SAN MATEO 7:7 - Enhlit Bible

⁷ Aptomjac alhta mocjam Jesús: ‘Elilmalhnam, ellhovac sat. Elquitam, elviticlhac sat. Elilmalhnam yoyam ellicsic atong, colhic sat aclicsa atong.

SAN MATEO 7:7 Iomraidhean Croise

GÉNESIS 26:32

Apquilvoctac nic nat as acnim apquilancam apnaclha Isaac. Apquiltimnasquic nic nat amyaa actemaclha actiyapma yingmin yamilquit apquilmayclha.

1 REYES 3:5

Apnec nic nat apvisqui Salomón netin inquilhe Gabaón. Invitac nic nat apvanmoncama alhtaa. Aptomjac nic nat Dios apcanya Salomón: —Jelmalhna sat asoc, momyovejec sat coo — nic nat aptomjac.

SALMOS 10:17

Visqui ingac. Apjalhnoc lhip apquilmalhnancama enlhit conjamalhca apquilvalhoc. Aptamilquiscacmec lhip apquilvalhoc.

SALMOS 10:4

Yitnec aplhanma enlhit apyimtalhnesomap apanco: —Paj lhama Dios. Colhejec mataa acyanmongseclho nintemaclha — intomjac mataa alquitamsama apvalhoc.

SALMOS 119:12

Innec ayaco lhip Visqui ingac. Jeltamsaoc sat ayinyema singanamaclha.

SALMOS 27:8

Inlhenquic evalhoc lhip aplhanma nano: —Jelquitam coo — alhta aptomjac lhip. Naso, ayitamquic coo mataa lhip.

SALMOS 34:4

Ayitamquic alhta Visqui ingac. Aplingoc alhta sicpayvam. Apmascosquic alhta Visqui ingac actemaclha ayay evalhoc.

SALMOS 37:4

Ingyasicjojo mataa Visqui ingac. Elhcac sat lhip asoc actemaclha aclhanma apvalhoc.

SALMOS 50:15

Jelilmalhnam coo naysicsa apquillingaycamco acyimtalhnama. Olvomsic sat tap quellhip, yoyam jeltimjic selayo quellhip — alhta aptomjac Visqui ingac Dios.

SALMOS 69:32

Colpayjiclha sat apquilvalhoc, apquilvita inlhojo acjalhemalhca apquilvalhoc. Covascapoc sat apquilvalhoc apquiltingyey aptemaclha Dios.

SALMOS 70:4

Colpayjiclha sat apquilvalhoc aplhamoclhojo apnaymacoc apquilyiplovquiscama. Eltimjic sat mataa: —Apyimtalhnamo nac Visqui ingac — sat eltimjic.

SALMOS 86:5

Aptasi nac lhip Visqui ingac. Aptomjac singasicjayclha mocjam. Avanjec lhip apquilasicjayo. Apvita inlhojo apquilmalhnancama enlhit.

PROVERBIOS 8:17

Ayasicjavoc mataa enlhit aptomja seyasicjayo sicvisay sicyascamco. Elvitaclhec mataa enlhit aptomja setamsama coo.

LOS CANTARES 3:2

Aclhaticjac alhta coo sitamsama sicponcanma nipyesicsa tingma apvanyam. Ayitamquic alhta sicponcanma siyasicjayo, sicsovjam alhta apvalhoc tingma. Ayitamquic alhta inyicje, am alhta otaac mocjam.

ISAÍAS 30:19

Quellhip apnaycam tingma Jerusalén. Elvatsaoc apquilyapcalhem. elimliclhojoc sat mocjam Dios, apquilmalhna inlhojo quellhip, acyiplomo apquilyimnatescama apquilpayvam quellhip, yoyam ingyatingmojo Dios.

JEREMÍAS 33:3

Jelmalhna sat lhip asoc, ongvatingmojoc sat coo. Oltimnacsic sat lhip asoc alyivey najan simpilapquiscama, meyascamco mocjam lhip.

AMÓS 5:4

Aptomjac alhta mocjam: Jeltingya sat coo, yoyam colhic acyimnatem apnenyaoc.

SAN MATEO 18:19

‘Actomjac coo mocjam silanya quellhip: Am sat ancoc coyeycajalhca apquililmalhnancama apcanit enlhit as nalhpop, ilyejiclhojoc sat asoc apquilmalhnaycam coo Tata apna netin.

SAN MATEO 21:22

Apquililmalhnaquic sat ancoc quellhip asoc, noelyasquim nasa, yoyam ellhovamcoc. Nasoc anco ellhovamcoc sat —alhta apquiltomjac.

SAN MATEO 6:33

Eltingya amamyi anco Dios apquilnancascama najan actemaclha acpeyvomo, ellhovangvomoc sat asoc alaymomalhca.

SAN MATEO 7:11

Paj. Apyap emquesic sat asoc altamila. Quip elanojo. Apsomcavo inyicje quellhip. Apvancaac quellhip elmesamcoc apquitquic asoc altamila. Aptasoc apanco Ingyapam netin. Ningilmalhnaquic ancoc asoc altamila, coyangvomoc sat singilmescama as asoc.

SAN MATEO 7:8

Ningilmalhnaquic sat ancoc, ongillhovac sat. Ninquitamquic sat ancoc, ongilviticlhac sat. Ningilmalhnaquic sat ancoc yoyam jinglicsic atong, colhic sat singliquisa atong.

SAN MARCOS 11:24

Actomjac coo siyanya quellhip: Apquililmalhnaquic sat ancoc quellhip lhama asoc, noelyasquim nasa yoyam ellhovac. Nasoc anco, ellhovamcoc sat.

SAN LUCAS 13:25

Apyitcasquic alhta mocjam: —“Aplhaticjac sat ancoc apvisqui, ingyapeclhac sat atong tingma pac. Elanvotac sat quellhip atong. Elanic sat quellhip colhic aclicsa atong: “Visqui, jingliquis atong” —sat eltimjic elanic. Ingyatingmojoc sat apvisqui: “Am olyicpilcac quellhip” —sat etnejic apvisqui.

SAN LUCAS 18:1

Apquiltimnasamcaa alhta Jesús actemaclha apyitquiscama. Aptomjac alhta apquilanya, yoyam elinlhanmojoc mataa apquililmalhnancama, yoyam melvatsamcoc mataa.

SAN JUAN 15:16

Jave quellhip selyacyescama alhta coo. Coo eyca sictomja silyacyescama quellhip. Alasinaquic coo quellhip, yoyam ellhong quellhip, yoyam colhamojo apyilhna quellhip. Coytic sat mataa apyilhna quellhip. Apquililmalhnaquic sat ancoc asoc coo Tata naysicsa apquillhanma sicvisay, elmesacpoc sat quellhip.

SAN JUAN 15:7

‘Apquilinlhanacmec sat ancoc quellhip selyipitcaycam coo, innamquic sat ancoc sicpayvam apquilvalhoc quellhip. Natamin ellhovac sat quellhip moclhama asoc selmalhnaycam coo.

SAN JUAN 4:10

Apcatingmavoc alhta Jesús: —¿Inyasamco ya lhca Dios Ingyapam apcaycaoc? ¿Jeyicpilco ya coo siyanya lhac jeyacvesic yingmin? Ayanayc coo am jeyicpilcac lhiya. Jeyicpilcoc sat ancoc lhiya, quilhvoc sat jeyanic, yoyam omquesic lhiya yingmin actemaclha mongitsepma —alhta aptomjac.

ROMANOS 2:7

Apquilyiplovcasquic sat ancoc actemaclha actamila naysicsa apquiltingyey acyimnatem apnenyaoc, coyanmongentac sat. Eltimjic sat apquilyimtalhnamo ayinyema Dios najan colhic sat alaco najan ellhovac sat acyimnatem apnenyaoc cotmongvoycamlha nelha.

ROMANOS 3:11

Paj lhama enlhit aptomja apyascamco. Paj lhama enlhit aclhanma apvalhoc Dios.

HEBREOS 11:6

Am sat ancoc coyitnac mongyasquiyam, mongvityejec sat yoyam jingyispac Dios. Ningiltamjoc sat ancoc ongilyoclhojo Dios, incaymalhquic colhic mongyasquiyam Dios apna netin, aptomja apyanmonquiscama mataa actemaclha ningilquitamsama Dios.

SANTIAGO 5:15

Am sat ancoc ongilyascacmoc naysicsa singilmalhnesquiscama, cotamalvomoc sat ingyimpejic. Visqui ingac sat jintamilquiscomoc. Yitnec sat ancoc ningilsilhnanomalhca, comascosalhcac sat.

1 SAN JUAN 3:22

Ongillhovac sat asoc ningilmalhnaycam Dios. Ayinyemaclha ningyiplovcasquic mataa singanamaclha Dios najan actomja apyisponcama.