SAN MATEO 7:6 - Enhlit Bible

⁶ ‘Noelmesaoc nasa quellhip simjing asoc acponquinomalhca. Collovc sat, coltaclhamcoc sat quellhip. Noelyinyov nasa lamom acmamnave apquilyancaclha yatepomap. Eltamoc sat —alhta aptomjac.

SAN MATEO 7:6 Iomraidhean Croise

PROVERBIOS 11:22

Lhama quilvana, ningvita inlhojo naysicsa actemaclha anco acmasom alanatama. Colhojoc sat nintoscama, acyitna inlhojo argollo avajic.

PROVERBIOS 23:9

Noyascasingvom nasa lhip enlhit acyeyjamelhma, evennacpoc sat lhip.

PROVERBIOS 26:11

Intingyac mataa simjing acyiclhama, cotaviclha mocjam. Apnasoc enlhit acyeyjamelhma elheniclha appayvam.

PROVERBIOS 26:4

Mongilatingmamejec sat singilmalhnaycam enlhit acyeyjamelhma, onlhojoc sat nincoo lha acyeyjamelhma.

SAN MATEO 15:26

Apcatingmavoc alhta Jesús: —Cotnejec ac lha coltovamcoc siclho inquitquic. Am cotamilac ongamcoc simjing quilpasmongam inquitquic actom —alhta aptomjac.

SAN MATEO 24:10

Elvatsamcoc sat apquiltemaclha melyasquiyam aplhamoclhojo enlhit. Elanic sat mataa emacpoc poc. Etanoveclhac sat mataa poc.

SAN MATEO 7:5

Apquilaycmascam nac lhip acna anit apvalhaoc. Ilic siclho lhip yamit acyiviy apatic apanco. Natamin etac sat yamit anic apatic poc, yoyam elicsic.

2 CORINTIOS 11:26

Lhamoc alhta mataa siclhingam. Acvitangvocmec alhta ayasomquilha vatsam. Inquitlhincasquic alhta mataa ovayvamcoc. Altajanyavoc alhta mataa enlhit ticyovam yapmayc. Acvitangvocmec alhta ayasomquilha nipyesicsa sictemolhama judíos, najan nipyesicsa metnaja judíos. Acvitangvocmec alhta ayasomquilha yingmin acyiviy najan ayasomquilha nipyesicsa ingilyalhinga apquilyinimseycam.

FILIPENSES 3:2

Elavojo quellhip enlhit apquiltomja malha simjing alminyilhaycam. Elavojo quellhip apquilsoycam amyaa apquilmapsomcaa apquiltomja apquilyimyicjaycam ingyimpejic.

HEBREOS 10:29

Coyangvomoc sat apyanmongsayclha Dios aptemaclha enlhit aptomja apvinéycam Dios Apquitca najan aptomja apvinéycam em pac Jesucristo najan aptomja aptipsaycam apvisay Espíritu apanco Dios aptomja singasicjayo. Ayinyemaclha Jesucristo em pac actomja asoc monquinatquiscama apmayjayoclha Dios aplhanma alhta yoyam colhejec acyascacmo.

HEBREOS 6:6

mongvanquejec ongilyanmongsic mocjam ingvalhoc. Ayinyemaclha malha ningyipitsayclha mocjam lhama intomjac asoc timyescama Dios Apquitca, malha ningasmescama mocjam intomjac Dios Apquitca.

2 SAN PEDRO 2:22

Invocmec nelha aclhanmaclha actomja nasoc anco: “Cotaviclhac sat mocjam acyiclhama simjing”. Najan moc: “Appaysomaclhec mocjam yatepomap natamin apyapascama yingmin” —nic nat intomjac aclhanmaclha.

EL APOCALIPSIS 22:15

Melantilhic sat mataa enlhitaoc apquiltomja apquilyasquiyam malha simjing najan apquiltomja apquilyojolhmaa najan apquiltomja apquilanatama najan apquiltomja ticyovam yapmayc najan apquiltomja apquilpayescamo quilaycmasquiscama acyitsomalhca Dios najan aplhamoclhojo apquiltomja apquilmopvancaa amyaa.