SAN MATEO 6:2 - Enhlit Bible

² Apmesquic sat ancoc lhip asoc aptomja ayaymomalhca asoc, nopayesam nasa amyaa nipyesicsa enlhit. Eycaso apquiltemaclha apancaoc enlhit apquilaycmascam congne apcaneyquiclhilha najan amay nipyesicsa tingma. Apquililtamjoc mataa colhic ayaco nipyesicsa enlhit. Actomjac coo silanya quellhip: Naso, colhejec sat ayaco napato Dios Ingyapam. Insovjalhcoc apquillhoca acyanmongam.

SAN MATEO 6:2 Iomraidhean Croise

SALMOS 112:9

Mepqui ningmasma asoc, ningvita inlhojo ayaymomalhca poc. Comasquejec mataa ningyiplovquiscama Visqui ingac. Colhic sat singaco ningiltomja ningilyimnatem.

SALMOS 37:21

Apmaycaoc mataa aptomjac poc apquilmapsomcaa. Am eyca elajac mataa apquilmaycaoc. Am emyavac mataa enlhit appeyvomo, apquimlacmoc mataa poc.

PROVERBIOS 19:17

Nintemaclha ningamliyam enlhit mepqui asoc, colhojoc sat ningamliyam Dios. Ongillhocac sat acyanmongam, singilmesa Dios.

PROVERBIOS 20:6

Ningillhenalhqui inyicje inganco nintemaclha ningiltamila, am eyca etacpoc mataa lhama aptomja aptamila apanco.

ECLESIASTÉS 11:2

Pac ongilmilascoc ningilnatam, mongilyasamcoc acvamlha cotnejic mayic ataoc.

ISAÍAS 10:6

Ongvapajacsic sat as enlhitaoc nipyesicsa melilyajayquiclho najan sevenéycam coo. Elnatamoc sat apquilnatam, elminyilhic sat, eltamoc sat malha apquiltoyam yelpa payjoc amay, sat cotnejic.

ISAÍAS 58:7

Elmesaoc sat aptoycaoc mayic alnapma. Elma sat tacja quellhip enlhit mepqui asoc. Elmesaoc sat apava enlhit mepqui apquilantalhnama. Elpasim sat apnaymacoc lhalhma anco.

ISAÍAS 9:17

Am alhta copayjiclhac apvalhoc Visqui ingac apvita quilyimnanic. Am alhta ingyimlacmoc lhintampaa najan apquilyeyjeycam. Apquilanomacpo alhta apquilmopvancaa amyaa najan apquilmapsomcaa najan apquillhamasomap (apquilvennéycam Dios). Am alhta comascac mocjam aplom Dios Apyimtalhnamo. Am alhta elvatasac appeyvescama apectong.

OSEAS 8:1

Aptomjac alhta Dios Apyimtalhnamo: Elpayvas sat trompeta, malha enlhit aptamilquiscama Dios enlhit apancaoc. Apquiltovasquic pacto ningmiyovmalhca siyanamaclha coo. Apquiltomja apquilinmelhaycam siyanamaclha.

SAN MATEO 15:7

¡Enlhit apquilaycmascam acna anit apquilvalhoc nac quellhip! Apquillhenacpec quellhip vaycajac aptalhescama ilhnic nat Isaías:

SAN MATEO 16:3

Apquiltomja inyicje apquillhena quellhip alhtoo: “Comamac sat acnim nac jay, ayinyemaclha inyilhvasquic maa netin, yipjopay najan maa netin” —apquiltomjac mataa quellhip. ¡Apquilaycmascam nac quellhip! Apquilyicpilco inyicje quellhip acyitnaclha maa netin. Am eyca elyasamcoc quellhip asoc yoyam cotnejic as ningvamlha nac jay.

SAN MATEO 22:18

Apyicpilcoc alhta Jesús actemaclha alquitamsama apquilvalhoc almasomcaa. Yejemoc alhta apcatingmavo Jesús: —Enlhit apquilaycmascam nac quellhip acna anit apquilvalhoc. ¿Soctomja selyipcona nac?

SAN MATEO 23:5

‘Apquillana inyicje mataa as asoc, yoyam cotalhca apquiltemaclha nipyesicsa enlhitaoc. Apquilyispaquic mataa fariseos elyipitsic payjaclha napaat malha quese payjeycaoc actalhesomalhca Dios appayvam. Najan apquilpilhteteycaoc apictong Dios appayvam actalhesomalhca. Apquilvinatasoc mataa nipvayc apquilantalhnama.

SAN MATEO 23:6

Apquililtamjoc mataa eltimjic apquilimja apmamyi nipyesicsa caya. Apquililtamjoc mataa elhnam apquiltajanem altamila tingma apcaneyquiclhilha.

SAN MATEO 24:51

Ingyascacsojoc sat apyimpejic acyanmongayclha, acno acyanmongayclha apquiltemaclha apquilaycmascam. Elyipcalhic sat maa, cotovamcoc sat apmaoc —alhta aptomjac.

SAN MATEO 5:18

Actomjac coo silanya quellhip: Naso, am sat ancoc comascac netin najan nalhpop, comasquejec sat najan lhama actalhamavo actalhesomalhca singanamaclha. Cotnejic sat aclhamoclhojo asoc acvocmo acsovjomalhca.

SAN MATEO 6:16

‘Apquililmalhnaquic sat ancoc quellhip actemaclha melmajay eltovamcoc, noellhicmosacpojo apanco actemaclha malha acyitnocjayo apquilvalhoc. Eycaso apquiltemaclha apancaoc enlhit apquilaycmascam. Apquililtamjoc cotalhca apquiltemaclha apquililmalhnancama melmajay eltovamcoc. Actomjac coo silanya quellhip: Naso, colhejec sat ayaco napato Dios Ingyapam. Insovjalhcoc apquillhoca acyanmongam.

SAN MATEO 6:3

Apmesquic sat ancoc lhip asoc aptomja ayaymomalhca asoc, nongyane nasa eyasamcojo apmolhama.

SAN MATEO 6:5

‘Apquililmalhnaquic sat ancoc quellhip, noelvajanamco nasa apquiltemaclha enlhit apquilaycmascam. Apquilyispaquic mataa apcanviyam congne apcaneyquiclhilha najan amay nipyesicsa tingma. Apquililtamjoc mataa colvitalhca actemaclha apquilmalhnancama. Actomjac coo silanya quellhip: Naso, colhejec sat ayaco napato Dios Ingyapam. Insovjalhcoc apquillhoca acyanmongam.

SAN MATEO 7:5

Apquilaycmascam nac lhip acna anit apvalhaoc. Ilic siclho lhip yamit acyiviy apatic apanco. Natamin etac sat yamit anic apatic poc, yoyam elicsic.

SAN MARCOS 12:39

Apquililtamjoc elhnam apquiltajanem altamila tingma apcaneyclhilha. Apquililtamjoc najan eltimjic apquilimja apmamyi nipyesicsa caya.

SAN MARCOS 7:6

Apcatingmavoc alhta Jesús: —Enlhit apquilaycmascam acna anit apquilvalhoc nac quellhip. Apquillhenacpec quellhip vaycajac aptalhescama ilhnic nat Isaías: Intasi inyicje apquilpamesma as enlhitaoc. Selayo inyicje apquiltomjac. Tepec eyca acyitna apquilvalhoc apancaoc.

SAN LUCAS 11:41

Elmesaoc sat apnaymacoc asoc acnamco apquilvalhoc quellhip. Elalhnojoc sat quellhip apquilyovoclhojo.

SAN LUCAS 11:43

“Quellhip layi, fariseos. Apquilyispaquic mataa quellhip apquiltajanem altamila congne ninganeyquiclhilha. Apquililtamjoc mataa quellhip colhic acpayvesa natingma.

SAN LUCAS 12:33

Elquilhaoc asoc apancaoc. Elmesaoc sat apnaymacoc. Elana quellhip najapa, cotnejec sat ápaoc (solyayem). Colhic sat apquilnatam netin mevoycamlha apminyilhma. Cotovejec ascoc maa.

SAN LUCAS 12:56

Enlhit apquilaycmascam nac quellhip. Apquilyicpilco inyicje quellhip asoc apquilvitay acyitnama netin najan nalhpop. ¿Soctomja apquilquinatquisa nac asoc monquinatquiscama apquilvitay as ningvamlha nac jay? —alhta aptomjac.

SAN LUCAS 13:15

Apcatingmavoc alhta Jesús: —Enlhit apquilaycmascam nac quellhip. ¿Apquiljalhyovasqui ya quellhip tama apnatoscama acnim ninnayclha, yoyam elyajamsic?

SAN LUCAS 20:46

—Elavojo quellhip apquilyascamco apquiltemaclha. Apquilyispaquic anco eleyo apquilantalhnayclha apava apquilvinatem. Apquilyispaquic najan malpayvescama natingma. Apquililtamjoc elhnam apquiltajanem altamila tingma apcaneyclhilha. Apquililtamjoc najan eltimjic apquilimja apmamyi nipyesicsa caya.

SAN LUCAS 6:24

“Quellhip layi apquiltomja ningnatam inyapmayc. Apquillhovamquic alhta quellhip altamila asoc.

SAN LUCAS 6:42

¿Ingvanqui ya onganic ingmoc: “Emoc, ingyane olquisic acyalhalhama ayitcoc apatic.” Acyitna inlhojo singyalhalhama acyiviy ingatic inganco? Ningilaycmascam nac nincoo acna anit ingilvalhoc. Ningilanyalhquic onlicoc siclho singyalhalhama acyiviy ingatic inganco. Natamin ongvitac sat acyalhalhama ayitcoc apatic ingmoc, yoyam onliquisic.

SAN JUAN 13:29

Judas aptomja alhta aptamilquiscama solyayem. Apquilanayquic alhta napocja apquiltamsoycaoc, Jesús sat ingyapajacsic Judas yoyam eyanmongsic nintom. Apquililtamjoc alhta cotovalhca caya. Apquilanayquic alhta poc, Jesús ingyapajasac Judas, yoyam elmesic solyayem enlhit mepqui apquilnatam.

SAN JUAN 5:41

‘Am oltamjoc coo yoyam jelavojo enlhit.

SAN JUAN 5:44

Colapvanquejec quellhip eltimjic melyasquiyam. Ayinyemaclha apquiltingyac apquilayo nipyesicsa quellhip. Am colhenac apquilvalhoc elavojo Dios Ingyapam aptomja apvamlha pac lhama.

SAN JUAN 7:18

Apquiltamjoc mataa ingyajacpojo enlhit aptomja apquillhicmoscama ayinyema apvalhoc apanco. Coo eyca mataa ongvavojo coo Tata aptomja seyapajascama. Nasoc anco siclhanma, am coyitnac evalhoc actemaclha sicyinimquiscama.

LOS HECHOS 10:2

Appeyvomo alhta as enlhit najan aplhamoclhojo apmolhama. Apquilacoc alhta mataa Dios Ingyapam. Apquimlacmoc alhta mataa apnaymacoc judíos. Apquilinlhanacmec alhta mataa apquilmalhnancama Dios Ingyapam.

LOS HECHOS 10:31

Aptomjac alhta seyanya: “Cornelio, apjalhnoc Dios Ingyapam lhip apquilmalhnancama. Apyasamcoc najan aptemaclha apquimlayam.

LOS HECHOS 10:4

Am alhta ingyasac apquilano Cornelio ángel Dios apcasinancama. Apcacac alhta. Aptomjac alhta apcanya: —Visqui, ¿soc amyaa yi? —alhta aptomjac. Apcatingmavoc alhta ángel Dios apcasinancama: —Apyasamcoc mataa Dios. Jave alhtoc lhip apquilmalhnancama najan apquimlayam apnaymacoc.

LOS HECHOS 11:29

Yejemoc alhta allhena apquilvalhoc enlhit melyasquiyam tasic amyaa tingma Antioquía. Apquililtamjoc alhta elapajasquisic solyayem apquilyalhinga apnaycam yoclhilhma Judea. Apquilmesquic alhta moclhama actemaclha apmopvan apquilmescama.

LOS HECHOS 24:17

“Acvoncaclho alhta sictiyascam moc yoclhilhma. Yejemoc alhta sicmiyantama tingma Jerusalén. Acsantimcasquic alhta solyayem enlhitaoc ajancaoc (judíos). Acmesquic alhta najan asoc ningmescama Dios Ingyapam.

LOS HECHOS 9:36

Innec alhta tingma Jope quilvana coyasquiyam tasic amyaa acvisay Tabita. Griego appayvam acvisay Dorcas (nincoo ningiltimem popyit). Intasic alhta mataa actemaclha as quilvana. Inquimlacmoc alhta mataa actomja alaymomalhca inlhojo asoc.

ROMANOS 12:8

Ningillhocac sat ancoc ningmovan yoyam ongillanesiclhac apquilvalhoc ingilyalhinga, incaymalhquic ongilyiplovsic actemaclha ningillanayclha apquilvalhoc. Ingvanquic sat ancoc ongimlascoc asoc nipyesicsa ingilyalhinga, incaymalhquic mongmiyovejec naysicsa ningmilasictem. Ningiltomjac sat ancoc ningimja ingmamyi, incaymalhquic ongilinlhanmojo actemaclha ningimja ingmamyi. Ningilpasmec sat ancoc ingnaymacoc actomja ayaymomalhca asoc, incaymalhquic coyiplovjoc mataa acpayjayclha ingvalhoc.

1 CORINTIOS 13:3

Acmilasquic sat ancoc aclhamoclhojo silnatam nipyesicsa enlhit mepqui apquilnatam. Am sat ancoc omyovsalhcoc ajanco, malha acmeta sicyovoclhojo sat cotnejic. Eyca acyitna mepqui siyasicjayo. Alhtoc sat cotnejic sictemaclha.

GALATAS 2:10

Apquililtamjoc alhta ingilyipmaa acvamlha lhama asoc, yoyam ongilpasmoc sat mataa Jesucristo apmolhama mepqui apquilnatam nipyesicsa judíos. Acyiplovcasquic coo mataa actemaclha alhta singanama.

EFESIOS 4:28

Apminyilhquic alhta lhip, ilvates sat apminyilhma. Incaymalhquic etnajam, yoyam coymalhquejec lhama asoc. Yoyam ingyimlimojoc sat lhip poc aptomja ayaymomalhca asoc.

1 TESALONICENSES 2:6

Am alhta ongiltamjoc yoyam eltimjic singilayo quellhip najan poc enlhitaoc. Ingvanquic alhta inyicje onlhenic actemaclha ningilyimtalhnamo, ayinyemaclha ingilasinaquic alhta Cristo.

1 TIMOTEO 6:18

Ilane sat lhip enlhitaoc acma apquilnatam yoyam elimlimojo poc. Yoyam najan ellhamasiclha nintemaclha actamila, malha ninlhamasayclha ningilnatam.

FILEMON 1:7

Actomjac coo siyanya lhip: Naso, lhip apcasicjayo ayinyema appayesayclha evalhoc najan apyimnatescama evalhoc. Naso eyalhing siyasicjayo, lhip ayinyema apquilpayesayclha apquilvalhoc ingnaymacoc apquiltomja melyasquiyam.

HEBREOS 13:16

Nocolvonquim nasa quellhip yoyam elimlimojo apnaymacoc. Elmesaoc sat nicja asoc acnamco inlhojo quellhip. Eycaso actomja asoc macmescama Dios, aptomja apyisponcama.

1 SAN PEDRO 4:11

Apquiltimnam sat ancoc lhama nipyesicsa quellhip, ilhen sat Dios appayvam. Yitnec sat ancoc lhip actemaclha aptamjaycam, iyiplovquis sat actemaclha Dios apmescama. Incaymalhquic mataa yoyam colhic ayaco Dios Ingyapam ayinyemaclha singilpasmom Jesucristo. Colhic sat mataa ayaco Dios Ingyapam najan apmopvan cotmongvoycamlha nelha. Amén.

1 SAMUEL 15:30

Apcatingmavoc nic nat Saúl: —Moyascalhma nac coo. Altamjoc coo jetnejic seyay'o napatavo apquilimja apmamyi najan napatavo apquilimja apmamyi najan napatavo aplhamoclhojo enlhitaoc. Itne sat lhip siclhalhma yoyam opayicsojo Dios, lhip Apvisqui pac — nic nat aptomjac Saúl.