SAN MATEO 6:1 - Enhlit Bible

¹ ‘Eltamilsojo quellhip. Elyiplovcasojo apquiltamjaycamcaclha altamila. Apquillhicmosquic sat ancoc mataa nipyesicsa enlhitaoc, melmecsejec sat acyanmongam Ingyapam apna netin.

SAN MATEO 6:1 Iomraidhean Croise

2 REYES 10:16

Aptomjac nic nat Jehú apcanya: —Itne sat siclhalhma coo. Etac sat sictemaclha sicvascapma sictimesaycam Visqui ingac — nic nat aptomjac. Aplhalhma ilhnic nat aptomjac netin carro.

2 REYES 10:31

Am nic nat eyiplovcasac Jehú singanamaclha Dios Visqui ingac. Am nic nat elvatasac evjanamcoc melyascalhma ayinyema Jeroboam. Apquilsinanaquic nic nat enlhitaoc Israel, elvajanamcoc actema nac lha.

SALMOS 112:9

Mepqui ningmasma asoc, ningvita inlhojo ayaymomalhca poc. Comasquejec mataa ningyiplovquiscama Visqui ingac. Colhic sat singaco ningiltomja ningilyimnatem.

EZEQUIEL 33:31

Apquilvocta inyicje, yoyam elhnam apnaclha lhip, elaylhojo lhip appayvam. Am eyca elyiplovcasac appayvam. Apquilvajanamquic mataa lhip appayvam malha apquilvajaneycaoc apquilminaycmascama. Moc asoc aclhanma apquilvalhoc acvisay solyayem.

DANIEL 4:27

Lhip visqui apyimtalhnamo, ingyeylhojo sicpayvam: Nosilhnanacpojo nasa apanco, iyiplovcasojo actemaclha acpeyvomo. Ilvates aptemaclha acmasom. Ingyimlimojo sat mataa enlhit mepqui apquilnatam. Coytic sat actamilaycam apvalhoc lhip visqui apyimtalhnamo. Coymalhquejec sat mataa lhama asoc — nic nat aptomjac Daniel, moc apvisay Beltsasar.

ZACARÍAS 13:4

Elmancangvomoc sat as acnim profetas apanco, ellingacsic amyaa acvitay apquilvanmoncama. Copvanquejec sat profeta apmopvan amyaa etalhniclha apquilantalhnama yataay apva, yoyam elngacsic amyaa.

ZACARÍAS 7:5

Ilngas sat amyaa nipyesicsa enlhitaoc lhalhma anco najan nipyesicsa sacerdotes: Vocmec setenta años apquiltemaclha quellhip moclhama año eltimjic apquilmalhnancama mepqui nintom najan acmayovsa apquilvalhoc, piltin quinto najan piltin séptimo. Meltomjac mataa selayo coo.

SAN MATEO 16:27

Coo sicvisay Sictiyam Sictomja Enlhit. Ovotac sat naysicsa gloria mayayo apanco Tata najan apquillhalhmaa sat ángeles Dios apquilasinancama. Olmesic sat acyanmongam actemaclha apquiltamjaycam moclhama enlhit.

SAN MATEO 16:6

Aptomjac alhta Jesús apquilanya apquiltamsoycaoc: —Quip elaylhojo. Elavojo anco quellhip fariseos najan saduceos. Apquiltemaclha apancaoc malha quilpasmongam apquimpascaoc —alhta aptomjac.

SAN MATEO 23:13

‘¡Quellhip layi, fariseos najan apquilyascamco apquiltemaclha! ¡Apquilaycmascam nac quellhip! Apquilapeclhe inyicje quellhip atong Visqui netin apquilnancascama, yoyam melantalhningvomeje enlhitaoc. Melpalhavomejec sat quellhip. Apquilmiyovquic quellhip, yoyam elpalhavomoc apnaymacoc apquilmayjayo elantalhningvomoc.

SAN MATEO 23:5

‘Apquillana inyicje mataa as asoc, yoyam cotalhca apquiltemaclha nipyesicsa enlhitaoc. Apquilyispaquic mataa fariseos elyipitsic payjaclha napaat malha quese payjeycaoc actalhesomalhca Dios appayvam. Najan apquilpilhteteycaoc apictong Dios appayvam actalhesomalhca. Apquilvinatasoc mataa nipvayc apquilantalhnama.

SAN MATEO 25:40

Sat etnejic mocjam Apvisqui elanic: “Actomjac coo silanya quellhip: Naso, moclhama asoc apquiltimesquiscama quellhip eyalhing meyimtalhnamo. Eyca as asoc seltimesquiscama coo” —sat etnejic Apvisqui.

SAN MATEO 5:16

Ellhojo sat quellhip lha. Elapongmit sat nipyesicsa enlhitaoc. Colvitalhcac sat quellhip apquiltamjaycam altamila. Colhic sat ayaco Ingyapam netin —alhta aptomjac.

SAN MATEO 5:46

Apquilasicjacpec quellhip nipyesicsa apnaymacoc. Apquilasicjavoc sat ancoc quellhip apquilvamlha apnaymacoc apanco, ¿soc asoc actamila yi? Acno najan lha apquiltemaclha enlhit apquilvinamap apquilmam tacja solyayem, apquilasicjavoc mataa apnaymacoc.

SAN MATEO 5:48

Appeyvomo apanco Ingyapam netin. Ellhojo sat quellhip lha, eltime sat apquilpeyvomo —alhta aptomjac.

SAN MATEO 6:16

‘Apquililmalhnaquic sat ancoc quellhip actemaclha melmajay eltovamcoc, noellhicmosacpojo apanco actemaclha malha acyitnocjayo apquilvalhoc. Eycaso apquiltemaclha apancaoc enlhit apquilaycmascam. Apquililtamjoc cotalhca apquiltemaclha apquililmalhnancama melmajay eltovamcoc. Actomjac coo silanya quellhip: Naso, colhejec sat ayaco napato Dios Ingyapam. Insovjalhcoc apquillhoca acyanmongam.

SAN MATEO 6:9

Eltime sat elilmalhnac actema nac jay: Ingyapam nincoo apna netin. Inponquinalhquic lhip apvisay.

SAN MARCOS 8:15

Aptomjac alhta Jesús: —Elavojo anco quellhip quilpasmongam apquimpascaoc fariseos najan Herodes.

SAN LUCAS 11:35

Pac ontamilquisic sat ayitsayolhma ingvalhoc, yoyam cotneje yatescamalhma ingvalhoc.

SAN LUCAS 12:1

Apquicjingvoctac alhta enlhit appintalhnama. Apquilyenacpec alhta enlhitaoc. Inquiltamalhquic alhta mataa poc apmancoc. Yejemoc alhta apquiltimnasamcaa Jesús. Apquiltamsoycaoc alhta apquilpamejitcasac siclho: —Elavojo anco apquimpascaoc fariseos, moc ningiltimem actemaclha anit apquilvalhoc.

SAN LUCAS 12:15

Aptomjac alhta mocjam: —Elavojo quellhip actemaclha ningmayjayo ongyeycajasalhcojo ningilnatam. Jave aclhamoclhojo ningilnatam actomja acyimnatescama ingnenyic —alhta aptomjac.

SAN LUCAS 16:15

Aptomjac alhta apquilanya Jesús: —Quellhip fariseos, apquillhenacpec apanco mataa apquilpeyvomo nipyesicsa apnaymacoc. Dios Ingyapam eyca apyasamcoc apquilvalhoc quellhip. Aptanovquic mataa Dios Ingyapam actomja apquilayoclha enlhit —alhta aptomjac.

SAN JUAN 12:43

Apquilyispaquic alhta mataa mayayo ayinyema enlhit, am colhno mayayo ayinyema Dios Ingyapam.

SAN JUAN 5:44

Colapvanquejec quellhip eltimjic melyasquiyam. Ayinyemaclha apquiltingyac apquilayo nipyesicsa quellhip. Am colhenac apquilvalhoc elavojo Dios Ingyapam aptomja apvamlha pac lhama.

LOS HECHOS 3:12

Lhama alhta apvita Pedro. Aptomjac alhta apquilanya enlhitaoc: —Enlhitaoc Israel. ¿Soctomja alpilapsa nac apquilvita? ¿Soctomja singilano nac nincoo? ¿Apquilanayqui ya quellhip ayinyema ningmovan inganco najan ningiltamila ningilancam napato Dios? ¿Apquilanayqui ya nintamilquisquiyam nincoo as enlhit?

GALATAS 6:12

Apquililtamjoc napocja enlhitaoc elanic quellhip yoyam elyiplovsic quellhip apquiltemaclha judíos, yoyam colhic asoc monquinatquiscama apyimpeoc quellhip. Incacoc apnenyaoc as enlhitaoc colhic acminlhina ayinyema judíos apquiltanoncama amyaa apquitsepma Jesucristo asoc timyescama.

DEUTERONOMIO 24:13

Natamin actalhnama acnim ingyalacpojoc sat mocjam enlhit mepqui apquilnatam, yoyam etyinic. Copayjiclhac sat apvalhoc maa, ayinyema actamila anco apquiltemaclha quellhip napato Dios.

HEBREOS 11:26

Apquiltamjoc nic nat Moisés elngamcojo apquilasmescama enlhitaoc aplhenamap Cristo, actomja malha acyiviy anco ningilnatam, am colhno acyovoclhojo apquilnatam acnaycaoc yoclhilhma Egipto. Ayinyemaclha inlhenquic nic nat apvalhoc Moisés Dios apmescama yoyam covac sat.

HEBREOS 2:1

Incaymalhquic ongilinlhanmojo ningyiplovquiscama mataa appayvam ninlingay alhta nincoo yoyam mongillhinganmejec ningyiplom as amay.

HEBREOS 6:10

Dios aptomja appeyvomo. Colvonquemejec mataa Dios apquiltemaclha alhta quellhip apquilasicjayo najan apquilpasmom ingilyalhinga ayinyema apvisay apanco. Najan actemaclha apquilpasmom ingilyalhinga quellhip quilhvo nac jay.

2 SAN JUAN 1:8

Elavojo quellhip, eltamilsacpojo apanco. Noelojo nasa comascoc asoc actamila apquilyiplovquiscama mataa quellhip. Yoyam ellhovac sat acyanmongam acyovoclhojo.