SAN MATEO 6:9 - Enhlit Bible

⁹ Eltime sat elilmalhnac actema nac jay: Ingyapam nincoo apna netin. Inponquinalhquic lhip apvisay.

SAN MATEO 6:9 Iomraidhean Croise

2 SAMUEL 7:26

Innec ayaco lhip apvisay cotmongvoycamlha nelha. Sat eltimjic ellhenic enlhitaoc: Dios Apyimtalhnamo aptomja Apvisqui apancaoc enlhitaoc Israel — sat eltimjic. Comasquejec sat mataa sicvisay silancam David najan sicmolhama napato lhip.

1 REYES 8:43

Ingyeylhojo sat lhip apma netin. Ingyeylhojo sat lhip apquililmalhnancama cotnaja aptemolhama. Elyasingvomoc sat lhip apvisay aplhamoclhojo enlhitaoc lhalhma anco. Elangvomoc sat maa acno mataa apquillay enlhitaoc Israel. Elyicpilcangvomoc sat enlhitaoc, lhip apvisay acyitna as tingma coo sillanay.

1 CRÓNICAS 17:24

Peyvoc lhip aplhanma, innec ayaco lhip apvisay apyimtalhnamo. Colngalhcac sat nipyesicsa enlhitaoc aptemaclha lhip apmopvan apanco. ¡Dios Visqui apancaoc enlhitaoc Israel! Lhip sat etnejic singmasma naysicsa sictimem visqui nipyesicsa israelitas, sicvisay lhip apquilancam.

2 CRÓNICAS 20:6

Aptomjac nic nat Josafat apyimnatesa appayvam: Lhip Dios, Visqui apancaoc ningilyeyjamcaa. ¡Lhip nac Dios Visqui netin, lhip nac Visqui apancaoc apyovoclhojo enlhitaoc! Lhip nac apyimnatem apanco acma apmopvan: ¡Paj lhama enlhit comopvan ingyinmelham lhip!

NEHEMÍAS 9:5

Apnam maa levitas: Josué, Cadmiel Binuy, Hasbnías, Serebías, Hodías, Sebanías najan Petaías, apquiltomja apquilanya: ¡Ingyaniclha netin quellhip! ¡Eltime sat apquilayo Dios Visqui ingac! ¡Mayayo nac Dios, ontimjic altamila nimpayvam najan ningilayo apvisay apanco apna netin! — nic nat apquiltomjac.

SALMOS 111:9

Dios Visqui ingac aptomja apquilvomquiscama tap apnaymacoc. Comasquejec sat mataa aplhanma apmayjayoclha mepqui apyeycajascaoc. Santo mayayo nac Dios. Pac ongilavojo.

SALMOS 115:3

Apnec netin Dios Visqui ingac. Apquillanac nic nat aclhamoclhojo asoc apquiltamjoclha ellana.

SALMOS 72:18

Innec ayaco Dios Visqui apancaoc Israel apquilmolhama. Apmopvan aptamjaycam simpilapquiscama.

ISAÍAS 37:20

Lhip Dios Apyimtalhnamo, jingmiyov nincoo napatavo co Asiria. Elyasingvomoc sat apyovoclhojo enlhitaoc as nalhpop, lhip aptomja apvamlha pac lhama Dios Apyimtalhnamo — nic nat aptomjac Ezequías.

ISAÍAS 57:15

Eycaso appayvam apanco apvisay Apyimtalhnamo najan Mengyitsepma najan Mayayo: Sicmaclha coo nitno najan mayayo. Acpasmec coo mataa conjamalhca apquilvalhoc enlhit najan apquilmapyovseca. Oltamilquiscomoc apquilvalhoc, olvascapquisic sat apquilvalhoc.

ISAÍAS 6:3

Apquiltomjac alhta apquilpayvam: Aptamila apanco, aptamila apanco, aptamila apanco Visqui ingac apyimtalhnamo. Innec ayaco gloria pac lhalhma anco as nalhpop — alhta apquiltomjac.

ISAÍAS 63:16

Lhip nac Apyimtalhnamo nincoo. Am eyasamcoc nic nat Abraham ningilvisay, am elyasamcoc enlhitaoc Israel. Lhip Visqui ingac nincoo, singmasma nincoo mataa, siclhoc nat.

ISAÍAS 64:8

Naso, lhip nac Dios nincoo. Ningilyitsomalhca nincoo yelpa. Lhip apyitsomacpo apquillanay valhva. Lhip singillanay nincoo, acno apquillanay valhva.

ISAÍAS 66:1

Eycaso sicpayvam Dios: —Netin coo actomjac sictajanem. Nalhpop coo actomjac siltoycamlha. ¿Jalhco aptema tingma yoyam jelanesic? ¿Jalhco sat otnejic sicnayclhilha?

EZEQUIEL 36:23

Olhicmocsic sat sictemaclha sicyimtalhnamo coo, colhic sat ayaco sicvisay ajanco. Elvitac sat enlhitaoc sictomjaclha nipyesicsa quellhip. Jelyicpilcangvomoc sat sicvisay Visqui apancaoc. Naso coo sicpayvam siclhanma.

EZEQUIEL 38:23

Cotalhcac sat sictemaclha sicmovan najan mayayoclha coo napatavo enlhitaoc lhalhma anco. Jelyicpilcangvomoc sat sicvisay Visqui apancaoc — alhta aptomjac.

LEVÍTICO 10:3

Aptomjac nic nat Moisés apcanya Aarón: —Eycaso aplhanma siclho Dios: Cotalhcac sat santidad mayayoclha ajanco napatavo seltimesaycam coo. Cotalhcac sat gloria sicyimtalhnamo ajanco napatavo israelitas — nic nat aptomjac. Intiyacmec nic nat apvalhoc Aarón.

HABACUC 2:14

Copayjiclhac sat ningyascamcolhma lhalhma anco as nalhpop, elyasingvomoc sat actemaclha mayayo Dios Visqui ingac. Malha yingmin acvanyam sat cotnejic apquilyascamcolhma.

ZACARÍAS 14:9

Apvisqui apyimtalhnamo as nalhpop etnejic sat Dios, apvamlha pac lhama apvisay.

MALAQUÍAS 1:11

Innec seyaco coo nipyesicsa enlhitaoc lhalhma anco. Innec seyaco coo lhalhma anco ayinyema apquilvatnama talha asoc masis. Najan ayinyema selmescama asoc altamila sicyisponcama coo.

SAN MATEO 10:29

‘¿Naso ya lhama solyayem ayitcoc acyanmongam anit nata ayitcoc? Eje, naso. Am ingyavoc Ingyapam netin cotyamoc nalhpop lhama nata ayitcoc.

SAN MATEO 23:9

Noeltime nasa enlhit apvisay Ingyapam as nalhpop. Lhama apanco Ingyapam apna netin.

SAN MATEO 26:29

Actomjac coo silanya quellhip: —Moynejec sat mocjam uva yingmenic acvocmo acnim, yoyam oynojoc sat lhama quellhip coo Tata apquilnancascama —alhta aptomjac.

SAN MATEO 26:42

Aplhingaclhec alhta mocjam. Apquilmalhnaclhec alhta mocjam: —Tata, apvanquic lhip aclhamoclhojo asoc. Am sat ancoc jeyeycajasac as asoc acmasca, oynic sat coo. Cotnejic sat actomja apmayjayoclha lhip —alhta aptomjac.

SAN MATEO 5:16

Ellhojo sat quellhip lha. Elapongmit sat nipyesicsa enlhitaoc. Colvitalhcac sat quellhip apquiltamjaycam altamila. Colhic sat ayaco Ingyapam netin —alhta aptomjac.

SAN MATEO 5:48

Appeyvomo apanco Ingyapam netin. Ellhojo sat quellhip lha, eltime sat apquilpeyvomo —alhta aptomjac.

SAN MATEO 6:14

‘Apquilasicjaclhec sat ancoc quellhip enlhit apquillhanma apquilmapsomcaa, emascocsic sat najan Ingyapam netin melyascalhma quellhip.

SAN MATEO 6:6

Apquiltamjoc sat ancoc elmalhnac lhip, italhningvoclha sat aplhapco congne tingma pac. Ingyapiclha sat atong. Ilmalhna sat Ingyapam aptomja aplhalhma congne tingma pac. Apvita inyicje Ingyapam netin aptemaclha lhip apyilhamacpo congne tingma pac. Emquesic sat acyanmongam.

SAN MATEO 7:11

Paj. Apyap emquesic sat asoc altamila. Quip elanojo. Apsomcavo inyicje quellhip. Apvancaac quellhip elmesamcoc apquitquic asoc altamila. Aptasoc apanco Ingyapam netin. Ningilmalhnaquic ancoc asoc altamila, coyangvomoc sat singilmescama as asoc.

SAN LUCAS 15:18

Pac otajiclhac sat mocjam tata tingma pac. Sat otnejic ongvanic: Tata, sicmasom nac coo (moyascalhma nac coo). Ayinmelham coo Ingyapam netin najan lhip.

SAN LUCAS 15:21

Aptomjac nic nat apquitca: “Tata, sicmasom nac coo (sicsilhnanomalhca ajanco). Ayinmelham (actanovquic) coo Ingyapam netin najan lhip. Acyaponcanalhquic otnejic lhip apquitca” —ilhnic nat aptomjac.

SAN LUCAS 2:14

Gloria apcapongmatem Dios apna netin. Coltamilsojoc apquilvalhoc enlhit apquilasicjayo Dios Ingyapam —alhta apquiltomjac.

SAN JUAN 20:17

Aptomjac alhta Jesús apcanya quilvana: —Avanquic lhiya jemamcoc coo. Am omyaclhac mocjam netin apnaclha coo Tata. Coltimnasquiclha sat elyalhinga. Cotne sat canic lhiya: Omyaclhac sat apnaclha coo Tata aptomja najan apquilyap quellhip. Apnaclha Dios ajanco najan quellhip Dios apancaoc —alhta aptomjac.

ROMANOS 8:15

Apquillhocac alhta quellhip Espíritu apanco Dios. Am eltamjoc Espíritu apanco Dios yoyam elyiplovcasojo quellhip apquiltemaclha nano, malha apquilmomap naysicsa apquilay. Ingiltimescasquic nincoo yoyam ongiltimjic Dios apquitquic. Espíritu apanco Dios ayinyema apcanem ontimjic mataa: “Ingyapam nincoo”.

GALATAS 1:1

Coo nac Pablo, sictimem apóstol siyapajasomalhca ayinyema Jesucristo najan Dios Ingyapam aptomja aplhaticjasquiyam Apquitca nipyesicsa apquilmasquingvaycmo. Jave siyapajasomalhca ayinyema enlhit.

GALATAS 4:6

Cotnatsalhquejec sat ningiltomja Dios apquitquic. Ayinyemaclha appiquinquic Dios ingvalhoc Espíritu apanco Apquitca. Intomjac mataa ingilvalhoc ayinyema Espíritu apanco: “Tata” —intomjac mataa.

1 TIMOTEO 6:16

Aptomja apvamlha pac lhama mengyitsepma. Aptomja apma naysicsa ayitsayolhma, mongvanquejec ontiyaningvomjo. Am nic nat etamacpoc Dios. Paj lhama enlhit apcopvanco etac. Apmopvan innac Dios najan mayayo cotmongvoycamlha nelha. Amén.

1 SAN PEDRO 1:17

Dios aptomja appeyvomo. Apyicpilcoc apquiltemaclha moclhama enlhit. Apquiltimec sat ancoc quellhip Dios apvisay “Ingyapam”, elavojo anco quellhip. Eltamilsacpojo apanco naysicsa ningileyvam as nalhpop.

EL APOCALIPSIS 4:11

Dios Visqui ingac, lhip aptomja apyimtalhnamo yoyam colhic ayaco lhip najan apmopvan. Ayinyemaclha lhip aptomja apquilantipquiscama aclhamoclhojo asoc. Lhip apmayjayoclha ayinyema alanomalhca as asoc —alhta apquiltomjac.

EL APOCALIPSIS 5:12

Apquiltomjac alhta apquilyimnatesa apquilpayvam: Apyimtalhnamo nac Nipquesic Apquitcoc apmatnam alhta. Elhcac sat apmopvan najan cascama apquilnatam najan apyascamcolhma najan apyimnatem. Colhic sat ayaco najan gloria apyimtalhnamo —alhta apquiltomjac.