscama quilaycmasquiscama quellhip.

SAN MATEO 14:27

Aptomjac alhta Jesús apquilanya apquiltamsoycaoc: —¡Elyimnates apquilvalhoc! ¡Coo nac aso, nojela nasa! —alhta aptomjac.

SAN MATEO 4:24

Inlingalhquic alhta apvisay yoclhilhma Siria. Apquilnalantac alhta apnaclha Jesús aplhamoclhojo aptemaclha acmasca apyimpeoc najan enlhit actovascama somquic quilyicjamo najan apsicjangviyam najan apquilyelcomap. Apquiltamilquiscacmec alhta Jesús.

SAN MATEO 6:12

Imascos mongyascalhma. Ayinyemaclha ningasicjaclhec nincoo lha aptomja singinmelhaycam.

SAN MATEO 8:10

Pilapcasquic alhta Jesús aplinga appayvam. Aptomjac alhta Jesús apquilanya apquillhalhmaa: —Actomjac coo silanya quellhip: Naso, avanjec anco meyasquiyam as enlhit. Am otaac mocjam nipyesicsa Israel actema nac lha —alhta aptomjac.

SAN MATEO 8:16

Intalhnacmoc alhta. Apquilnalantac alhta aplhamoclhojo somquic quilyicjamo acnatovascama apnaclha Jesús. Apquilantipcasquic alhta somquic quilyicjamo ayinyema appayvam. Apquiltamilquiscacmec alhta Jesús aplhamoclhojo acmasca apyimpeoc.

SAN MATEO 9:22

Yejemoc alhta appaycacpo Jesús. Apvitac alhta quilvana. Aptomjac alhta apcanya: —Lhiya, sictimem emoc. Copayjiclha avalhoc lhiya. Intamalvocmec lhiya ayinyema coyasquiyam —alhta aptomjac. Yejemoc alhta actamalvocmo quilvana.

SAN MATEO 9:5

Evanquic ongvanic enlhit apquilyelcomap: “Inquilmascosalhquic melyascalhma lhip.” Evanquic najan ongvanic: “Itnimiclha netin, ilhing maa.” ¿Soc ayilhyevamo am colhno moc?

SAN MATEO 9:6

Coo sicvisay Sictiyam Sictomja Enlhit. Elyasingvomoc sat quellhip sicmovan omascocsic melyascalhma as nalhpop —alhta aptomjac. Yejemoc alhta aptomja Jesús apcanya meyimnatem: —Itnimiclha netin, ima aptajanma. Itajiclha tingma pac —alhta aptomjac.

SAN MARCOS 1:32

Yejemoc alhta actalhna acnim. Alhtaa intomjac. Apquilnalantamo apnaclha Jesús ningmasquem actomjaycaoc najan acma somquic quilyicjamo.

SAN MARCOS 10:49

Apquiningvocmec alhta Jesús. Apcanayquic alhta eltimnasquiclha. Yejemoc alhta apquiltimnasquiclho: —Iyimnates apvalhoc. Itnimiclha netin. Jesús apquevam lipaja —alhta apquiltomjac.

SAN MARCOS 5:34

Aptomjac alhta apcanya Jesús: —Eyalhing, intamalvocmec lhiya ayinyema coyasquiyam. Nemoc, noncotnajam nasa avalhoc. Cotneclhejec mocjam —alhta aptomjac.

SAN MARCOS 6:50

Apquilanomacpo alhta apquilvita, apcacpec alhta. Aptomjac alhta apquilanya Jesús: —Elyimnates apquilvalhoc. Coo nac aso. Nojela nasa —alhta aptomjac.

SAN JUAN 16:33

Altimnasquic lha inyicje as asoc, yoyam eltamilsojoc apquilvalhoc quellhip apquiltomja selyipitcayo. Ellingamcoc sat acmasca quellhip naysicsa apquileyvam as nalhpop. Elyimnaticsojo apquilvalhoc. Coo nac sicyimnatem, am olhno enlhit lhalhma anco —alhta aptomjac.

SAN JUAN 2:25

Coymalhquejec alhta Jesús colhic altimnasa actemaclha apvalhoc enlhit. Ayinyemaclha apyicpilcoc Jesús actemaclha apvalhoc moclhama enlhit.

SAN JUAN 21:5

Aptomjac alhta Jesús apquilanya apquiltamsoycaoc: —¿Quilasma ya innac, quilyimnanic? —alhta aptomjac. Apquilatingmavoc alhta: —Paj —alhta apquiltomjac.

LOS HECHOS 14:9

Aplingac alhta as enlhit actemaclha aplhanma Pablo. Yejemoc alhta apquilano Pablo. Apyicpilcoc alhta Pablo actemaclha aclhanma apvalhoc as enlhit, yoyam etamalvomoc.

LOS HECHOS 19:12

Apquilyoctac alhta Pablo. Pañuelo apquitcoc alhta apquiltingyamcoc najan napocja aptalhnama Pablo. Apquilsaclhesquic alhta acmasca apyimpeoc. Yejemoc alhta apquiltamalvocmo. Inquilantipquic alhta somquic quilyicjamo apvalhoc enlhitaoc.

LOS HECHOS 23:11

Moc alhtaa alhta intomjac. Apvitac alhta Pablo napaat Visqui ingac. Aptomjac alhta apcanya: —Pablo, iyimnaticsojo apvalhoc. Aplingasquic lhip sicvisay tingma Jerusalén. Elngacsic sat najan sicvisay tingma Roma —alhta aptomjac.

ROMANOS 5:11

Moc asoc mocjam: Inpayjeclhec nincoo ingvalhoc ningiltomja ninpasmeyquiclha Dios Ingyapam ayinyema Jesucristo Visqui ingac. Ayinyemaclha Cristo aptomja singasicjascaseyquiclho Dios.

SANTIAGO 2:18

Sat otnejic ongvanic coo: “Yitnec lhip meyasquiyam, coo eyca acyitna sicyiplovquiscama. Jelhicmocsojo aptemaclha lhip meyasquiyam mepqui apyiplovquiscama. Coo eyca olhicmocsojoc sictemaclha moyasquiyam ayinyema sicyiplovquiscama” —sat otnejic coo.