SAN MATEO 8:4 - Enhlit Bible

⁴ Aptomjac alhta Jesús apcanya aptamalviyam: —Noltimnas nasa enlhit maa apyasaclha. Ilhing maa, ilhicmosacpojo sat sacerdote. Imques sat apmescama acyanmongam ayalhnayclha apyimpejic. Itne sat actemaclha singanama ilhnic nat Moisés, yoyam ongmesic. Apmesquic sat ancoc, melquinatsejec sat enlhitaoc aptomja aptamalviyam —alhta aptomjac.

SAN MATEO 8:4 Iomraidhean Croise

ISAÍAS 42:21

Coo sicvisay Dios. Altamjoc olyascasingvomoc quellhip asoc alyivey najan asoc altamila. Eycaso ayinyema sictomja sicpeyvomo.

LEVÍTICO 13:49

Yitnec sat ancoc mancha yapamatem najan yamacyilhvasem, nasoc lhaja lepra ningmasquem, incaymalhquic elanojo siclho sacerdote.

SAN MATEO 10:18

Colhic sat acnalaclho quellhip apnamcaclha yatapquilviscaa najan apquilviscaa, coo sicvisay ayinyemaclha. Ellingacsic sat quellhip sicvisay nipyesicsa metnaja judíos.

SAN MATEO 16:20

Aptomjac alhta Jesús apquilanya apquiltamsoycaoc: —Noellhen nasa sicvisay sictomja Cristo —alhta aptomjac.

SAN MATEO 17:9

Lhama alhta apquilinyectamo netin inquilhe. Aptomjac alhta Jesús apquilanya apquiltamsoycaoc: —Noellingas nasa asoc apquilvitay quellhip. Sat ellhenic maa natamin siclhaticjangviyam nipyesicsa apquilmasquingvaycmo, sicvisay Sictiyam Sictomja Enlhit —alhta aptomjac.

SAN MATEO 3:15

Apcatingmavoc alhta Jesús: —Itne anco lhip, yoyam ongilyiplovcasojo actemaclha acpeyvomo —alhta aptomjac. Apquilyajaclhoc alhta Juan.

SAN MATEO 5:17

Aptomjac alhta mocjam Jesús: ‘Nocollhen nasa apquilvalhoc sicvoy coo, yoyam olvatesquisamcoc singanamaclha Moisés najan profetas apnatalhescama. Acvaac coo, yoyam osavojo sicyiplovquiscama actemaclha singanamaclha. Motvacsejec sat coo.

SAN MATEO 6:1

‘Eltamilsojo quellhip. Elyiplovcasojo apquiltamjaycamcaclha altamila. Apquillhicmosquic sat ancoc mataa nipyesicsa enlhitaoc, melmecsejec sat acyanmongam Ingyapam apna netin.

SAN MATEO 9:30

Yejemoc alhta altamilaclho apataoc. Apquiltimnasiclhoc alhta Jesús: —Elavojo quellhip. Noeliltimnasam nasa enlhitaoc —alhta aptomjac.

SAN MARCOS 13:9

“Eltamilsacpojo apanco quellhip. Colhic sat acnalaclho quellhip tingma ningyicpilcomalhcoclhilha. Colhic sat alyicpilhquetamco quellhip tingma apcaneyclhilha. Colhic sat najan acnalaclho quellhip apnamcaclha apquilviscaa, coo eyca ayinyemaclha. Ellingas sat quellhip amyaa.

SAN MARCOS 3:12

Apmiyovquic alhta Jesús ellhenic apvisay apanco.

SAN MARCOS 5:43

Apmiyovquic alhta ellingacsic amyaa apnaymacoc. Apcanayquic alhta colhic acmesa actom.

SAN MARCOS 6:11

Am sat ancoc elmacpoc tacja quellhip, am sat ancoc eljalhnoc enlhit apquililtimnaycam, elanteyip sat maa. Elilhpalhnes lhopactic apmancaoc. Cotnatsalhquejec sat apquiltomjaclha —alhta aptomjac. Actomjac coo siyanya quellhip: —Naso, acvocmo sat acnim ningyicpilcomalhcoclha colhyevavojoc sat acyanmongayclha tingma Sodoma najan Gomorra, melhno as tingma —alhta aptomjac.

SAN MARCOS 7:36

Apquilasquic alhta apnaymacoc eliltimnasam amyaa. Am alhta elilyajaclhoc. Lhama alhta apquilasa mocjam natamin apquiltimnaseclhoc mocjam amyaa.

SAN MARCOS 8:30

Apmiyovquic alhta Jesús ellhenic apvisay nipyesicsa enlhitaoc.

SAN MARCOS 9:9

Lhama alhta apquilinyectamo netin inquilhe. Aptomjac alhta apquilanya apquiltamsoycaoc: —Noeliltimnas nasa enlhit asoc apquilvitay. Eyca eliltimnas acvocmo sat acnim siclhaticjangviyam sicvisay Sictiyam Sictomja Enlhit nipyesicsa apquilmasquingvaycmo.

SAN LUCAS 17:14

Lhama alhta apvita Jesús, aptomjac alhta apquilanya: —Ellhing maa, ellhicmosacpojo apanco sacerdote —alhta aptomjac. Naysicsa apquillhingam alhta apquiltamalvocmo.

SAN LUCAS 21:13

Ellingacsic sat quellhip sicvisay.

SAN LUCAS 4:41

Aplhamoclhojo ningmasquemataoc inquilantipquic alhta somquic quilyicjamo. Inquiliclhangvec alhta alpametamcaa: —Lhip nac Dios Apquitca —alhta inquiltomjac. Apquilyasquic alhta ilhma Jesús. Am alhta ingyavoc colpametam. Inquilyicpilcoc alhta aptomja Cristo.

SAN LUCAS 5:14

Apmiyovquic alhta eltimnacsic apnaymacoc: —Ilhing maa, ilhicmosacpojo sat sacerdote. Imques sat apmescama acyanmongam ayalhnayclha apyimpejic. Itne sat actemaclha singanama ilhnic nat Moisés, yoyam ongmesic. Apmesquic sat ancoc, melquinatsejec sat enlhitaoc aptomja aptamalviyam —alhta aptomjac.

SAN LUCAS 8:56

Pilapcasquic alhta inyap najan inquin. Apcasquic alhta Jesús colngalhcac amyaa nipyesicsa apnaymacoc.

SAN LUCAS 9:21

Apmiyovquic alhta Jesús ellhenic apvisay nipyesicsa enlhitaoc.

SAN JUAN 5:41

‘Am oltamjoc coo yoyam jelavojo enlhit.

SAN JUAN 7:18

Apquiltamjoc mataa ingyajacpojo enlhit aptomja apquillhicmoscama ayinyema apvalhoc apanco. Coo eyca mataa ongvavojo coo Tata aptomja seyapajascama. Nasoc anco siclhanma, am coyitnac evalhoc actemaclha sicyinimquiscama.

SAN JUAN 8:50

Am otnajac coo siyajamalhco ajanco. Apnec coo Tata aptomja seyayo, aptomja seyicpilquemo.