SAN MATEO 5:9 - Enhlit Bible

⁹ ‘Apquilinyejemoc anco enlhit apcasicjascaseyquiclho poc. Eltamjacpoc sat apquilvisay Dios apquitquic.

SAN MATEO 5:9 Iomraidhean Croise

1 CRÓNICAS 12:17

Apquilamyilhamquic nic nat David, aptomja apquilanya: Apquilvaac sat ancoc quellhip yoyam jelpasmoc, acyitna inlhojo actamilaycam apquilvalhoc, omoc sat tacja acyiplomo acpayjayclha evalhoc. Apquilvaac sat ancoc quellhip, yoyam jelinmelham yoyam omalhcac nipyesicsa cotnaja ingmoc, naysicsa mepqui sicsilhnanomalhca ajanco. ¡Dios Visqui apancaoc ningilyeyjamcaa aptomja apvitayo, eyanmongsiclhac sat aptemaclha apanco apmapsom!

SALMOS 120:6

Acvoncaclhojo sicma nipyesicsa enlhitaoc seltanoncama coo.

SALMOS 34:12

¿Apquiltamjo ya lhquip etyisam aclhamoclhojo acnim? ¿Apquiltamjo ya lhquip copayjiclha apvalhoc aclhamoclhojo acnim?

SAN MATEO 5:45

Eltimjic sat quellhip apquitquic Ingyapam apna netin. Aptipcasquic mataa acnim Dios Ingyapam, yoyam colsavojo olhma apnamcaclha enlhit apquiltamila najan enlhit apquilmapsomcaa. Apcapajasquic mataa acmamay apnamcaclha enlhit apquilpeyvomo najan enlhit melpeyvomo.

SAN MATEO 5:48

Appeyvomo apanco Ingyapam netin. Ellhojo sat quellhip lha, eltime sat apquilpeyvomo —alhta aptomjac.

SAN LUCAS 20:36

Melmasquingvomejec sat mocjam. Elinmalhningvomoc sat ángeles Dios apquilasinancama. Eltimjic sat Dios apquitquic ayinyema apnalhaticjangviyam.

SAN LUCAS 6:35

Nincoo eyca, pac ongilasicjojo cotnaja ingmoc. Pac ongimlimojo najan ongmesic asoc inganco apmaycaoc poc enlhit. Colhenejec sat ingvalhoc acyanmongayclha. Avanjec sat cotnejic acyanmongam netin. Ontimjic sat nincoo Dios Ingyapam netin apquitquic. Apquimlaycmojo mataa enlhit colhanma apquilvalhoc najan apquilmapsomcaa.

LOS HECHOS 7:26

Moc acnim nic nat apvita apquilnapomap apcanit aptemolhama. Apquiltamjoc nic nat inyicje Moisés elvatesamcoc apquilnapomap. Aptomjac nic nat apquilanya: “¿Soctomja apquilnapacpo nac? Apquilyalhing apancavo quellhip” —nic nat aptomjac Moisés.

ROMANOS 12:18

Apquillhenacpec sat ancoc quellhip, eltamilsojo sat mataa apquilvalhoc nipyesicsa aplhamoclhojo enlhitaoc.

ROMANOS 8:14

Apquilvamlha aptomja apnalayclha Espíritu apanco Dios, eycaso apquiltomja Dios apquitquic.

ROMANOS 8:16

Espíritu apanco Dios aptomja apyascasingviyam ingvalhoc ningiltomja nasoc anco Dios apquitquic.

ROMANOS 8:19

Avanjec apquililjalhanma aplhamoclhojo enlhitaoc, inquililjalhnec najan aclhamoclhojo asoc apquillanay nic nat Dios, yoyam covac sat acnim yoyam elvitacpoc Dios apquitquic.

1 CORINTIOS 6:6

Apquilatingmacpec inyicje quellhip napatavo singyicpilquemo metnaja Jesucristo apmolhama.

2 CORINTIOS 13:11

Quellhip elyalhinga. Sas sat apnaycam, colpayjiclha apquilvalhoc quellhip. Ellaniclha sat aclhamoclhojo asoc nipyesicsa. Eltamilquisquim sat apquilvalhoc poc nipyesicsa quellhip. Elinlhanmojo sat apquilyiplovquiscama. Eltamilsojo sat mataa apquilvalhoc. Epasmoc sat quellhip Dios aptomja singasicjayo najan acyitna actamilaycam apvalhoc.

2 CORINTIOS 5:20

Quilhvoc ningiltomja ningilsoycam amyaa ningilapajasomalhca ayinyema Cristo. Ningiltimnasquic nincoo actemaclha singanama Dios yoyam ongiltimnacsic quellhip. Najan actemaclha singanama Cristo yoyam ongiltimnacsic quellhip: Elane sat colhic actimesa actamilaycam apquilvalhoc napato Dios.

GALATAS 5:22

Asoc altamila eyca, malha acyilhna ayinyema Espíritu apanco Dios acvisay: actemaclha ningasicjayo najan actemaclha acpayjayclha ingvalhoc najan actemaclha actamilaycam ingvalhoc najan actemaclha nintamilquiscamo ingvalhoc najan actemaclha acliclamo ingvalhoc najan actemaclha ningamliyam najan actemaclha mongilvatseycaoc ningyiplovquiscama.

EFESIOS 4:1

Acnec coo singilpilhtetomaclha, malha sicmomalhca ayinyema Visqui ingac. Altamjoc coo yoyam eltamilsacpojo apanco quellhip apquiltomja Dios apquilyacyescama malha Dios apquevoycam.

FILIPENSES 4:2

Lhiya Evodia najan lhiya Síntique: Colhnasojo mataa moc avalhoc, malha ingyalhing ayinyema Visqui ingac.

COLOSENSES 3:13

Noeltanovap nasa nipyesicsa quellhip. Elasicjiclhojo sat mocjam naysicsa apquilinmelhaycam. Ellhnasojo sat Cristo aptomja apmascoscama melyascalhma quellhip.

HEBREOS 12:14

Elinlhanmojo apquilyiplovquiscama actemaclha actamilaycam ingvalhoc nipyesicsa aplhamoclhojo enlhitaoc. Eltamilsacpojo apanco quellhip. Mongvanquejec ongvita Visqui ingac mepqui ayalhnayo ingvalhoc najan mepqui ningiltamilcasomalhco inganco.