SAN MATEO 6:6 - Enhlit Bible

⁶ Apquiltamjoc sat ancoc elmalhnac lhip, italhningvoclha sat aplhapco congne tingma pac. Ingyapiclha sat atong. Ilmalhna sat Ingyapam aptomja aplhalhma congne tingma pac. Apvita inyicje Ingyapam netin aptemaclha lhip apyilhamacpo congne tingma pac. Emquesic sat acyanmongam.

SAN MATEO 6:6 Iomraidhean Croise

2 REYES 4:33

Aptalhnec nic nat congne, apcapayclho atong, apquilmalhna Dios. Mepqui apquillhalhma ilhnic nat congne.

SALMOS 34:15

Visqui ingac aptomja aptamilquiscama enlhit apquilpeyvomo. Apjalhnoc mataa actemaclha apquililmalhnaycam.

PROVERBIOS 25:22

Emancangvomoc sat cotnaja ingmoc, apvita inlhojo nintemaclha ningamliyam. Colhic sat singaco napato Visqui ingac.

ISAÍAS 26:20

Quellhip enaymacoc enlhit. Elnamtilh sat congne tingma apancaoc, elapiclha sat atnaoc. elyilhanim sat maa, acsovjalhco inlhojo acyanmongayclha acyimtalhnama ayinyema Dios.

ISAÍAS 65:24

Sat cotnejic yicpintama selmalhnaycam asoc, olyejiclhojoc sat coo. Ongvaylhojoc sat naysicsa selpamejitquiscama enlhit.

SAN MATEO 14:23

Lhama alhta apquiltajaclho enlhitaoc. Yejemoc alhta apquinatveclho Jesús netin inquilhe acvinatem, yoyam elmalhna Dios Ingyapam. Aplhapcoc alhta apnac alhtaa.

SAN MATEO 6:18

Nongyane nasa cotalhca lhip apquilmalhnancama actemaclha memajay etovc. Etac sat Ingyapam aptomja aplhalhma lhip aplhapco. Emquesic sat acyanmongam —alhta aptomjac.

SAN MATEO 6:4

Iyilhacpojo mataa emquesic asoc. Apvita inyicje Ingyapam netin actemaclha lhip apyilhamacpo apmescama poc. Emquesic sat acyanmongayclha —alhta aptomjac. Aptomjac alhta mocjam Jesús:

SAN JUAN 1:48

Aptomjac alhta Natanael: —¿Jalhco setayaclha seyicpilco nac? —alhta aptomjac. Apcatingmavoc alhta Jesús: —Acvitac lhac lhip coning higo yamit yicpintama apquevoycam Felipe —alhta aptomjac.

SAN JUAN 20:17

Aptomjac alhta Jesús apcanya quilvana: —Avanquic lhiya jemamcoc coo. Am omyaclhac mocjam netin apnaclha coo Tata. Coltimnasquiclha sat elyalhinga. Cotne sat canic lhiya: Omyaclhac sat apnaclha coo Tata aptomja najan apquilyap quellhip. Apnaclha Dios ajanco najan quellhip Dios apancaoc —alhta aptomjac.

LOS HECHOS 10:30

Apcatingmavoc alhta Cornelio: —Cuatro acnim alhta intomjac. Innoc alhta acvamlha nac jay. Acnec alhta tingma ajac. Almalhnaquic alhta Dios Ingyapam. Pilapcasquic alhta sicvita apquiningvaa najato enlhit apquilmopoy apanco apquilantalhnama.

LOS HECHOS 10:9

Yejemoc alhta apquillhinga. Moc acnim apcamquitvocmo tingma. Am alhta elvocmoc mocjam. Ingyitsicso acnim alhta apquinamta Pedro tingma netin, yoyam elmalhna Dios Ingyapam.

LOS HECHOS 9:40

Yejemoc alhta apquilanya Pedro colanteypoc quilvanaa. Apquilticlhiquic alhta aptapnaoc Pedro apquilmalhna. Apquilanoc alhta acyitnaclha ayitsepma. Aptomjac alhta apcanya: —Tabita colhaticja —alhta aptomjac. Yejemoc alhta alyipteclho ataoc. Invitac alhta Pedro apna. Yejemoc alhta acnaclho netin.

ROMANOS 8:5

Ningyiplovcasquic sat ancoc nintemaclha inganco, colhenic sat mataa ingvalhoc nintemaclha inganco. Ningyiplovcasquic sat ancoc aptemaclha Espíritu apanco Dios, colhenic sat mataa ingvalhoc actemaclha ayinyema Espíritu apanco Dios.

EFESIOS 3:14

Eycaso ayinyema silticlhiclhama etapnaoc napato Dios Ingyapam.