SAN MATEO 8:22 - Enhlit Bible

²² Apcatingmavoc alhta Jesús: —Jeyiplom sat lhip. Ilane sat enlhit malha apjapaoc napato Dios Ingyapam elatongnic sat enlhit apquilitsepma —alhta aptomjac.

SAN MATEO 8:22 Iomraidhean Croise

1 REYES 19:20

Yejemoc nic nat apyinyova vayqui alcacjam Eliseo. Apquimjaoclhec nic nat Elías. Aptomjac nic nat Eliseo apcanya Elías: —Ingyane sat otajiclha siclho opayvacsic tata najan meme coo, actemaclha nimpitsisma amalhimpenic. Quilhvoc sat oyiplaclha lhip — nic nat aptomjac Eliseo. Apcatingmavoc nic nat Elías: —Itajiclha siclho. Iyasamcojo sat sictomjaclha lhcac — nic nat aptomjac.

SAN MATEO 8:21

Aptomjac alhta poc apquiltamescama apcanya Jesús: —Visqui, jeyojo siclhoc otajiclhac emamyi. Ongvatongvoclhac siclho tata apquitsepma —alhta aptomjac.

SAN MATEO 9:9

Aplhinquic alhta Jesús. Naysicsa aplhingam alhta apvitangveclho enlhit apvisay Mateo. Apnec alhta tingma almomalhquilha solyayem. Aptomjac alhta Jesús apcanya: —Itne sat siclhalhma —alhta aptomjac. Yejemoc alhta apquinmaclho netin. Apyiplaclhec alhta Jesús.

SAN MARCOS 2:14

Naysicsa aplhingam apvita alhta Leví. Alfeo apquitca nac Leví. Apnacmec alhta almomalhquilha solyayem. Aptomjac alhta apcanya: —Itne sat siclhalhma. Yejemoc alhta apquinmaclho netin Leví. Apyiplaclhec alhta.

SAN LUCAS 15:24

Apquitsepmec alhta sictamongvoyam, apyimnavocmec mocjam. Aplhinganacmec alhta, ningvitaclhec mocjam” —nic nat aptomjac apyap. Yejemoc nic nat apquiltamjacpo caya.

SAN LUCAS 15:32

Intasic ongiltimjic quilhvo caya, yoyam ongilitsovacsojo. Ayinyemaclha apquitsepmec alhta lhip apyalhing, apyimnavocmec mocjam. Aplhinganacmec alhta, ningvitaclhec mocjam” —nic nat aptomjac apyap.

SAN LUCAS 9:59

Apquevam alhta Jesús poc enlhit: —Jeyiplovjo —alhta aptomjac. Apcatingmavoc alhta enlhit: —Visqui, jeyojo siclho olhong. Ongvatongnic siclho tata apquitsepma. Oyiplovjoc sat jayqui —alhta aptomjac.

SAN LUCAS 9:60

Aptomjac alhta apcanya Jesús: —Ilane sat enlhit malha apjapaoc napato Dios Ingyapam elatongnic sat enlhit apquitsepma. Ilhing sat lhip. Iltimnas sat amyaa Dios apquilnancascama —alhta aptomjac.

SAN JUAN 1:43

Moc acnim alhta intomjac. Apquiltamjoc alhta Jesús emyaclhac yoclhilhma Galilea. Aptajanyavoc alhta Felipe. Aptomjac alhta apcanya: —Jeyiplaclha sat —alhta aptomjac.

SAN JUAN 21:19

Apquitsepma alhta aplhenac. Apquiltamjoc alhta Jesús eyascasingvomoc Pedro actemaclha yoyam ingyitsapoc. Yoyam colhic ayaco Dios Ingyapam actemaclha apquitsepma. Aptomjac alhta Jesús apcanya Pedro: —Noc, jeyiplaclha coo —alhta aptomjac.

SAN JUAN 21:22

Apcatingmavoc alhta Jesús: —Altamjoc sat ancoc etyisam acvocmo sicvactamo mocjam, ¿soctomja apquiltamjo nac eyasamcojo lhip? Jeyiplovjo eyca lhip —alhta aptomjac.

EFESIOS 2:1

Collhen apquilvalhoc apquiltemaclha alhta nano quellhip. Apquilyiplovcasquic alhta quellhip apquiltemaclha almasomcaa najan melyascalhma. Malha apquilitsepma alhta quellhip napato Dios.

EFESIOS 2:5

Ingilmasquic alhta acyimnatem ingnenyaoc ayinyema ningilpasmeyquiclha Cristo. Ayinyemaclha malha ningilitsepma alhta nincoo napato Dios ayinyema mongilyascalhma. Nasoc anco, apquilvomsomap tap quellhip ayinyema apcasicjayo Dios.

EFESIOS 5:14

Eycaso actomja aclhanmaclha: Ilhaticja sat lhip aptomja aptiyanma. Ilhaticja sat nipyesicsa apquilmasquingvaycmo. Etac sat lhip ayitsayolhma ayinyema Cristo —nic nat intomjac.

COLOSENSES 2:13

Quellhip apquiltomja nano malha apquilitsepma napato Dios, ayinyema melyascalhma quellhip najan actemaclha mepqui aclhanma apquilvalhoc Dios. Am alhta coyitnac quellhip asoc monquinatquiscama apyimpeoc. Quilhvo eyca apmasquic Dios acyimnatem apnenyaoc quellhip ayinyema apquilpasmeyquiclha Cristo. Apmascosquic aclhamoclhojo melyascalhma quellhip.

1 TIMOTEO 5:6

Am sat ancoc cotamilsalhcac anco tampeyi, cotnejic sat malha ayitsepma napato Dios naysicsa actiyascam.