Biblia Todo Logo
Bìoball air-loidhne

- Sanasan -




SAN MATEO 6:10 - Enhlit Bible

10 Ingyane sat covac lhip apquilnancascama. Ingyane sat cotnejic apmayjayoclha as nalhpop acno maa netin.

Faic an caibideil Dèan lethbhreac




SAN MATEO 6:10
44 Iomraidhean Croise  

Aptomjac alhta apquilmalhnancama Esdras: Lhip nac Dios Visqui ingac, mepqui poc. Lhip nic nat apquillanay netin najan asoc acnaycaoc netin najan apyová. Lhip nic nat apquillanay as nalhpop najan aclhamoclhojo asoc acnaycaoc. Najan maa yingmin acvanyam najan asoc aleyvam congne yingmin. Lhip aptomja apyimnatescama apnenyaoc enlhitaoc najan acyovoclhojo asoc aleyvam. Apquiltimec apquilayo lhip apyovoclhojo apyová netin maa.


—Coo alhta sicponquinquiscama Apvisqui. Acnesquic alhta tingma Sión, netin inquilhe acponquinomalhca — alhta aptomjac.


Dios Visqui ajac. Pac oyiplovcasojo lhip apmayjayoclha. Yitnec evalhoc coo lhip singanamaclha.


Cotmongvomoc sat nelha acnim. Nitnoc sat cotniclha inquilhe apyitna tingma apponquinomap, am colhnoc quilhvo nac jay, am colhnoc moc inquilhe lhalhma anco. Eltiyaningvomjoc sat aplhamoclhojo enlhit lhalhma anco.


Aptomjac alhta Dios apquilanya: Incovac sat acnim, yoyam etyamoc sat apvisqui David aptavin. Etnejic sat apvisqui apyascamco, aptemaclha appeyvomo najan aptemaclha appeyvescasquiclha appeyvomo.


Eltimjic sat apquilviscaa nalhit acnim. Etnesquisic sat Dios apna netin lhama apvisqui apcanamaclha cotmongvoycamlha nelha apyimnatem apanco am elhno poc apvisqui. Mepqui poc apvisqui, yoyam etvacsic as apvisqui najan apcanamaclha.


Mepqui apquilyimtalhnamo apyovoclhojo enlhitaoc as nalhpop. Apyiplovcasquic mataa aclhanma apvalhoc, payjoc maa netin najan as nalhpop. Copvanquejec lhama enlhit ingyinmelham lhip apmopvan. Copvanquejec enlhit ingyanic lhip: ¿So actomja yi? - Paj.,


Invitac alhta sicvanmoncama alhtaa as asoc. Pilapcasquic alhta sicvita. Naysicsa yipjopay apvayventama lhama apyitsomacpo enlhit apquitca. Apyocmec alhta apnaclha Apyimtalhnamo netin apvisqui aptajanem. Innec alhta acyantama apnaclha maa.


Colhic sat acmesa apcanamaclha ellhovamcoc Dios apquilyacyescama. Elhic sat apvisqui, colhic sat apquilmopvan, najan mayayo lhalhma anco as nalhpop. Cotningvomejec sat nelha apcanamaclha. Elilyejiclhojoc sat enlhitaoc, eltimesam sat apyovoclhojo enlhitaoc as nalhpop.,


¡Colpayjiclha apquilvalhoc quellhip tingma Sión! ¡Elminaycmas sat naycisa apquilitsovascama, quellhip co Jerusalén! Apquilhyacme Visqui ingac appeyvomo najan apyimnatem. Mepqui ayajamalhco apvalhoc, yamelyeyjaycoc ayitcoc apquinamtem.


Aplhamoclhojo enlhit apquiltomja apquilyajayquiclho apmayjayoclha Dios Ingyapam, eyca as enlhit najan quilvana actomja elyalhinga najan meme —alhta aptomjac.


Actomjac coo silanya quellhip: —Naso, cotalhcac sat silnancascama sicvisay Sictiyam Sictomja Enlhit yicpintama elmasquingvomoc napocja as enlhitaoc apcanaycam nac lha —alhta aptomjac.


Aplhingaclhec alhta mocjam. Apquilmalhnaclhec alhta mocjam: —Tata, apvanquic lhip aclhamoclhojo asoc. Am sat ancoc jeyeycajasac as asoc acmasca, oynic sat coo. Cotnejic sat actomja apmayjayoclha lhip —alhta aptomjac.


Aptomjac alhta Juan: —Elyanmonquis apquilvalhoc quellhip. Camquitvaac Visqui netin apquilnancascama —alhta aptomjac.


Yejemoc alhta acvocmo apquenmoclha siclhoc anco apquillhicmoscama Jesús. Aptomjac alhta Jesús apquilanya enlhitaoc: —Elyanmonquis apquilvalhoc. Camquitvaac Visqui netin apquilnancascama —alhta aptomjac.


Aptomjac alhta mocjam Jesús: ‘Apquiltomjac sat ancoc aplhamoclhojo jelanic coo: “Visqui, Visqui”, melpalhavomejec sat napocja enlhit Dios apquilnancascama. Elpalhavomoc sat apquilvamlha enlhit apquiltomja apquilyajayquiclho apmayjayoclha coo Tata apna netin.


Ningilayo actomja apquilnancascama ingyap David, yoyam covac sat. Sas, tasic anco netin aja —alhta apquiltomjac.


Aplhamoclhojo enlhit apquiltomja apquilyajayquiclho apmayjayoclha Dios, eyca as enlhit najan quilvana actomja elyalhinga najan meme —alhta aptomjac.


Apcamquitvoclhec alhta Jesús tingma Jerusalén. Apquilanayquic alhta apquillhalhmaa elvitac sat Dios apquilnancascama. Apquiljalhnoc alhta mocjam enlhitaoc.


Apquiltomjac alhta: —Ningilayo aptomja apquilhyam apsoyam apvisay Visqui ingac. Coltamilsojoc sat apvalhoc netin. Ningayo netin Dios Ingyapam —alhta intomjac amyaa.


Aptomjac alhta Jesús: —Tata, jeyeycajas as asoc acmasca, yoyam moynic. Jave eyca coo sicmayjayoclha ajanco. Cotnejic sat actomja apmayjayoclha lhip —alhta aptomja apquilmalhnancama.


Aptomjac alhta apquillhicmosa Jesús: —Eycaso actomja coo sictom. Altamjoc otnejic actomja apmayjayoclha Ingyapam aptomja seyapajascama. Altamjoc openasquisojoc aptamjaycam Ingyapam.


Eycaso actomja apmayjayoclha coo Tata aptomja seyapajascama. Apquiltamjoc yoyam colhic acyimnatem apnenyaoc moclhama aptomja selaneyo sicvisay Dios Apquitca najan aptomja mejeyasquiyam. Onalhaticjascomoc sat actamongvomlha nelha acnim —alhta aptomjac.


Apquiltamjoc sat ancoc enlhit eyiplovcasojo apmayjayoclha Ingyapam, metnatsejec sat sellhicmoscama. Naso nac ayinyema Dios Ingyapam, jave ayinyema sillhicmoscama ajanco.


Apquilvatescasquic nic nat Dios Ingyapam aptimem apvisqui Saúl. David nic nat aptimescaseclha apvisqui. Aplhenquic nic nat Dios Ingyapam: “Acvitac coo David Isaí apquitca. Lhama enlhit actomja acliclamo evalhoc. Etnejic sat mataa actomja sicmayjayoclha” —nic nat aptomjac.


Am alhta jingilyajaclhoc ningmasma. Inmasquec alhta ninpamejitsa: “Cotnejic sat actomja apmayjayoclha Visqui ingac” —alhta ningiltomjac nincoo.


Aptomjac alhta seyanya: “Apyacyesquic nat lhip Ingyapam aptomja ningilyeyjamcaa Dios apancaoc. Apquiltamjoc yoyam eyasamcojoc lhip Dios Ingyapam apmayjayoclha. Apquiltamjoc yoyam etac lhip Enlhit Appeyvomo najan elngac appayvam apanco.


Noelvajanaoc nasa apquiltemaclha enlhitaoc lhalhma anco. Elyanmonquis apquilvalhoc quellhip yoyam cotnejic alhnancoc actemaclha apquilvalhoc. Elyasingvomoc sat quellhip actemaclha apmayjayoclha Dios. Elyasingvomoc sat actemaclha actamila napato Dios najan actemaclha apyisponcama najan actemaclha acpeyvomo.


Noelapajangvomjo nasa eltamjam elvita apquilviscaa apancaoc yoyam colcojoc sat apquilvalhoc apquilviscaa apancaoc. Ayinyemaclha quellhip apquiltomja apquilancam Cristo yoyam elyiplovcasojo apmayjayoclha Dios.


Ningnec alhta inyicje naysicsa yatescamalhma, malha singilmam. Ingilyinyovcasquic alhta yatesaclhilhma Dios. Ingilnescaclhec alhta apquilnancascama Apquitca aptomja Visqui ingac.


Ninlingac alhta amyaa siclhoc anco apquiltemaclha quellhip. Ningilinlhanacmec mataa nincoo ningilmalhnesquiscama quellhip yoyam elhicmocsic sat Dios actemaclha apmayjayoclha yoyam elyasingvomoc quellhip najan elyicpilcangvomoc ayinyema Espíritu apanco Dios.


Eltime sat Dios apquilponcanma yoyam eltimjic apquiltamila napato. Eycaso actomja apmayjayoclha Dios. Noelvajaniclhojo nasa apquiltemaclha apquilanatama.


Eltime sat mataa gracias Dios Ingyapam. Eycaso actomja apmayjayoclha Dios yoyam elvajanamcojo quellhip melyasquiyam Cristo Jesús.


Aplhamoclhojo ángeles apquiltomja Dios apquilancam mongvitay nincoo. Apquiltomja apquilapajasomap yoyam elpasmoc enlhitaoc, yoyam elvomsacpoc tap.


Incaymalhquic elinlhanmojo quellhip yoyam elyiplovcasojo actemaclha apmayjayoclha Dios yoyam najan ellhovac aplhanma Dios actomja nasoc anco.


Actomjac coo: “Lhip Tata coo, ayilhyacmec coo yoyam otnejic lhip apmayjayoclha acno selhanma vaycajac actalhesomalhca” —alhta aptomjac.


Ningiltamjoc nincoo Dios eltimesquisic apquilpeyvomo quellhip yoyam elvajanamcoc quellhip actemaclha apmayjayoclha Dios. Jingilanecsic sat ingilvalhoc Dios ayinyema Jesucristo yoyam eyispac nintemaclha. Colhic sat mataa ayaco Cristo cotmongvoycamlha nelha. Amén.


Apquiltamjoc Dios yoyam eltamilsacpojo apanco quellhip. Apquilvitac sat ancoc enlhit apquilmapsomcaa elvatsamcoc sat actemaclha apquillhamasomap.


Elvatsamcoc sat najan actemaclha ayitsepma apnenyaoc naysicsa apquileyvam as nalhpop. Elyiplovsic sat mataa apmayjayoclha Dios.


Appayvasquic alhta poc ángel trompeta appayvascama, siete alhta apvocmoc. Yejemoc alhta siclinga netin appayvam alyimnatem, intomjac alhta: Apvisqui as nalhpop aptomja Dios Visqui ingac najan Cristo. Etnejic sat Apvisqui cotmongvoyam nelha —alhta inquiltomjac.


Aclingac alhta appayvam acyimnatem netin. Intomjac alhta: —Invaac quilhvo ningilvomsomalhca tap ayinyema Dios najan apmopvan najan apcanamaclha Dios najan actemaclha apyimtalhnamo Cristo. Ayinyemaclha intipsalhquic netin yavey Satanás actomja allhanma mataa acnim najan alhtaa napato Dios apquiltemaclha ingilyalhinga.


Aclingac coo malha apquilpayvam aplhamoclhojo enlhitaoc. Najan malha yingmin ayinyem ayilhtingyovam. Najan malha quilhtingyovayam acyimnatem. Apquiltomjac alhta apquilminaycmascama: ¡Aleluya, eltime apquilayo Dios! Quilhvoc aptomja Apvisqui apyimtalhnamo Dios Visqui ingac.


Natamin acvitac alhta aclhamoclhojo Visqui apquiltajanem. Apnam alhta apquilyimtalhnamo netin apquiltajanem yoyam eltimjic apquilyicpilquemo. Acvitac alhta najan apquiljangaoc apticyovam alhta nano, ayinyema apquillingascama alhta nano apvisay Jesús najan apquillingascama Dios appayvam. Am alhta elpayasoc nano asoc navjac aclom najan quilaycmasquiscama anco. Am alhta colcajasalhca payjaclha napaat inlhoyqui laa apmic. Inquilyimnavocmec alhta mocjam apnenyaoc apticyovam nano. Apquilviscaa alhta apquiltomjac apquillhalhmaa Cristo acvocmo mil años.


Lean sinn:

Sanasan


Sanasan